مشكله فى الدواره - لانسر بومه - الرجاء الرد بسرعه.....

السلام عليكم. لانسر 2007 1600 سوبر اكشن. ثلاث مرات اكون ماشى مشوار بالعربيه و ابطل علشان احط بنزين او اشترى حاجه العربيه مترضاش تدور الا بعد محاولات كتير. المارش كويس و البطاريه كويسه (رأى الكهربائى) وتلاقى العربيه بتحاول تدور و كأن مفهاش بنزين. الصنايعيه شاكين فى الحاجات التاليه
- فيوز طرمبه البنزين و غيرته و لسه مجربتش
- طرمبه البنزين و كشفت على الفيش و متركبه كويس
- حساس الكرنك و كشفت بالكمبيوتر و الميكانيكى قال انه سليم ولو فى مشكله كان هيبان على الكمبيوتر

الرجاء الافاده بسرعهههههههه

شكرااااا

ياريت حد يرد عليا بسرعههه

اتأكد من طرمبة البنزين ضرورى
وتاكد من انها تعمل بشكل جيد

اتاكد من طرمبه البنزين
واديها اتنين تلاته بنزين قبل ما تدور بعدا ما تفتح الكونتاك وجرب لو دارت
يبقى حاجه فى دورة البنزين واكشف على الراشاشات ونضفهم

انا رحت للميكانيكي و كشف علي الطرمبه و جرب اكتر من حاجه و قال انها كويسه
لو في مشكله في الرشاشات مش هتنتش العربيه؟
ممكن يكون المفتاح ؟
شكرا للمساعدة

مش شرط تنتش مع الرشاشات بس انا متوقع انها هى لان مش معقوله تبطل تلات دقايق تحط بنزين ما تدورش تانى يعنى الموضوع مش مع الصبح مثلآ وهى بارده لا ده طول النهار

شوف الرشاشات واكشف على الكويل ممكن يكون مش بيوصل كهرباء كويس واكشف على البوجيهات وغيرهم

شكرا لأهتمامك ياباشا. بس ممكن توضح كويل ايه؟؟؟

السلام عليكم. انا لسه عندى المشكله ورحت النهارده مركز صيانه جديد. الفنى فك الطرمبه و الفلتر و كشف على الفلتر و نظفه (الفلتر مكملش الف كم) و بعدين كشف على الطرمبه و لقى مصفه البنزين سوده وقعد ينظف فيها و هجرب و اقولكم لكى تعم الفائده

شكرا للردود

المشكله كلها فى الطرمبه وفلتر البنزين

اعتقد كده يا افندم و هجرب و اخبركم برده

شكرا للردود

وما زالت المرمطه مستمرة. النهارده وانا خارج من الشغل و العربيه بارده جدا لقتها برده مش عايزه تدور. جبت ميكانيكى و كهربائى و عملنا كونصلتو. اول حاجه قالوا الطرمبه و بعدين الكتاوت و بعدين الضفيره
اخيرا اتفقوا على ان الضفيره مش نظيفه بسبب اخر غسله و اقعدوا ينظفوا الفيش

دارت و لسه مروح من شويه و ربنا يجعلها اخر الاحزان

ياشباب. انا لسه مستنى الردود. هل لو فيش الضفيره مش نضيفه تخلى مفيش كهربا تروح للطرمبه ؟؟؟
ده اخر مشكله توصل لها الصنايعيه و اشتريت spry ونضفنا فيش الضفيره اللى جنب باب السواق

ياريت حد يطمنى. شكرااااا

ممكن تكون فيش الحساسات عايزة تتنظف
اهم حساس فى حكاية الدوارة هو حساس الماب شوف يمكن الفيشة بتعتة مش ركبة كويس

ربنا معاك والله انت واخد عين بنت حلال ربنا معاك وانا بصلى ان شاء الله هدعيلك وباذن الله تكون المشكلة اتحلت

السلام عليكم. لسه المشكله موجوده حتى بعد تغيير حساس الكرنك. كنت خارج القاهره و عملت نفس الحركه و رحت لميكانيكى هناك و كشف و لأول مره لقى الطرمبه مش حاطه منطق و سمعت كلامه و غيرتها و هجرب و قالكوا

شكرا للردود

السعر وماركتها ايه ؟

الميكانيكى بتاع واحد قريبى اللى جابها و قال انها يابانى و معاها ضمان و سعرها 140 جم

و كمان الميكانيكى بيقول ان حساس الكرنك لازم يركب الاصلى و الا هيسيح على الطريق و يوقف العربيه.
سؤال. هو حساس الكرنك ده بيتغير كل كام كم علشان الواحد يبقى يغيره بدل ما يقطع منه على الطريق؟؟؟؟

شكرا للردود

ياريت لو حد جرب الطرمبه اللى 140 جم يقولى و لو وحشه ممكن اغيرها و اجيب الاصلى لأنى بسافر كتير و ربنا يستر علينا فى الطريق

السلام عليكم. لسه العربيه بتعطل. النهارده وقت على طريق كرداسه و العربيه قطعت خالص. واتقطرت لحد الكهربائى قاللى ده كتاوت طرمبه البنزين و غيره ب40 جنيه

وربنا يجعلها اخر الاحزان

ده بيحصل معيا على فترات متباعده و ده عيب فى عربيتى بخصوص الايدا ( الستبر موتور ) ساعات الكهرباء مش بتوصله كويس و تلاقى لمبط الاتشك انجن من بتتفى و انت بدور بتر اطفى و اشغل تانى و اسيب اللمبه بتاعت الاشك تتفى

اكشف علي حساس الفتيس بس جرب انك لم تعطل منك تحاول تحرك الفتيس مرة واتنين ودور باذن الله هيطلع تنظف حساس الفتيس الاتو

جرب المفتاح الاستبن المفتاح بتاعك امبوليزر لو فية مشكله ممكن يبرجل العربية كلها وحصلت مع واحد صحبي جرب مفتاح الاستبن

الموضوغ دة بيحصل معايا وصلت لاية