دلوقتي ايه الاحسن : ريو ولا فيستا ؟؟
من ناحية الثبات و الماتور و قطع الغيار و الصيانة
عرض للطباعة
دلوقتي ايه الاحسن : ريو ولا فيستا ؟؟
من ناحية الثبات و الماتور و قطع الغيار و الصيانة
فيستا طبعا
الامريكان اقوى من كورياااااااااااااااا
من الأخر خامات و وسائل أمان لصالح ال فيستا
و موتور أقوى و صالون و شنطه (بتكلم على ريو هاتشباك) أوسع بكتير و سعر أعاده بيع لصالح الريو
لما كنت بشترى الريو فكرت فى الفيستا و ركبتها فى المعرض و كان أنطباعى عنها أنها عربيه شيك و تحس أنها متكلفه بس الصالون ضيق و يأخد أتنين وراه بالعافيه كمان الشنطه صغيره أوى
لو حد مش متجوز و تكون لفرد أو أتنين يركبوها حتكون مناسبه جدا
الريو كان أختيارى
وقتها كانت الفيستا أغلى (مش عارف دلوقتى أيه النظام)
صالون و شنطه أوسع و خامات العربيه شايفها حلوه و شيك كمان موتور الريو أقوى بغض النظر عن ال over rating الى بيتقال عن العربيات الكورى
شوف الريو عربية تقيلة على الارض ومن ناحية الامان متخفش بعد حماية ربنا انت معاك ABS و EBD و 2 ايرباج والعمر ده في ايد ربنا والله لو معاك مليون وسيلة امان
الفيستا فيها ESC وتقريباً مفيهاش EBD يعني العربية فيها ESC و ABS و اكيد طبعاً فيها ايرباج مش فاكر كويس لكن الاهم الفرامل
اما للموتور طبعاً كلنا عارفين ان تسارع الكيا من الصفر بيكون اسرع من اي عربيات لكن من 120 لفوق التسارع بيكون ابطئ شويه من الاول وده من واقع تجربة
اما عن السعر للشراء و اعادة البيع فطبعاً الريو بلا منافس
الشكل والفخامة هتلاقية في الريو (دلع جداً) عربية شبابية وشكل جديد ورياضي ووسائل ترفيه ونظام صوت متكامل Arkmys في الهاي لاين بس متوفر مع 6 سماعات
الريو ثابته نفسها وبقوة وخصوصاً بعد ما كيا قررت انها تدخل السباقات بالريو وده من رأيي قرار ممتاز لانها عربية اليومين اللي جايين يعني ده وقتها من الاخر كده
لكن انا سمعت كلام عن السعر وصل تقريباً حاجة وستين اخر سعر سمعته في معرض للريو هاي لاين سيدان استيلام فوري قال لي 162 قلت له تعرف انا مشتريها بكام ؟ قال لي كام ؟ قلت له انا مشتريها بـ122 الف
فيعني دور كويس وارخص معرض اشتري منه
كام؟؟ 162 للريو؟؟ اكيد فى حاجة غلط
بصراحة الاخوة قالوا اللى كنت هقوله بالضبط
الفييستا فيها ABS+EBD+Brake-assist
مفيش عربية يورو فـ الفئة دى بتنزل abs من غير ebd؟!!
عربية معتز عاطف متعدلة بالكامل ياباشا :)اقتباس:
الريو ثابته نفسها وبقوة وخصوصاً بعد ما كيا قررت انها تدخل السباقات بالريو وده من رأيي قرار ممتاز لانها عربية اليومين اللي جايين يعني ده وقتها من الاخر كده
من أول الموتور الـ1.6 بالعفشة والفرامل وأجزاء تانى؟!!
إحنا بنتكلم على عربيات ستاندرد (ستوك)
- أكيد انت عارف فورد عاملة أيه بالفييستا فـ راليات الـS1600 (وقبلها الـS2000) الأوروبية؟!!!
فيه فرق لما يكون صانع سيارات بيستثمر فـ السباقات؛ عشان ياخد خبرة وتكنولوجى يستفيد بيها فـ تصميم-صناعة عربية mainstream-production...
وبين لما تكون شركة مالهاش فيه، وييجى متسابق private-run (أو برعاية)، ويعدلها أو يديها لـtuning-shop.. عشان يدخل بيها سباق local؟؟!!! :nemoflow:
فـ الحالة الأخيرة -كيا- لم تستفيد حاجة غير الـmarketing، مش الصناعة!
يعنى ده لا ينعكس على ثبات-هاندلينج العربية (الريو) بأى شكل من الأشكال.
بصرف النظر ان عربية مو1999 قديمة شوية (14 سنة).. أكيــــــــد فيها حاجة غلط-مش مضبوطة؟!!
لو بتتكلم على ثبات وأمان رقم1.. وعربية سوبر-مينى، أعتقد مش الريو
- أنا سوقتها مرة واحدة: الصراحة موتورها حلو فـ طلعته، والعفشة مش ناشفة أوى -يمكن عشان مش الجنط الـ17؟!!
الثبات معقول جدا -مش عايز أقول كنت مطمن لها أكثر من السيراتو! lol
لكن
بردو مش زى البولو والكورسا مثلا (والإبيزا-البونتو-الـ206/207).. يتفوقوا فـ حته الهاندلينج والـstability دى تحديدا..
(ولا تجهيزات الأمان اللى بتنزل ستاندرد فـ العربيات دى)!
الريو تتفوق طبعا فـ الموتور شوية -وأساسى فـ التوكيل وقطع الغيار والـresale
لأن عليها طلب وإنتشار أكثر من العربيات اليورو!