السوفت وير بتاع الموبيل لا علاقه ليه بامكانيات السماعه
عرض للطباعة
السماعة دى معايا من زمان
أقل حاجة تتقال عليها انها تحفة
وتقريبا كانت بتقعد معايا بتاع أسبوع من غير ما أشحنها بمعدل ساعة او ساعتين مكالمات فى اليوم
انا كنت جايبها بــ 380 جنيه الأبيض وكان مكتوب على العلبة انها صينى
الميزة بقه ان الجهاز نفسه مش صينى ومكتوب عليه ماليزى
http://images01.olx.com.pk/ui/11/03/...-Bluetooth.jpg
بيظهر اسم المتصل عندي على الشاشة بتاعتها ياباشا على الأيس كريم
.....
وفي ميزة كمان فيها إنك ممكن توصلها بثلاث أجهزة في نفس ذات الوقت ... موبيل ولابتوب وأي حاجة تانية بلوتوث
وبتختار بدوسة طويلة على الزرار اللى في النص الجهاز اللى انت عايز تسمع من عليه موسيقى أو تختار الراديو من نفس الزرار
وبتختار بدوسة طويلة على الزرار بتاع الرد على المكالمات الجهاز اللى انت عايز تخليه أساسي بالنسبة للمكالمات ... لو جاتلك مكالمة على الموبيل وانت بتسمع مسيقى على اللاب بتوطي صوت الموسيقى وتديلك بيب عشان تعرف إن في مكالمة جايالك
بصراحة رهيبة في النقطة دي
لكن عيبها الأساسي ... ماتنفعش للسواقة .. بتغطي على صوت البيئة المحيطة وبتعزلك تماما عن الجو الخارجي وده عيب قاتل بالنسبة للسواقة ... عشان كدة إضطريت أجيب واحدة عادية للسواقة
لو مش واصلة أصلا على ثلاث اجهزة يبقى الجهاز التالي هايتحط مع اللى قبليه لغاية ماتكمل ثلاث أجهزة
لو واصلة بقى مع ثلاث أجهزة أصلا
لما تدوس على زرار الباور لمدة طويلة لغاية لما النور ينور أحمر وأخضر بيظهر على الشاشة بتاعتها ثلاث رمزو للأجهزة اللى واصلة معاها ومنهم رمز عامل زي علامة الرفريش بتاعة الإنترنت إكسبلورر ... من فوق بقى من الزرار اللى بيعلي ويوطي الصوت لو مشيت إيدك عليه هتلاقي الرمز بتاع الريفرش بيتحرك معاك لغاية ما تجيبه على الجهاز اللى انت عايز تستبدله عشان تحط الجديد مكانه ... وتعمل كونكت بقى عادي
ياباشا .. لأ ... الدوسة الطويلة على زرار الباور وهو مطفي دي عشان توصل جهاز جديد وتعمله pair
لكن عشان تنقل بين الأجهزة اللى متوصلة فعلا ... كل ده بتعمله والسماعة شغالة ومش محتاج تطفيها وتشغلها نهائي
ولازم تعرف إن في نوعين من الأجهزة ... الأول أجهزة موسيقية فقط ... زي الآيبود واللابتوب
والثاني أجهزة موبيل عشان تعمل منها مكالمات
عشات تنتقل بين الأجهزة الموسيقية
دوسة طويلة على الزرار اللى في النص بتاع الـ pause ... ده هاينقل بين الأجهزة اللى عايز تسمع منها موسيقى وبين الراديو كمان هاتلاقيه ظهر في القائمة
طيب لو عندك موبيلين أو تليفونين وعايز تنقل بين الأجهزة اللى هاتسمع منها المكالمات مش الموسيقى ... يبقى هاتدوس دوسة طويلة على الزرار اللى عليه رسمة سماعة جنب الشاشة .. اللى بترد منه وتقفل المكالمة
لو انت بقى عامل pair للابتوب وموبيل ومختار اللابتوب جهاز أساسي للموسيقى ومشغل جيم عليه وأو فيلم أو أي حاجة وبتسمعها .... لكن في نفس الوقت انت عامل pair لموبيل ومختار الموبيل ده جهاز هاتفي أساسي ... كدة بيكون الأثنين متوصلين على طول ولو جاتلك مكالمة على الموبيل هاتلاقي السماعة وطت الصوت اللى جاي من اللاب وعملت بيب عشان تعرف إن فيه مكالمة جاية على الموبيل
يارب أكون قدرت أشرح
وعلى فكرة الخطوات مذكورة بالتفصيل وبالترتيب 1 2 3 في الكتالوج بتاعها
وآسف على التأخير أعذرني
الشاشة اللي فيها بيظهر عليها رقم المتصل ولا اسمة