-
عربيتي اتقلبت
انا العربيه بتاعتي اتقلبت بس انا مش عارف السبب ايه انا كنت ماشي بسرعه حوالي 50 وبعدين لقيت العربيه عامت بطريقه جامده و فقدت السيطره عليها تماما و خبطت في الرصيف و اتقلبت علي جنبها انا مش عارف ده من ايه عيب قياده ولا عفشه ولا ايه بالضبط انا لسه حديث في قيادة السيارات وخبرتي قليله انا علي وشك اني يكون عندي عقده من قيادة السيارات
-
اولاً حمداً لله علي سلاكتك
ثانياً ممكن مقص اتكسر ولا حاجه في العفشه ادت الي التعويمه الجامده دي ثم انقلاب السياره عادي يعني هيا صحيح العربيه نوعها ايه
و بعدين مفتكرش انه عيب سواقه صعب يعني و انت علي 50 دي
-
الف سلامه على حضرتك و الحمد لله ان حضرتك بخير
-
شكرا لكم جميعا العربيه مازدا 323
-
الف سلامه عليك و الحمد لله انك بخير
هو السبب فعلا زي ما الاخره قالوا ممكن يكون مقص اتكسر او بيضه ملصت تعمل كده.
-
-
الف سلامة و العيب ممكن جدا يكون عفشة بس الاحتمال ان العيب يكون عندك كبير مش لازم مبتعرفش تسوق بس ممكن مبتكتشفش الاعطال بدرى زى مثلا ان تلاقى المقص بيخبط بس الارجح انها مش عيب سواء علشان انا كنت هتقلب برضة بعربيتى بس لحقت نفسى مكنش عيب سواق كان سباق وخدت ملف على 130 مع البور كنت هتقلب واموتلى بتاع 5//6 وحمدالله على سلامتك تانى
-
-
حمد الله علي سلامتك اهم حاجه انك بخير
واحتمال كبير جدا يكون حاجه في العفشه المفروض تعمل للعربيه صيانه دوريه
علشان تكتشف اي حاجه فيها بدري
-
طالما العربية عومت فجاءة يبقى احتمال برضة يكون فى الارض زيت او سولار خللى العربة تعوم و لما دخلت بجنبها فى الرصيف اتقلبت
ياريت معلومات اكتر زى نوع العربية و مكان الحادث
MMamdouh
-
العربيه مازدا 323 موديل 81 وان كنت علي محور الكفراوي بمدينة 6 اكتوبر و علي فكره الطريق مستقيم اللي انا كنت ماشي فيه
-
الف سلامة عليك
الزيت على فكرة بيعوم العربية
انا كنت ماشي على كورنيش مصر القديمة و كان في زيت في الارض حسيت العربية بتعوم شوية كدا و لو كان واحد جنبي كنت هخبط فية
-
-
انا بشكركم جميعا بس انا العربيه اتبهدلت العفشجي غيرليا مقصات خلفيه وجلب مقصات اماميه ده غير انه بيقول ان علبة الدريكسيون عايزه حشو رغم اني جايبها جديده بس كوري ده غير طبعا السمكره والدوكو يعني قوللو كده هتخش في حوالي 5الاف جنيه مصنعيات ده طبعا من غير الحاجات اللي انا غيرتها باب خلفي -2رفرف-كبوت وعلي فكره المصنعيه شامله كل الشغل اللي في العربيه لاني قلت اشدها بالمره سمكره كامله ودوكو ياتري المبلغ ده مناسب ولا اشتغلوني
Content Relevant URLs by
vBSEO 3.6.0 PL2