الموضوع: تجربتي مع كيا ريو 2013 لمدة ٥ شهور

المشاركة الأصلية كتبت بواسطة ابو ليلى

السلام عليكم
من الواضح انى تاخرت فى قراءة الموضوع الى ان وصل الى هذا الحد من الشد والجذب وحتى اتهام العضو باتهامات خطيرة تصل الى حد السب كل هذا لان عضو قال رائيه الشخصى سواء خطا او صواب حقيقى تفاجأت من رد الاخ العزيز مصطفى مهران لانى ما اعرفه عنه غير ذلك وهو من الاعضاء القدامى فى المنتدى ويعلم جيدا كيف يختلف مع الاخرين واعتقد ان حديثه كان فى وقت انفعال واتمنى ان يعتذر عنه وهذا من شيم الكبار
العضو mhf_77
اتهامك للعضو بالشهادة الزور والكذب لمجرد انه قال رائيه الشخصى ستحاسب عليها امام الله .
ولكن نحن هنا فى قسم كيا جميعنا اصدقاء واخوة واسرة واحدة ومن اهم مبادى هذا القسم هو الاحترام لبعضنا البعض وانت تنتمى الينا الان .... انت مطالب باعتذار فى مشاركة
منفصلة وارجو ان ترسل بطلب حذف المشاركة واشكرك مقدما .

اعتقد انى قبل كل كلمه قلتها كنت بعتذر قبلها والاعتذار سواء الان او قبل ذلك او بعد ذلك لا يقلل من احد وبالدليل هذه مشاركتى بعد حذف الجمله الخاصه بالشهاده



ارجو من صاحب اى موضوع ان يتقى الله فى كلامه لان الكلام ده شهاده ممكن بسببها تدبس واحد تانى فى خساره ماديه فوق ال 100 الف جنيه بسبب ان حضرتك اسف (............)اسفانى اسلوبى حاد بس بسبب شهادتك اسف (............- اسف مره تانيه) بيتبنى عليها مصير شراء واختيار ومقارنه
طبعا اللى فاهم عربيات وخبره هيضحك على الكلام ده ويعديها بمزاجه
المشكله فى الغلابه الجداد واللى ممكن يكون حط تحويشة عمره فى اول عربيه فى حياته ويعتمد على .......... اللى حضرتك لم تتقى الله فيها واشترى بسسب موضوع زى ده هيكون ذنبه فى رقبة حضرتك
انا طبعا مراعى انك فرحان بالعربيه والاوبشن والحركات دى بس طبعا لما تجيب سيرة العظماء الفانتازيا والسيفك وتقارنهم بالريو ( مع كامل احترامنا) مجرد المقارنه معاها ظلم ليهم - مابالك لما تقول انها تتفوق عليهم - يا اخى اتقى الله انت كده حسستنى ان فرق الاسعار بينهم (المعتمد على الخبره الالمانيه والجوده اليابانيه والتقنيه العاليه وقطع الغيار المعمره سواء فى اليابانى والالمانى ) كل ده مجرد وجهة نظر او جشع من صناع السيارات فى المانيا واليابان وتواضع من الكوريين
مين ممكن يصدق غير ( واحد مبتدئ او واحد مسكين ) ان فئة عربيه كورى تتفوق على فئة عربيات المانى ويابانى فى فئتهم الاعلى كمان مش حتى نفس الفئه - دا لو واحد قال كده عن السيراتو وهى نفس فئة السيفك والفانتازيا وقال انها تتفوق عليهم ...........
مع كامل الاحترام لحضرتك - شوف ممكن يقال ايه على اللى بيقارن بريو كمان
قول زى مانت عايز احسن اختيار فى رينج اسعارها احسن اعتماديه وعمليه فى محيط فئاتها من الماركات الاخرى وهكذا لكن تشد بخيالك وتشد الناس ( الغلابه) معاك حرام عليك
اسفعلى حدتى
وانا لله وانا اليه راجعون

دى كانت مشاركتى السابقه ولو كلامى مكنش واضح قبل كده فانا بعتذر تانى وتالت .. مش دى المشكله انا ممكن اعتذر مليون مره ومش هينقص منى حاجه وبغلط نفسى كتير وبراجع نفسى كتير وبجيب الغلط على نفسى كتير كل ده عادى مش دى القضيه
المشكله انا واخدها من زاويه تانيه يمكن اكون كنت حاد شويه فى موضوع اتهام بشهاده زور بس انا قولت ( فى تعداد الشهاده الزور) والشهاده الزور مش لازم تكون فى قضية قتل - اى كلمه بتطلع منى ومنك ومن اى عضو هنا شهاده لان الناس بتكون داخله تهتدى بأراء المجربين والاراء هنا ممكن تغير مصاير ناس واحنا هنا لازم نراجع بعض انا فاكر انى فتحت موضوع عن كاوتش جربته ورد عضو وقالى ميشلان احسن قولتله طبعا انا بقول ان ده افضل فى (فئته السعريه من كذا لكذا)
وفاكر ان فى عضو كان حاطط رقم كبير يشترى بيه عربيه كورى ونصحته بكل امانه وقولتله انا راكب كورى وبقولك حرام تحط المبلغ ده فى عربيه كورى مش عشان احلى بضاعتى مثلا يبقى اخالف ضميرى الاراء على عينا وراسنا لكن لما يتلعب فى الحقائق والاقى الناس تقول دى اراء لازم يكون فى وقفه وتصحصح ومراجعه لان فى ناس مبتدئه ممكن تتاخد فى الرجلين وتدعى على كل واحد ساب المعلومه الغلط تعدى من غير مايصححها وانا اسف لوكنت صححتها بطريقه حاده لكن الموضوع المثار حاليا مش مسألة وجهة نظر فى شكل مثلا - دا خلاف للمنطق والعقل يعنى ممكن اختلف معاك فى شكل رقم خمسه احسن من رقم تسعه او انا بتبارك بيه اكتر لكن لما اقولك ان الخامسه اكبر من التسعه هتقول ايه ؟؟ - وعموما اسف للمره المليون للعضو المحترم صاحب الموضوع لو اسأت اختيار الالفاظ وارجو ان يتقبل اعتذارى

اللون الاحمر مخصص فقط للمداخلات الادارية والاشرافية تم تغير لون الكتابة
مشرف 6 ب