الموضوع: بنك ناصر الاجتماعى

أخى العزيز
الموظف ده مش مظبوط و بيجرى ورا تحصيل اى مبالغ من الهوا علشان يضرب عمولة فى جيبه.
ما فيش عرض سعر بعربون،انت ممكن تلف على معارض البلد كلها وتاخد عروض اسعار من هنا لبكرة ببلاش بس بيقولك ان عرض السعر ده مثلا هو ملتزم بيه لمدة معينة من يومين لخمسة ايام.

موضوع الكاسيت ده سيبك منه و قولوا مش عايز الكاسيت التعبان ده و هات انت كاسيت من بره زى ما انت عايز و بعد كده روح ركبه و اذا كان على حركة الضمان يسقط دى فأسال الاول و اتاكد و لو الرد ايجابى يبقى فاصل فى المصاريف الخاصة بالتركيب علشان تركيب الكاسيت بره بيبدأ من 40 جنيه .
و ربنا معاك و احييكلنا عملت ايه

يعنى يا جماعة المفروض انى بجيب بيان الاسعار دة ببلاش وبروح البنك اديلة المقدمه وابدا فترة التقسيط وبكدا انا مش بتعامل مع المعرض وبكدة البنك هوة الى بيتعامل معاة..


اما حوار ادفع 2000 جنيه على تمن العربيه دة نصب من الموظف ؟؟يعنى المفروض ان باخد بيان الاسعار ببلاش ومش بدفع اى حاجه للمعرض؟!!

بالنسبة لموضوع الكاسيت انا بفكر ابقى اركبه برة بس كنت عايز اعرف هوة عامل كام برة
كاسيتcdوياريت اعرف الاصلى منه بكام؟؟

كنت عايز اعرف الاجراءات بعد ما اجيب عرض السعر اعمل ايه؟؟

يا جماعة بالنسبة لسعر العربيه ايه رايكم فيه؟؟

السلام عليكم

الاستاذ صاحب المشكلة يا ريت متدفعش ولا جنية واحد فى المعرض ولو تقدر توصل لمدير المعرض وتساله على الموضوع دا اعمل عشان انا حصل معى قبل ما تجيب العربية بس محدش فطمنى على حاجة .
انا جايب من بنك ناصر العقيم فى اجراته
رحت برضة معرض فى المهندسين الولد النصاب اسمه سامح اللى منه لله ومش مسمحه ولا ربنا يباركله فى الفلوس اللى خدها من غير وجه حق.قالى الاول هاخد 2 كنت موافق عشان مكنتش اعرف وبعدا ما سالت ناس جايبين من نفس المعرض فى قالى دفعنا وناس قولو مدفعناش المهم خدتنى الجلاجه وكلمته وقولتله انا رجعت ف كلامى عشان حاسس ان 2000كتير دا كمان غير 500 كان قايل عليها دمغات ورسوم واكرميات قالى طيب تعلى ونتفق ونشوف هنعمل ايه المهم رحت نزل 1000طبعا انا ساعتها كنت مبسوط انى بنزل 1000 بس عرفت بعد كده ان نصب على فى 1500 من غير وجه حق ومنه لله.
عشان كدة نصيحه لاى واحد عاوز يشترى عربية من اى معرض ميدفعش ولا جنية واللى يقوله رسوم العرض والكلام الفارغ دا يسيبه ويدخل لصاحب المعرض او يشوف معرض تانى.

المشاركة الأصلية كتبت بواسطة amongy

السلام عليكم

الاستاذ صاحب المشكلة يا ريت متدفعش ولا جنية واحد فى المعرض ولو تقدر توصل لمدير المعرض وتساله على الموضوع دا اعمل عشان انا حصل معى قبل ما تجيب العربية بس محدش فطمنى على حاجة .
انا جايب من بنك ناصر العقيم فى اجراته
رحت برضة معرض فى المهندسين الولد النصاب اسمه سامح اللى منه لله ومش مسمحه ولا ربنا يباركله فى الفلوس اللى خدها من غير وجه حق.قالى الاول هاخد 2 كنت موافق عشان مكنتش اعرف وبعدا ما سالت ناس جايبين من نفس المعرض فى قالى دفعنا وناس قولو مدفعناش المهم خدتنى الجلاجه وكلمته وقولتله انا رجعت ف كلامى عشان حاسس ان 2000كتير دا كمان غير 500 كان قايل عليها دمغات ورسوم واكرميات قالى طيب تعلى ونتفق ونشوف هنعمل ايه المهم رحت نزل 1000طبعا انا ساعتها كنت مبسوط انى بنزل 1000 بس عرفت بعد كده ان نصب على فى 1500 من غير وجه حق ومنه لله.
عشان كدة نصيحه لاى واحد عاوز يشترى عربية من اى معرض ميدفعش ولا جنية واللى يقوله رسوم العرض والكلام الفارغ دا يسيبه ويدخل لصاحب المعرض او يشوف معرض تانى.

والله بجد انا بشكرك على النصيحة دى

ان شاء الله هدخل لمدير المعرض

الف شكر مرة تانيه

معلش في السؤال بس هو بنك ناصر الإجتماعي ده بيشترط انك تكون موظف حكومي وبيشترط وجود ضامن وكده ولا ايه؟ ياريت بس حد يقولنا على الإجراءات ايه بالضبط وايه الشروط كلها عشان نستفيد يعني.

المشاركة الأصلية كتبت بواسطة sniper85

انا روحت بنك ناصر لان لقيت فى ناس كتير بتشكر فيه لان فترة التقسيط على 7 سنين وبفايدة
6%

قلت للموظف المسئول:
انا عايز اشترى لانسر اتوماتيك 1300والى سالت عن سعرها فى الرواس عاملة 94ألف الخليجى منها

المقدم الى معايا 40000وكنت عايز اقسط الباقى على 7 سنين
المهم عمل حسباته وقالى هتدفع كل شهر 900 جنية قولت تمام

سالته ايه المطلوب قالى

1صورة البطاقة
2ايصال كهرباء
3مفردات المرتب
4عرض سعر من اى معرض
5لازم احول المرتب على الفرع بتاعهم

المهم لحد كدة كلة تمام
روحت بقى فرع الرواس الى موجود فى "3ب شارع رمسيس"علشان اجيب عرض اسعار


الموظف الى كان موجود هناك اسمة مازن الصراحة انا من اول ما شوفته وانا مش مستريح المهم قولتلو على الحوار قلى بيان الاسعار دة بخدوا منه بعربون!!!!
وان العربيات الى موجودة عندو مش موجود فيها الموديل الى انا طلبة وقالى احتمال ينزل يوم الاحد

قالى ابقى اتصل بيه يوم الاحد

وقالى حاجه غريبه ان لازم ادفع 2000 جنيه على تمن العربيه؟؟!!!!!!!!!!!

قالى ان كل العربيات بتنزل من غير كاسيت ولو فكرت انى اركبلها كاسيت برة تبقى كدة خرجت من الضمان!!!!
وبالمناسبة الضمان 3 سنوات للخليجى أو 60 ألف كيلو

قولتلو يعنى ايه الحل قالى احنا هنا بنركب الكاسيت؟؟؟؟!!!!!!!!!!!!! cdب750جنيه+مصاريف التركيب

بسالة يعنى الكاسيت الى هتركبة ب750جنيه+مصاريف التركيب دة الاصلى
قالى لاء؟؟!!!!!!!!!

وكمان قلى ان امش موجود عندو الكويتى كل الى عندهم هوة الاماراتى!!!!


انا عايز ىرايكم فى الكلام دة

الاخ الكريم ..
حادردش مع حضرتك واحدة واحدة علشان نستفيد كلنا ..
* بنك ناصر مش بيقسط علي سبع سنوات فقط .. بنك ناصر دلوقتي بيقسط علي 7 سنوات و نصف .. و ال 6 شهور الزيادة دول بقالهم حواي 7 شهور مطبقين في البنك..
*حضرتك لم تشر في متطلبات البنك الي الضامنين .. و ده مطلب اصيل للبنك ..لا يتم التنازل عنه الا لو حتقسط بضمان الوديعة .. حتي لو مرتبك حيتحول بالكامل
*بنك ناصر ليه موردين بيتعامل معاهم باستمرار .. اغليهم في شارع الطيران في مدينة نصر ..بالاضافة الي كافة التوكيلات العاملة في مصر ( ما عدا توكيل ميتسوبيشي - مصرية )
*اي معرض تاني غير الموردين بتوعهم كانوا بيرفضوا يتعاملوا معاه في الاول.. لكن دلوقتي بداوا ينفتحوا جامد علي سوق التقسيط .. و اصبح تقسيط السيارات احد اهم مصادر الدخل للبنك .. و بالتالي بيطلب منك عرض سعر من المعرض .. و ممكن يطلب السجل التجاري بتاعهم كمان ..
* الرواس و غيره ( مبيحبش يتعامل مع بنك ناصر )..نظرا لأن سمعة بنك ناصر القديمة كانت تأخير الفلوس للمعارض لمدد كانت تصل احيانا الي شهر .. بينما البنوك الاخري كانت بتصرف الشيك للمعارض خلال 72 ساعة علي الاكثر.
طبعا الوضع ده اختلف حاليا و اصبحت اجراءاتهم سريعة الي حد كبير .
*ياريت لما تتعامل في الرواس تتعامل مع ا/ احمد علاء .. و هو راجل محترم جدا ..
و متروحش غير لما تخلص ورق البنك .. لانه لما يحس انك لسه معملتش ورق البنك .. مش حيحجزلك العربية .. و حيحس ان قدامك مشوار طويل ... و للعلم .. احمد علاء برضه حيقولك اي بنك ماعدا بنك ناصر .. لكن ممكن بالتفاهم يتم التعامل معاه .
* عرض السعر لا يؤخذ عليه اي نقود .. و لكن جواب التخصيص هو اللي اغلب الشركات بتاخد عليه احيانا 2000 .. تخصم بعد ذلك من ثمن السيارة ( جواب التخصيص هو الذي يحتوي علي ارقام شاسيه و موتور السيارة )
* بعض الشركات عند البيع بالتقسيط بتزود 1000جنيه تقريبا .. لان بنك ناصر بيخصم من الفاتورة 0.5%ضرائب.
* لا توجد اي مصاريف اخري يفرضها عليك المعرض و الا كانت بدون وجه حق ... بعض المعارض حتقولك ان بنك ناصر بيفرض ضريبة 2.5% من ثمن السيارة .. و بالتالي هما بيحملوها عليك .. الكلام ده كان بيحصل فعلا .. و لكنه اتلغي من حوالي 7 شهور ايضا .
* كل الخليجي اللي عند الرواس اماراتي
*كل الخليجي ال 1300 بينزل بدون كاسيت .. و احيانا بيكون بأكر سودا مش نفس لون العربية ..
* كل الخليجي ال 1300 عند الرواس .. الانجيكشن بتاعه بيكون فتحة واحدة فقط .. مش 3 زي المواصفات السعودي او الكويتي ...
*فيه اماكن تانية بتبيع اللانسر الخليجي .. زي هيفين ( 189 شارع العروبة / طريق المطار ) بس مش بيتعاملوا مع بنك ناصر .. بس ممكن تخلي معرض بيتعامل مع بنك ناصر ياخدها منهم .. و يدخلها هو البنك .. و حياخد منك من 1500 - 2500 فوق تمن العربية ( مثل ستوب للسيارات شارع مصطفي النحاس / او المؤسسة العامة شارع الطيران )
-----------
و بالتوفيق :)
*

المشاركة الأصلية كتبت بواسطة birdybirdy

معلش في السؤال بس هو بنك ناصر الإجتماعي ده بيشترط انك تكون موظف حكومي وبيشترط وجود ضامن وكده ولا ايه؟ ياريت بس حد يقولنا على الإجراءات ايه بالضبط وايه الشروط كلها عشان نستفيد يعني.

اختنا الفاضلة ..
بنك ناصر لايشترط انك تكون /تكوني موظف حكومي ..
لكن هو بيسهل اكتر للموظف الحكومي لانه بيحول مرتبه اوتوماتيكيا .. اي ( يضمن حصوله علي مستحقاته اولا باول) ..
* اذا لم تكوني موظفة حكومية .. بيطلب منك ضامن يكون موظف حكومي .. و راتبه يوازي القسط مرتين ( ضعف قيمة القسط ) و اذا لم يكفي الراتب .. ممكن تجيبي ضامن تاني .. بحيث ان مجموع راتبهما يوازي ما قلناه سابقا .. و هكذا ..
* عايزه تبعدي عن الحكومة ...؟؟
ممكن تقسطي بضمان وديعة .. و الوديعة تجمد لصالح البنك .. و يمكن لك صرف عائدها فقط .. و لا يمكن الصرف من اصل الوديعة ..
و الميزة الرهيبة في هذا النظام ..
ان بنك ناصر من متطلباته ان تكون الوديعة بنصف مستحقاته فقط .. و ليس بكامل مستحقاته مثلما تشترط كاااافة البنوك ..
و يمكن للوديعة ان تكون في اي بنك بخلاف بنك ناصر ( ما عدا البنك الاهلي )
و يمكن للوديعة ان تكون باسم اي شخص بخلاف المشتري .. و طبعا صاحب الوديعة حيروح البنك .. و حيمضي علي بعض الاوراق تفيد موافقته علي تجميد الوديعة لصالح بنك ناصر ..
و بالتوفيق :)