الموضوع: تكييف الجين2

طبعاً تكيف الجين 2 قوي دا اولاً ثانيا انا معايا العربية اوتوماتك لم يوجد تأثير كبير علي الموتور و لكن يوجد تأثير علي استهلاك البنزين خصوصاُ داخل المدينة

المشاركة الأصلية كتبت بواسطة emadosman63

شكرا على ردك الكريم لكن الحكاية انى منذ شهور طويلة وانا أريد شراء سيارة ودرست كافة السيارات الموجودة بالسوق من 80 الى 100 الف جنيه الى ان احترت تماما على رأى المثل عايز تحيره خيره الى ان شاهدت الجين 2 وانبهرت بها ومن كلام وتجارب رواد المنتدى وعلى رأسهم الأستاذ توت وحاولت مع بعض الأصدقاء وعلى رأسهم المهندس سامح وعم مزاجنجى شراء الجين 2 الجديدة الهاى لاين عن طريق مفاوضات مع الشركة دامت حوالى 3 شهور انتهت بالفشل واتجه المهندس سامح لشراء المازدا وربنا يوفقه ولحبى للجين 2 وعلى رأى الزعيم توت ماهى هى هى حجزت الجين 2 وبعد ذلك من الخوف من الفشل فى شراء سيارة جيدة بعد طول البحث قمت بدراسة السيارة المتسوبيشى البومة رغم اننى استبعدتها من البداية لانتشارها المبالغ فيه ولكن مع اقتراب ميعاد سداد ثمن السيارة الجين قمت بالتفكير فى المتسوبيشى ليس بهدف ارتفاع سعر اعادة البيع او توافر قطع الغيار ولكن لأنها عربية مضمونة من حيث الأداء والأعتمادية فى التشغيل واحنا عموما بنحب المضمون وبنخاف من المجازفة ولكن برضه انا باحب الجين 2 وناوى اكمل و اجبها ان شاء الله ودى حكايتى

طالما انت وصلت للمرحله دى من التردد
حللك الوحيد الاوحد
سبعة ايام
كل يوم ركعتين ودعاء الاستخاره
واللى تلاقى طريقه اسهل ومريح يبقى هو الخير بامر الله
ربنا يوفقك وكمان ماتستعجلش وانسى كل العربيات اثناء الاستخاره
صدقنى انا مجرب كتييييير

ههههههههههههههههه انا فرحان موووت ان حد وقع فى حيرتى دى ( مش شماته والله بس كنت فاكر نفسى الوحيد ) على العموم انا عارف انها مشكله ربنا معاك ويوفقك فى اختيارك انا كنت نفس الحيره دى وجبت لانسر 1300 مانيوال اللى بتمن الجين 2 الاوتوماتيك (91 الف) بس تعرف دلوقتى بصراحه ندماااااااااااااااااااااا اااااان بس يبدو انك لازم تدفع تمن ان العربيه مضمونه

المشاركة الأصلية كتبت بواسطة emadosman63

بمناسبة الجو الحار اليومين دول فما رأيكم فى تكييف الجين 2 فهل فعلا يعتمد عليه وهل يؤثر فى الموتور وسحب السيارة واستهلاك البنزين خصوصا فى المانيوال لأننى اعتزمت جديا شراء السيارة ومتوقف عند هذه النقطة

تكيف العربية كويس بل ممتاز والصالون بيبرد بسرعة وخصوصا الكنبة وبعدين بيقى فريزر حتى لو واقف فى اشارات ..لايوثر على السحب والبنزين مش فارق كمان الفلتر الجديد الى ممكن تسحبة للتنظيف زى الى فى البيت .

سبحان الذى سخر لنا هذا وماكنا لة مقرنين وانا الى ربنا لمنقلبون

تكييف الجين 2 ............ثلاجة بجد
إمبارح الدنيا كانت ولعة و حر جامد
شغلت التكييف طول الطريق مسافة 123 كم
و العربية أستهلكت ............ 11.3 لتر بنزين أوكتان 92
10.9 يعني تقريبا 11 كم لكل لتر بنزين
و التكييف ممتاز و بيسقع جامد جدا
و كان راكب معايا في العربية ثلاثة ركاب بالسائق اللي هو أنا ( العبد لله )
و إجمالي الوزن حوالي 220 كجم
يعني مع الوزن ده ............ و التكييف .......... و العربية كانت محملة بعض الحاجات بما يساوي 25 كجم تقريبا
يعني الإجمالي 250 كجم ......... و إستهلاك 11 كم لكل لتر بنزين و بالتكييف طوال الطريق
يبقى أعتقد ممتاز

فيه حاجة كمان
العربية وقفت حوالي 20 دقيقة دايرة بالتكييف كنت في محل بأشتري حاجة و الناس اللي معايا في العربية طلبت مني أسيبها شغالة علشان التكييف

بالنسبة لتأثيره على السحب
فهو تأثير ضعيف على الغيار الأول و الثاني و يجب تشبيع الغيار
بعد كدا و لا بتحس بحاجة و أنت مشغله و خصوصا في المانوال لأنك بتتحكم في الغيار و أمتى تغيره

و إن شاء الله ربنا يباركلك في أختيارك و يباركلك في العربية بإذن الله تعالى