السلام عليكم ورحمه الله وبركاته

امبارح كان عندي أرق مكنتش عارف انام خالص قلت اقلب كده في اي حاجه قديمه لحد مااعرف انام بضرب بعيني في الدرج اللي جمبي لقيت كتالوج السيريون قلت اتصفح فيه شويه
المهم بقلب في الصفحات فعيني جت على صفحه الاضاءه
ببص كده لقيت رسمه توضيحيه للفانوس الخلفي وفيه 4 لمبات
لمبه للنور الصغير والاستوب
ولمبه للشارات
ولمبه للرجوع للخلف
والرابعه كانت لمبه للفوج لايت الخلفي
طبعا احنا هنا في مصر محرومين منها مش عارف ليييييييييييييييه
مكدبتش خبر ونطيت فوق الدولاب وجبت الفانوسين الاحتياطي وبصيت ولقيت فعلا الربع الاخير من الفانوس فيه مكان للمبه ولكن مقفوله من بره بطبه مدوره بلاستيك
فقلت طيب وليه يا واد يا شريف ما تفتحش الطبه دي وتركب فيها لمبه وتستفيد بها سواء لمبه استوب زياده وهتغير شكل الفانوس خالص
او اني اعملها فوج لايت خلفي و اوصلها على زرار الفوج لايت الامامي
المهم الحكايه شعشعت في دماغي اوي
حد عنده فكره عن الحوار ده ممكن ولا هبوظ الفانوس ؟\على الفاضي
انا ان شاء الله ناوي انزل بكره اعدي على الكهربائي برده واشوف ايه الكلام
حد عنده اي كومنت ؟؟؟