الموضوع: محتار اجيب ايه ب 140000 كحد اقصى

طالما عايز حاجة مرمطه السنين يبقى قدامك حلين جديد و مستعمل

الجديد سوبارو امبريزا بس اول فئه ب 155 الف - هتقولى اشمعنى هقولك - من خلال تجارب الاعضاء منهم بعض الناس ب 150 الف كيلو فى 4 سنين او 5 و بعض الناس لمده 10 سنين انهم مغيروش مسمار فى العفشه و الى غير فيهم بيبقى غير مسمار واحد فقط اسمه الاستربتيزر حاجة قريبه من الاسم ده غير كده مفيش , عربيه دفع رباعى يعنى تستحمل شغل المواقع و تدخل بيها الرمله من غير خوف من الغرز ( اغرز براحتك و الفتيس و الدفع الرباعى الكامل هيطلعوك ) - صياناتها التقيله بعيده عن بعضها - يعنى بدل ما كل 5 الاف تدفع 700 جنيه مثلا و كل 40 الف تدفع 3000 جنيه السوبارو هيبقى كل 10 الاف بتدفع 700 مثلا و كل 90 الف بتدفع 3000 بس الصيانه دى ارخص من كده بتاعه ال 90 و ممكن تسأل عليها فى التوكيل و تزود 20% على ما تعملها فعلا عندهم زياده فى اى حاجة ( يعنى على المدى البعيد صياناتها اقل فى الوقت و فى الفلوس و انت مهندس و عارف قيمه الاتنين عندنا ) - طبعا انت مش محتاج حاجة تدلعك على قد احتياجك لحاجة تستحملك السوبارو هتستحملك و فيها حبه حاجات هتدلعك بس مش بزياده يعنى - بس وقت الجد او الخطر لا قدر الله هتسد معاك و هتنقذك باذن الله - طبعا مش هتكلم عن ثباتها الى بيتقارن بالبى ام ولا فراملها الى بجد من اقوى الفرامل فى الفئه دى و فيها كل وسائل المساعده و الامان الى فى العربيات الى من الحجم ده بس كلها و من اول فئه فيها عكس باقى العربيات

فى المستعمل بقى هقولك على السوبارو القديمه برضه - و معاها الفورد فوكاس - لانسر 1300 عفشتها هاتستحمل غير كده تترمى فى الزباله - اسكودا فانتازيا او a5

و ربنا يوفقك و انا لو مكانك هختار السوبارو و مش هبص للسوق المصرى الى العربيات النضيفه فيه ملهاش مكان