يارجاله اروح ازاى اكتوبر مواصلات او بالعربيه

**hossam_elwani** · 27-02-2013 11:10 PM

يارجاله اروح ازاى اكتوبر الحى المتميز مستشفى دار الفؤاد مواصلات او بالعربيه من اسكندريه

**youssef_u** · 27-02-2013 11:11 PM

حضرتك فين طيب ؟

**youssef_u** · 27-02-2013 11:27 PM

بص يا باشا لو حضرتك في الاسكنديه يبقا تاخد الصحراوي لحد الكيلو ٢٦ تقريبا مش عارف بالظبط هتدخل يمين ( في علامات عالطريق ) و هتمشي هتلاقي نفسك وصلت ميدان جهينه ( يمين مول العرب و ووسط البلد . شمال المحور ، علطول طريق الواحات ) حضرتك تدخل يمين هتلاقي على يمينك مول العرب و على شمالك دار الفؤاد لازق فيها جامعة مصر و وراهم الحي المتميز ،،، اي استفسار انا تحت امرك

**hamadakotb** · 27-02-2013 11:33 PM

بالمواصلات تركب اتوبيس او ميكروباص من الاسكندرية و تنزل طلعة المحو ر ( تقاطع المحور مع طريق الاسكندرية) و تطلع على المحور تاخد اى ميكروباص لمستشفى دار الفؤاد
اما بالعربية برده تمشى لحد ما توصل المحور و تاخد يمين فى اتجاه زايد و 6 اكتوبر هتفضل ماشى شوية لحد ما تعدى هايمبر وان على ايدك اليمين بعدها هتلاقى مستشفى دار الفؤاد على ايدك الشمال هتعديه و تعمل يو تيرن و ترجع امام المستشفى.
و توصل بالسلامه انشاء الله

**hossam_elwani** · 27-02-2013 11:42 PM

الف شكر ليكم يارجاله على الوصف الهايل ده شكرا جزيلاً

**aboamr** · 28-02-2013 12:16 AM

خد العربيه الصحراوى هايل وهادى بس حاسب من السرعه العاليه .......طريقك طوالى لغاية ماتوصل البوابات وتدفع اتنين جنيه تكمل بعد البوابات حوالى كيلو وتكون يمين الطريق حتلاقى نزلة كوبرى المحور وفيه مدخل يمين قبل ماتوصل اسفل الكوبرى ويافطه مكتوب عليها الشيخ زايد او 6 اكتوبر حتدخل معاه يمين طوالى لحد ما تعدى هايبر وان على ايدك اليمين بعدها هتلاقى مستشفى دار الفؤاد على ايدك الشمال هتعديه و تعمل يو تيرن و ترجع امام المستشفى.

**Y a r i s** · 28-02-2013 01:11 AM

اولاً الف سلامة عليك يا حسام
بس ياباشا لو هتيجي موصلات هتفضل ماشي لحد ما توصل بوابة القاهرة وتديهم التذكرة. بتاعتك
هتمشي شوية تلاقي كارفور على شملك. سيبك منو
هتمشي شوية لحد ما تلاقي كوبري في وشك ... هنا بقه قول للسواق على جنب يا سطة ... انزل وهتلاقي سلم او اطلع على الطريق الي فوق ده اسمو المحور ... شاور بقه لاي ميكروباص رايح يمين وقولوا اكتوبر ياسطة. المهم هتركب وتدفع ١.٥

وبس ياسيدي هتفضل ماشي ماشي تعدي مطب مطبين تالت مطبات يعني سادس او سابع مطب هتلاقي على ايدك الشمال مستشفى دار الفؤاد

ولو معديتشي المطبات وكلتها كلها .
هتفضل ماشي ماشي لحد ما تلاقي ميدان او صنيه كبيرة عريضة اسمها ميدان جهينة. ... بعديها هتمشي شوية اول مطب يقابلك بعد الصنية على ايدك الشمال هيا دي مستشفى دار الفؤاد

بس قولنا قبليها انك جي علشان نفرشلك الارض ورد وزهور ياباشا
هو احنا عندنا كام حسام باشا
بس نصيحة المستشفى بومبة ... كنت كل ما اروح عند دكتور في دار الفؤاد ابص الاقيه مطلعلي الكارت بتاعوا ويقولي تعالالي على العيادة بتاعتوا برة ... يعني من الاخر هما شغالين في المستشفى علشان يخطفوا الزباين لمصلحتهم ... وده الي دايقني منها وخلاني مبقيتش اروحها واروح الزهور افضل واحسن وارخص ( كرأي شخصي )

@@@@@@@@@@

وتحياتي