الموضوع: محتاج مساعدة ضرورى بخصوص صيانة السيراتو !!!!

السلام عليكم
انا اشتريت كيا سيراتو 2010 خليجى من 5 شهور تقريبا والعربية كانت عاملة 41 الف وكان فيها خبطة فى القنطرة وخبطة فى الاكصطدام واول مشتريتها غيرت زيت وفلتر هواء وفلتر تكييف وبوجيهات بس المشكلة الخبطة اللى فى القنطرة مأثرة على العفشة جامد وفى اصوات فى العفشة على حفرة او اى طريق مش مستوى ده غير ان بسمع صوت صفير جامد فى الفرامل والباور تقيل جامد اوى والعربية بترمى ناحية اليمين وانا سايق ومن يومين كانت عجلة اتخمت ولحمتها ومن بعدها حاسس ان السحب ضعيف جدا والعربية تقيلة انا استفسارى بخصوص العربية ان شاء الله هوديها لورشة كويسة عشان السمكرة والدهان والرش بس بقيت العيوب دى لازم اوديها التوكيل ولا اعملها بره خصوصا ان اسمع عن التوكيل ان اسهل حاجة عنده ان يغير واسعاره بتبقة مبالغ فيها اسف على الاطالة وشكرا

هي اللي شايله الماتور والعفشه
وانا كان عندي نفس العيب في عربيه اشتريتها قبل كده كان فيها خبطه وكان عندي نفس العيوب بالظبط ولما روحت التوكيل المهندس قالي دي فيها خبطه مبرجله العربيه كلها قالي لازم تركب قنطره جديده ضروري لان العربيه متبرجله اوووووي في كل حاجه سحب وكاوتش بيتاكل وعفشه بتبوظ وكل حاجه اهم شئ تغيرها وجرب بس متجيبهاش غير اصلي واوعي تركب بتاعه الالنترا لان في صنايعيه كتير يقولك ركب بتاعه الالنترا اوعي تركبها لانها بتبقي صغيره سنه علي العربيه وبردو هتخلي العربيه تحدف
الحل انزل علي الحرفيين وهاتها استيراد نضيف