الموضوع: ★ ‏معلومات عن الماهيندرا واسرارها★ ‏

ستاذى الفاضل
انا مالك لسيارة ماهيندرا اسكوربيو موديل 2011 الشكل التانى الى يعتبر فى تغييرات مش كبيرة قوي
بس اهمها بالسنبة ليا شحصيا هوة الماتور المحترم mhwak 2200 وفتيس اتوماتيك ومرايات كهربا وabs
العربية بالنسبة لقوة الاحتمال هيا ممتازة جدا
صاجها تقيل ومخترم والعزل فيها بالنسبة لصوت الماتور برضة كويس جدا
الكراسى جلد محترم نوعا ما بس مش زى الالمانى
التابلوه من خامات بلاستيك وهوة برضة تابلوه بالنسبة لعربية 2011 فقير نسبيا
الفرامل كويسة بس مش على السرعات العالية واصلا العربية بعد 120 بتقلب فيرنا خالص عالية عن الارض جدا
تقدر تحمل فيها لحد 2 طن وزن ولا يهمها وانا شخصيا ناقل فيها ماتور اوبل بالفتيس بتاعه فى الشنطة ورا
التكييف وده ممتاز جدا و2 زرار للعالى والواطي

يعنى اقدر اقول عربية كويسة بالنسبة لسعرها بس خلى بالك سعر اعادة البيع واقع جدا
يعنى لو بتشتري ليك وللسوق ابعد عنها انا عن نفسي بشترى العربية الى شايفها تناسبنى لان البايع كده كده خسران

الضريبة وديه اسوء حاجة فى بلدنا ضريبة العربية فى السنة الواحد 2160 جنية بس يعنى فى الثلاث سنين 6500 جينه وش وديه حاجة بالنسبة ليا زفت وخصوصا لاني كنت راكب رينو 1400 سي سي

شكل العربية نقدر نقول مش مقبول قوى عن بعض الناس مع ان ديه مسالة اذواق

العربية لو هاتشريها مستعملة بص فيها كويس جدا واكشف عليها فى التوكيل لان قطع الغيار هناك تعتبر مش غاليه وفى نفس الوقت مش رخصية

العربية الاتوماتيك فى ناس قالت بلاش منها بس انا معايا الاتوماتيك ومشكلة الرشاشات الكهرباء كانت موجودة عندى وحلها سهل وبسعر قليل وانا مش قلقان منها خالص

نسيت اقولك ان الماتور ده على ترووس يعنى لا بتغير كاتينة ولا بتغير حاجة غير سير المجموعة وخلاص

اتمنى انى اكون افدتك
اخوك احمد عبد الرحمن

احسن عربية تمشي بيها في شوارع مصر بالنسبة لسعرها و عملية جدا دبابة لا قدر الله في حالة الاصطدام لانها body on frame (شاسيه نقل). باور ستيرنج و تكييف ممتاز، واسعة جدا من جوة و 7 كراسي، (من جوة اوسع بكتير من الشيروكي و الرانجلر وو ممكن تحط فيها حمولة عربية نصف نقل) و مش كبيرة من برة علشان الركنة (ابعاد تصميمية مدروسة و ممتازة مهياش طويلة من برة) و علو الهامر بالنسبة لقعدتك في الكرسي و موتورها فرنسي بتاع Renault Laguna بنزين 2000 سي سي موفرة في البنزين بالنسبة للفئة دي. و الموتور تكنولوجيا ممتازة multi point injection dohc 16 valves و اعتمادية ممتازة خصوصا المانيوال لانها كمان مش تيربو. و طبعا المانيوال ممتاز في الجر. و الافضل لو مش حتمشي في الصحراء انك تجيبها 4 في 2 بدون فتيس غرس، و عندك M A S في مدينة نصر و الهرم مستورد لقطع غيارها و صيانة ليها عامل زي ما يكون التوكيل. و قطع غيارها مش غالية و اصلا اعطالها نادرة طالما صيانتها منتظمة. و ممكن تطور فيها تحط مساعدين تويوتا و دبرياج general motors و تركبلها شاشة اندرويد بجي بي اس و كاميرا خلفية. و هي سرعتها القصوى 160 و من غير علبة البيئة 170. واسعار بيعها ممتازة انا باستغرب انها بتتباع بسعر زي سيراتو 2008 مثلا ده بيهرج اللي يشتري السيراتو و يسيب عربية جيب كبيرة و محترمة زي دي و بنفس السعر. العربيات الجيب الحقيقية (الشاسيه النقل body on frame) عربيات معمرة بتعيش و تستحمل بهدلة الطرق و شكلها عمره ما بيقدم. و العربيات الهندي معروف طول عمرها انها عربيات معمرة مش زي الصيني غير انها مصممة للاجواء الحارة جدا. و عربية رئيس الوزراء الهندي. و كثير معاهم النسخة الموتور البنزين بيرفضوا بيبيعوها. اما اللي معاه الموتور الهندي التيربو ديزل mHawk فده مشكلته السولار الوسخ بتاع محطات البنزين و السخانات. وبيعملوا تعديل بيركبوا كاس في الموتور يشوف فيه نظافة الوقود. و سمعت ان فيه ناس بتغير موتور الديزل لموتور وفتيس ميتسوبيشي باجيرو بس مانصحش بكدة. بس انا انصحك تشتري الموتور الفرنسي البنزين طبعا لو لقيتها بتتباع. وفيه منها اوتوماتيك بفتيس شركة Aisin الشهيرة.