الموضوع: نص عمره !!!

نص عمره?? 2011??

اه للاسف نص عمره :(
انا سواقتي كانت وحشه يعني حرق و قرص و كده بس مش لدرجة نص عمره ارجع و اقول الكووووووري فاشل او عايز استعمال بالشوكه و السكينه !! :(

بردوو محدش رد علياا كده العربيه هترجع زي ماكانت ولا ايه ؟؟

بالنسبة للعمرة:
انتا و حظك
لكن لو كدا فأنتا تعمل اللى عليك من ناحية
1- شراء قطع غيار اصلية (طقم شنبر و خلافه) و على ما تقدر استغلى فيهم
2- التعامل مع ميكانيكى بيتعامل كتير فى العربيات الجديدة علشان يكون خبرة و ميعكش الدنيا لأنها مش 128
3- تستحمل انك تلين العربية على سرعة قصوى 60 لحد ما العربية تكمل 1000 كيلو بعد العمرة طبعا دا صعب شوية فى حالتك علشان بتحب القرص و الغرز
3- لو هتحتاج خراط يبقى اتعامل مع ورشة خراطة بالكومبيوتر

لو الكلام دا اتعمل صح الصح و طلع حظك كويس ان شاء الله العربية بترجع زى الاول و انا ارجح انك تعمل العمرة علشان موتورك لسه جديد مش هيبقى فيه مشاكل تانيه ان شاء الله
لكن فى حالة المواتير اللى بتبقى فاتحه فى كذا حاجة (شنبر - وش سلندر - ....) فطبعا الاستيراد بيكون احسن
----------------------------------------------------------------------
الاستيراد
بردو انتا و حظك

يعنى لو وقعت فى موتور نظيف بيريحك كتير و مش بيبقى فيه مشاكل
و لو لا قدر الله وقعت فى موتور وحش بعد ما يركب ممكن تلاقيه خفيف بعدها بكام شهر

و بالتوفيق

ربنا يسترها بقى هو كان خط كده حاجه كده بارزه و الميكانيكي قالي مش هتعمل مشكله ان شاء الله هو قالي احسن نخرطها هتعيش اكتر يعني بتاع 5 سنين انما لو زي ما هيا هتعدلها سنتين .... و ربنا يسترهاا
شكرااااا على الرد :)

حراميه و مفيش حد بيفهم عشان رحت كشفت عليها قالولي الموتور كفائته 80 % و بعدها باسبوع الاقيها عايزه عمره ف ودتها للميكانيكي اللي بتعامل معاه و ريحت دماغي و هي كده كده بره الضمان !! و الحمدلله بقى نصيبها كده :)