السلام عليكم،
كنت بفكر اشتري بيچو ٣٠٠٨ الهاي لين.
ف يا ريت لو حد جايبها وجربها أو يعرف حاجة عنها يقولي أي ملاحظات عنها أو مشاكلها أو مميزاتها
بصراحة أنا اول مرة افكر أجيب بيچو ومعرفش أي معلومات عن العربيات أو قطع الغيار.
شكراً
عرض للطباعة
السلام عليكم،
كنت بفكر اشتري بيچو ٣٠٠٨ الهاي لين.
ف يا ريت لو حد جايبها وجربها أو يعرف حاجة عنها يقولي أي ملاحظات عنها أو مشاكلها أو مميزاتها
بصراحة أنا اول مرة افكر أجيب بيچو ومعرفش أي معلومات عن العربيات أو قطع الغيار.
شكراً
عربية محترمة جدا
موتور رااائع (156 حصان و 240 nm)
عفشة محترمة جدا
بصراحة مبصش للسبورتاج أو القاشقاي جمبيها
بالنسبة لأسعار بعض قطع الغيار (mainly المستهلكات):
فلتر زيت: 70
تيل أمامي: 430
تيل خلفي: 513
فلتر تكيف: 60
فلتر بنزين: 67
بوجيهات: 320
, و الله انا كمان نفسى فيها و بعد ما ركبتها بقيت باحلم بها
بس خايف من موضوع بنزينها
و ناس كتير قالتلى البيجو العالى بيبقى مقرف لانه كله حساسات و اى عطل بيوقف العربيه و لازم كساحه و تروح الصيانه
و ده اللى مخوفنى لانى لست فى القاهره و مش حمل سفر و هده كل شويه
شكرًا ع الإفادة
بس اللي عرفتوا انها بلد المنشأ فرنسا ١٠٠٪
هل ده صحيح ولا لاء
وكمان نظام الفتيس والموتور جديد مش موجود ف موديلات بيچو اللي قبلها
وكتير قالولي أن طالما بلد المشأ فرنسا يبقي متقلقش من السينسورز
Sent from my iPhone using Forum Runner
انا بفضل اللة لسة شارى العربية من شهر تقريبا عملت حوالى 1000ك ما بستخدمهاش بشكل اساسي العربية زى الفل بالرغم انى كان ليا فيها مشكلة غريبة اوى كان عندى صوت هبد كدة فى المساعد الامامى روحت التوكيل ربط العفشة وقالى جرب لو فى حاجة تعالى تانى المهم انة الصوت ما راحش روحت تانى غيرلى الاتنين مساعدين الناس هناك محترمة جدا معاملة ما فيش افضل من كدة و فعلا الناس بدورلك على حل لاى مشكلة عندك و الحمد لله العربية تمام ماتور قوى جدا العزم ما فيش بعد كدة العزل داخل العربية جيد جدا المتعة فى القيادة العربية من جوة شيك و فخمة جدا لو ناوى اتكل على اللة وما تترددش
طب إيه أخبار البنزين معاك وياتري بتقبل بنزين ٩٢ من غير م يأثر علي الموتور علشان سمعت كمان أن ماتورها تربو هل ده صحيح ؟
Sent from my iPhone using Forum Runner
دا كلام الناس اللي بتقول أي كلام.
العربية مش حساسة بالدرجة دي, وكل العربيات الجديدة فيها حساسات
والبيجو ال 3008 الوحيدة حتي الأن اللي لم يذكر لها أي مشاكل علي الأطلاق من كل الناس اللي أعرفهم جابوها ومن المهندسين في التوكيل أيضاً.
والعربية تقبل بنزين 92 بدون أي مشاكل.
مادام فيها تربو و نسبة انضغاط عالية يبقى محتاجة 95 و الا سيحدث اشتعال مبكر للماتور و يتسبب فى صعف، و رواسب كربونية، و تأثير على عمر المحرك
مش كده و لا ايييهه
لا مش هيحصل اشتعال مبكر للماتور لان الماتور فيه knocking sensor ودا بيعدل توقيت الاشتعال داخل غرفة المحرك علي حسب نوع البنزين وخليط الهواء اللي داخل معاه. لحد ما يوصل لأعلي لأداء.
وعلي كلام بيجو فرنسا في الاخر ان الموتور هيشتغل عادي جداً بس الاداء هيقل حوالي ١٦ حصان عن الاداء اللي المتوقع من بنزين ٩٥.
اخر حاجة كنت قريتها في البحث علي موقع بيجو فرنسا كان مكتوب ان بنزين ٩٥ recomnded اي للحصول علي اعلي اداء.
ولكن ٩٢ required يعني مينفعش تقل عنه.
وفيه فرق كبير بين الكلمتين.
لو ٩٢ كان ممنوع او هيضر زي ال ٩٠ او ال ٨٠ كانو قالو.
What does a knock sensor do
http://www.nilemotors.net/Nile/322450-508.html
التعليق الخلفي عبارة عن مساعدين بينهم وصلة زيت ومضخة تنقل الزيت للمساعد اللي عليه ضغط في الدورانات لمنع الانقلاب، اللي حصل انه باظ وسرب زيت مع نفسه من اول ٢٠.٠٠٠ كيلو، وانا معرفش، لما وصلت ٤٠.٠٠٠ كان الزيت واضح جدا تسريبه وقالولي هنغير النظام كله خارج الضمان، ادخل على يوتيوب ودور على
Peugeot 3008 with Dynamic Roll Control | Peugeot Australia Cars - YouTube
ده يوضحلك فكرة عمله
امبارح روحن النوكيل و قالوا لى ان ارتفاع ال 3008 19 سم عن الارض صحيح الكلام ده لان فى انجلترا ارتفاعها 16 سم عن الارض
السلام عليكم
أنا اشتريتها من يومين
مثبت السرعة موجود بس ناقص الذراع وده بتركبو ف التوكيل
ثمنة حوالي ٨٠٠ جنيه ومصنعيه تركيب ٢٠٠ جنيه
أما بخصوص البلوتوث ف مفيهاش إلا لو غيرت الكاسيت وجيبت الموديل اللي موجود ف الكاتالوج
العربيه دي شيك قوي ورشيقه. شوفتها مره في الشارع كان لونها أبيض مكنتش عارف انزل عيني من عليها.
مبروك و ربنا يديك خيرها و يكفيك شرها
يا تري الاسعار بقت كام ؟؟؟
يا ريت يا جماعة أفضل مكان للشراء ل بيجو 3008 و نصايحكم لاني بفكر جديا في الشراء
و أخبار بنزين 92 معاها ايه؟
ممكن بنزين 92 بس فى اضافة بنزين تشتريها من التوكيل وتضيفها بعد تفويله كل 5000 كيلو
٢٠٠٠٠٠ للفئة الأولي
٢٢٠٠٠٠ للفئة الثانية
السعر ثابت عند كل الموزعين والتوكيل
حاولت انّزل ف سعرها عند اكتر من موزع ومن التوكيل نفسه بس كلهم متفقين علي السعر ده ومحدش رضي يعمل أي خصم فيها.
أنا بستخدم بنزين ٩٢ ولسة مروحتش التوكيل لأن اول زيارة للتوكيل بعد ٢٥٠٠ كيلو.
مشكور على الرد و ربنا يباركلك فيها
ياريت تقرير يا جماعه مصور عن العربيه
و يا ترى اخبار الصوت بتاعها ايه
لى صديق معه sw308 , صوتها الخارجى عالى جدا و كمان لما جربتها حسيت انه دريكسيون لادا
يا ترى كل البيجو كده
ملحوظه : انا راكب تيدا يابانى
بخصوص الصوت الصوت مش عالي خالص. هوه عادي جداً وساعات مبسمعوش وأنا جوه العربية وبغلط وادورها تاني أما بخصوص الدريكسيون هوه فعلاً أنا حاسس انو تقيل شوية بس قولت يمكن علشان الچونوط مقاس ١٧ هوه اللي مخليه كدة
ومجربتش ف عربية تانية نفس الچونوط الموضوع ده
لا يا جماعة البيجو الباور بتاعها تقيل ومينفعش حضرتك تقارنه بالياباني لأن كل اليابانى باور خفيف انا سوقت التيدا الباور بتاعها خفيف جدا وبالنسبة لموضوع الصوت لو انت جوا العربية مش هتسمع حاجة عشان العزل كويس انما لو من برا ممكن لأن العربية بسير كاتينة جنزير هوا بيعمل صوت عالى شوية بس هوا معمر جدا واتمنى اكون جاوبت على استفساراتك
ممكن اى حد من الزملاء يقلنا الفرق بين الفئتين ايه ؟ وايه اللى مفتقدينه فى العربيه واهم ايجابياتها وسلبياتها؟
انا معايا العربية من ٣ شهور
ماشاء الله تبارك الله العربية هايلة في كل شئ
بس شاعات بحس ان التابلوه بتاعها فقير شويه
بس بيعوضو شاشة المعلومات اللي فوق الكاسيت
ايجابيات العربية
استجابه هايلة وثبات ممتاز وعزل كويس جدا
العربية من جوا واسعة الشنطة طبعا كبييييييرة
العربية عاليه عن الارض وقيادتها ممتازة وخصوصا في الوضع الرياضي وقوة الموتور ممتاز جدا جدا جدا
استهلاك البنزين اكتر من رائع تقريبا مشيت ٤٠٠ كيلو من جدة الي المدينة باقل من نص التانك
كمان الخامات المستخدمة في العربية ممتازة المكيف جميل جدا مع ملاحظة اني في جده العفشة جميلة جدا وناعمة جدا ومرنه جدا وسائل الامان كتيرة في السيارة وممكن تتفرج علي الفيديوهات وتقيمها في الامان
العيوب من وجهة نظري اولا عدم وجود اكسسورات للعربية وخوفك انك تغير اي حاجة عشان الضمان زي تركب زينون مثلا اوتركب شاشاة جي بي اس مكان الكاسيت
الحاجة التانية ان التابلوه ممكن كان يكون افضل من كده بكتير يعني اما اتفرجت علي ٥٠٨ و ٢٠٨ و٣٠٨ حسيت انه ممكن ك يكون افضل من كده
انا مشيت بالعربية لحد النهاردة ٦٠٠٠ كيلو ومش شايف اي عيوب ممكن تكون في العربية غير بعض الرفهيات
وغير اني قبل ما شتري بحثت كتير عن عيوب للعربية حتي في مواقع اجنبية ومش لاقيت اي حاجة عن العيوب علي الرغم انها انتاج ٢٠٠٩
بالنسبة لموضوع البنزين يمكن وجودي في السعودية مش خلاني احس بمشكلة ال٩٥ لانه رخيص ومتوفر ( الهم لاحسد - حابس حابس )
ومش فكرت اما انزل مصر هعمل ايه
مختصر الموضوع العربية انا تقيمي ليها ٩٥ ٪ ومقارنة بالياباني مفيش مقارنة انا ركبت صني ولانسر بومة وشارك وسيفيك وحاجات تانية
واول مرة اركب اوربي
اكيد طبعا البيجو تكسب في الكمليات والاداء والثبات ووسائل الامان ومتعة في القيادة والراحة
الياباني الميزة الوحيدة اللي فيه الاعتمادية بس يعني عربية تهري وتنكت فيها ومش هتقول لأ
الفئة الي انا راكبها مش عارف في مصر اسمها ايه
بس هي فيها تقريبا كل حاجة ماعدا السقف البانورما والبلوتوث
يعني فيها مثبت سرعة ومحدد سرعة
حساسات خلفية جنوط ١٧
شاشة بروجكتور
وطبعا الحاجات الاساسية ٦ ايرباج - abs - esp - epd
واي استفسار انا في الخدمة وحاول ارفع الصور قريب
السلام عليكم ممكن سعرها انا محمود من جدة
كاش. ٨٣ الف ريال
وكالة الحاج حسين بتديك اماكنية التقسيط مع البنك العربي وبتعملك كمان مالك اول
وعلي فكرة انا كنت موجود عندهم من يومين وللاسف عرفت ان الفئة اللي معايا خلصت وهتتوفر في شهر ٦
واي استفسار تحت امرك
ياريت الاخ k.moussa يعملنا تقرير شامل عن العربي
هل العربيه فيها فعلا حساسات كتير واسعار الصيانه وقطع الغيار غاليه
وايه العربيات اللى قارنتها مع 3008 قبل الشرا
يعنى انا مثلا بفكر فى 3008 وفى ix35 وقشقاى بس سبحان الله فى حاجه واقفه بينى وبين القشقاى وميال اكتر للبيجو والهيونداى
ايه رايك
افضلهم هي البيجو
العفشة نشفة اوى بتاعة العربية و انا شايف انة فى عربيات ثباتها احسن من كدة
ما هو ارتفاع ال بيجو 3008 عن سطح الارض ground clearance
بالقياس بالظبط 20 سم
الكلام ده بالمسطرة