تقرير عن سماعة موبيل سوني mw600 وايرليس

**hany63** · 28-02-2013 10:11 AM

المشاركة الأصلية كتبت بواسطة d . A .\ ayman

ياباشا .. لأ ... الدوسة الطويلة على زرار الباور وهو مطفي دي عشان توصل جهاز جديد وتعمله pair

لكن عشان تنقل بين الأجهزة اللى متوصلة فعلا ... كل ده بتعمله والسماعة شغالة ومش محتاج تطفيها وتشغلها نهائي

ولازم تعرف إن في نوعين من الأجهزة ... الأول أجهزة موسيقية فقط ... زي الآيبود واللابتوب

والثاني أجهزة موبيل عشان تعمل منها مكالمات

عشات تنتقل بين الأجهزة الموسيقية

دوسة طويلة على الزرار اللى في النص بتاع الـ pause ... ده هاينقل بين الأجهزة اللى عايز تسمع منها موسيقى وبين الراديو كمان هاتلاقيه ظهر في القائمة

طيب لو عندك موبيلين أو تليفونين وعايز تنقل بين الأجهزة اللى هاتسمع منها المكالمات مش الموسيقى ... يبقى هاتدوس دوسة طويلة على الزرار اللى عليه رسمة سماعة جنب الشاشة .. اللى بترد منه وتقفل المكالمة

لو انت بقى عامل pair للابتوب وموبيل ومختار اللابتوب جهاز أساسي للموسيقى ومشغل جيم عليه وأو فيلم أو أي حاجة وبتسمعها .... لكن في نفس الوقت انت عامل pair لموبيل ومختار الموبيل ده جهاز هاتفي أساسي ... كدة بيكون الأثنين متوصلين على طول ولو جاتلك مكالمة على الموبيل هاتلاقي السماعة وطت الصوت اللى جاي من اللاب وعملت بيب عشان تعرف إن فيه مكالمة جاية على الموبيل

يارب أكون قدرت أشرح

وعلى فكرة الخطوات مذكورة بالتفصيل وبالترتيب 1 2 3 في الكتالوج بتاعها

وآسف على التأخير أعذرني

اولا الف شكر لذوقك
اللي في الكتالوج بيشرح ازاي نعمل بير لعدة اجهزه و دمتم هدور على النت على مانيوال للسماعه
انا جربت زي ما حضرتك قولت و فعلا ظهر لي الاجهزه لما برجع من الايباد لللابتوب مفيش مشكله الايباد بقى حالف بطربة اللي خلفوه ما يشتغلش الا لما امسح السماعه و اعمل بير من جديد
و هبقى اجرب حتة التليفون على رواقه و اسمح لي انا خدت رقم موبيلك ولو اتزنقت هكلمك على رواقه بالليل

**hany63** · 28-02-2013 11:17 AM

نزلت خلاص المانيوال من على النت و عملت ريسيت للسماعه و عرفت كل حاجه من اول وجديد و كله شغال فله شمعه منوره و التليفون اشتغل مع اللاب و الايباد في نفس الوقت و لو فيه مشكله في الرجوع للايباد من اي جهاز اعتقد هتبقى من مشاكل الابل المزمنه

**D . a .\ AYMAN** · 28-02-2013 11:29 AM

المشاركة الأصلية كتبت بواسطة hany63

اولا الف شكر لذوقك
اللي في الكتالوج بيشرح ازاي نعمل بير لعدة اجهزه و دمتم هدور على النت على مانيوال للسماعه
انا جربت زي ما حضرتك قولت و فعلا ظهر لي الاجهزه لما برجع من الايباد لللابتوب مفيش مشكله الايباد بقى حالف بطربة اللي خلفوه ما يشتغلش الا لما امسح السماعه و اعمل بير من جديد
و هبقى اجرب حتة التليفون على رواقه و اسمح لي انا خدت رقم موبيلك ولو اتزنقت هكلمك على رواقه بالليل

المشاركة الأصلية كتبت بواسطة hany63

نزلت خلاص المانيوال من على النت و عملت ريسيت للسماعه و عرفت كل حاجه من اول وجديد و كله شغال فله شمعه منوره و التليفون اشتغل مع اللاب و الايباد في نفس الوقت و لو فيه مشكله في الرجوع للايباد من اي جهاز اعتقد هتبقى من مشاكل الابل المزمنه

كنت لسة هاقولك إن دي مشكلة الآيباد مش السماعة ... مش عاف ليه مش عارفين يعملوا التوصيل بالبلوتوث زي بقية الخلق ... تحس إنهم بيخترعوا العجلة من أول وجديد في موضوع البلوتوث

**hany63** · 28-02-2013 12:24 PM

المشاركة الأصلية كتبت بواسطة d . A .\ ayman

كنت لسة هاقولك إن دي مشكلة الآيباد مش السماعة ... مش عاف ليه مش عارفين يعملوا التوصيل بالبلوتوث زي بقية الخلق ... تحس إنهم بيخترعوا العجلة من أول وجديد في موضوع البلوتوث

تقول ايه في الغباء
هما عايزين حاجاتهم متكونش متوافقه مع الحاجات التانيه عشان تاخد منهم و متطلعش بره
طب ادي سامسونج ركبت عليهم رغم ان فرق السعر مش كبير و فرق الجوده لصالحهم و لو سألت 90 في الميه من عملاء سامسونج عن ابل تلقاهم كان نفسهم في الابل بس حتة عدم التوافق مع باقي الاجهزه خاتهم يصرفوا نظر و برده ابل مصممه
منتهى الغباء

**Red_1024** · 28-02-2013 01:49 PM

الشاشة اللي فيها بيظهر عليها رقم المتصل ولا اسمة

**Karim_Monir** · 28-02-2013 01:57 PM

معايا ايام ما كانت ب 120 دولار من امريكا :-)
روعه
شغالة حمار لغاية دلوقتي
بس حاليا مشغلها وحدة بلوتوث على جاك الوكزلاري عشان اخلي كاسيت العربية يستقبل بلوتوث
وطبعا ممكن اربطها بالموابليل واتكلم بس بتعمل صدي صوت علي سماعات العربية
عزلها مش طبيعي
وانا رابطها بالموبايل وام بي ثري بلوتوث فاللي بيشتغل فيهم بيقطع التاني
من اقوي ما نتجت سوني
سؤال بقي
العيال كلو المطاط بتاع السماعات :-)
اجيب زيه منين

**hany63** · 28-02-2013 06:44 PM

المشاركة الأصلية كتبت بواسطة karim_monir

معايا ايام ما كانت ب 120 دولار من امريكا :-)
روعه
شغالة حمار لغاية دلوقتي
بس حاليا مشغلها وحدة بلوتوث على جاك الوكزلاري عشان اخلي كاسيت العربية يستقبل بلوتوث
وطبعا ممكن اربطها بالموابليل واتكلم بس بتعمل صدي صوت علي سماعات العربية
عزلها مش طبيعي
وانا رابطها بالموبايل وام بي ثري بلوتوث فاللي بيشتغل فيهم بيقطع التاني
من اقوي ما نتجت سوني
سؤال بقي
العيال كلو المطاط بتاع السماعات :-)
اجيب زيه منين

مقاس ودانك ايه؟
عشان عندي شويه يا الحجم الصغير يا الكبير
و ممكن برضه تلقاها في التوكيل بس هيقلك ٥٠ جنيه الواحده
والف هنا وشفا للاولاد وده احسن ما ياكلوا بوز اللحاف