استفسار عن صيانة فتيس النيسان

**Mohybessar** · 27-02-2013 09:17 PM

سلام عليكم :)

لو سمحت انا عندي نيسان صني 2005 خليجي جايبها من برة و مجمركها و من ساعتها محتجتش أوديها التوكيل أو أعمل صيانة بغير الفلاتر و الزيوت برة بصفة منتظمة بس

العربية عاملة لحد دلوقتي 80 الف كيلو

الفكرة ان الفتيس الاوتوماتيك بدأ ينتش .. العربية مبقتش بتنقل بسرعة علي التاني و ساعات مبتنقلش خالص !! اقوم مبطل العربية و مدورها تاني تتظبط و بعدين تعمل نفس الحركة و هكذا

واحد صاحبي بيقولي يمكن ساعة المطر دخلت مية جوة العربية عملت حاجة في السنسور او مشط الفتيس مش فاهم انا الصراحة

المهم أوديها التوكيل ولا مركز خدمة تكون أسعاره اقل ولا الحرفيين ولا أعمل ايه بالظبط ؟ يا ريت نصايحكو و شكرا مقدما :)

**D.Tarek** · 27-02-2013 09:28 PM

أعتقد يفضل انك توديها التوكيل تكشف عليها على الأقل تتعرف على العطل بدون عك الميكانيكية
ولو مقدرتش تصلحها جوه التوكيل يبقى انت عارف فيها ايه وتقدر تصلحها بره بسعر أقل

**Ramy Rateb** · 28-02-2013 12:19 AM

المشاركة الأصلية كتبت بواسطة d.tarek

أعتقد يفضل انك توديها التوكيل تكشف عليها على الأقل تتعرف على العطل بدون عك الميكانيكية
ولو مقدرتش تصلحها جوه التوكيل يبقى انت عارف فيها ايه وتقدر تصلحها بره بسعر أقل

كلام سليم ١٠٠٪

**Land_Cruiser** · 28-02-2013 12:24 AM

يا ترى حضرتك غيرت زيت الفتيس قبل كده من ساعه ما جبت العربيه و لا لأ؟ ٨٠ الف كيلومتر بدون تغيير الزيت كتير أوى و ممكن يعمل كده لان لزوجته بتقل و كده مش كويس على الفتيس و لو كنت مغيره قريب شوفه كويس و لا ناقص

**youssef_u** · 28-02-2013 01:12 AM

لو مغيرتش الزيت طول مدة ال٨٠ الف يبقا عليه العوض في الفتيس ،،،، لو غيبرته يبقا غيره تاني بنوع نضيف و اعمل reset للعربية و جرب

**Mohybessar** · 28-02-2013 03:14 AM

المشاركة الأصلية كتبت بواسطة youssef_u

لو مغيرتش الزيت طول مدة ال٨٠ الف يبقا عليه العوض في الفتيس ،،،، لو غيبرته يبقا غيره تاني بنوع نضيف و اعمل reset للعربية و جرب

انا مغيره علي 75 الف و الزيت كان نازل نضيف جدا حتي الراجل قالي ده زيت الفابريقة بيتغير عند 100 الف انت كده غيرته بدري

**Mohybessar** · 28-02-2013 03:17 AM

المشاركة الأصلية كتبت بواسطة D.Tarek

أعتقد يفضل انك توديها التوكيل تكشف عليها على الأقل تتعرف على العطل بدون عك الميكانيكية
ولو مقدرتش تصلحها جوه التوكيل يبقى انت عارف فيها ايه وتقدر تصلحها بره بسعر أقل

المشاركة الأصلية كتبت بواسطة Ramy Rateb

كلام سليم ١٠٠٪

المشاركة الأصلية كتبت بواسطة Land_Cruiser

يا ترى حضرتك غيرت زيت الفتيس قبل كده من ساعه ما جبت العربيه و لا لأ؟ ٨٠ الف كيلومتر بدون تغيير الزيت كتير أوى و ممكن يعمل كده لان لزوجته بتقل و كده مش كويس على الفتيس و لو كنت مغيره قريب شوفه كويس و لا ناقص

ألف شكر ليكم يا جماعة :) انا حاحجز كشف عند التوكيل و ربنا يسهل يهمني بس أعرف العطل .. انا شاكك ان ممكن تكون دي بسبب مية عشان انا دخلت في بحيرة مياة بسبب شوارع القاهرة الجميلة ساعت المطر تقريبا العربية كانت بتعوم .. خرجت من البحيرة دي رجعت البيت و حصل الي حصل

الف شكر ليكم يا جماعة ربنا يسهل يومين و احجز و اقولكو ايه الاخبار