ألإخوه الأعزاء أعضاء منتدى الكيا...
أرجو أن تقبلوني عضوا معكم حيث أني جديد على الكيا
كنت عضوا في منتدى الأوبل وسأظل وكانوا مثل إخوتي و أصدقائي و أنا متأكد أنكم مثلهم فهذه صفة جميع أعضاء نايل موتورز.
ولكم جزيل الشكر والتقدير.
عرض للطباعة
ألإخوه الأعزاء أعضاء منتدى الكيا...
أرجو أن تقبلوني عضوا معكم حيث أني جديد على الكيا
كنت عضوا في منتدى الأوبل وسأظل وكانوا مثل إخوتي و أصدقائي و أنا متأكد أنكم مثلهم فهذه صفة جميع أعضاء نايل موتورز.
ولكم جزيل الشكر والتقدير.
ياباشا انت تنورنا ويزيدنا شرف كمان
بس فى حاجة واحدة بس اى عضو جديد بيجى القسم لازم يعمل عزومة ههههههههههههه
يا فاندم منتدى كيا نور والله وزاده شرف ان النمور زادو واحد
والف مليون اهلا بيك معانا
قسم كيا نور بيك واهلا وسهلا بيك معانا وسط اجمل واحلى صحبة
بس علشان تبقى نمر اساسى لاازم موضوعين تلاتة كده تفيد بيها باقى النمور
اهلا بيك فى كيا ونورتنا وربنا يباركلك فيها ويديك خيرها ويبعد عنك شرها وياريت تنقلنا تجربتك مع العربيه وايه اللى حسيته وانطباعك لما غيرت للكورى؟؟
أهلا بيك :)
منور قسم كيا كله .و اهلا بيك فى قسمك التانى كيا
و ممكن فى اقرب مقابله نتقابل و نتشرف بحضرتك
عوزين نعرف انطباعك عن النقل من الاوبل الى الكيا
و مشكور جدا
طبعاً تشرفنا وتنورنا وبالنسبة لموضوع العزومة ممكن تأجله شويه لقدام لما تكسب من القسم ابقى هات لنا حاجة هههههههههههههه
وبرضه مستنيين التقرير وايه اللي عجبك وايه رأيك من اوبل لكيا ومنورنا انا اقول القسم منور ليه غير ان الكهربا واصله هههههههه
المنتدى منور بأصحابه والشرف لي أنا أني انضميت ليكم أما موضوع العزومه هو من أولها كده ...ههههههههههههه.
ألف شكر على رد حضرتك و ذوقك والمنتدى منور بيكم.
شكرا جزيلا على ترحيبك وفعلا أنتم أجمل و أحلى صحبه ..... بس هلاقي فين مواضيع أمام خبرتكم الكبيره.
ألف شكر لحضرتك ولكرم أخلاقك...... العربيه الحمد لله عاجباني جدا جدا وخصوصا أنها أحدث بكثير من الأوبل والإنطباع الأولي عن التغير من الأوبل الراحه و التكنولوجيا الأحدث طبعا هي أوتوماتيك و الأوبل كانت مانيوال. بس طبعا المقارنه عشان تكون محايده هحتاج بعض الوقت عشان ألاحظ الفروق في السفر وعلى السرعات و مختلف الطرق.
شكرا جزيلا لحضرتك
كل الشكر لحضرتك و القسم منور بأصحابه و شرف لي مقابلتكم في أقرب وقت بإذن الله.
لك جزيل الشكر و التقدير وربنا يبعد عنك فواتير الكهربا... والشرف لي بإنضمامي للنمور. أما موضوع العزومه أنا قولت بعد مشاركه أو اثنين ممكن تنسوه إنما مع الإصرار ده ممكن نفكر فيه ....هههههههههههههه
المقارنه بين أوبل وكيا هستنى عليها شويه عشان تبقى موضوعيه وخصوصا أن الأوبل من السيارات التي لها وزنها وأدائها المتميز في حاجات كثير.