عرض للطباعة
الى احلى شباب فى نيل موتورز اخوكم ناوى ان شاء اللة على هوندا اكورد موديل 88 كاملة 2000 سىسى Lxi .
ياريت الى جربها يقولى اية نظام العربية دى من ناحية:
-قطع الغيار(غالية ولا رخيصة ومتوفرة ولا اية؟)
-مميزاتها .
-عيوبها.
-اعادة البيع وسوقها عامل اية وسعرها كام حاليا؟
مستني ردودكم ياشباب.
باين محدش سمع عنها
عربية حلوة جداً
موتور قوي جدا 2000 سي سي 16 صباب
عفشة ناعمة
ثبات عالي جدا جدا
شكلها شيك و برستيجها كويس
كمالياتها كتير قوي (من اول الفوانيس الكهرباء, فتيس اوتوماتيك, مثبت سرعه, باور و زجاج و مرايات و بعضها بسقف كهرباء, ومنها كمان اللي بتنزل بعدادات ديجيتال, تكييفها قوي جدا, و باور ستيرنج ناعم
سعر اعادة البيع
ارزاق طبعا بس عامة مش سهل بيعها قوي يعني, الهوندا كلة كدة, ماهواش زي الفيات و ممكن تنزل في سعرها شوية
و ممكن انت و بختك زي ماقلتلك دي ارزاق ممكن تبيعها و تكسب فيها و من غير ماتكون عايز تبيعها اساساً
المهم تكون عربية نضيفة و حالتها 100%
الهوندا ماتشتريهوش لو مكانتش عربية 100%
او 0% و تاخدها ببلاش و تبنيها من اول و جديد و عربيات استيراد متقطعه و تصرف عليها كتير
لأن شدها بيكلف كتير و مش سهل و لية سكك و مسالك عاوزة خبرة في الهوندا و مش فتاوي صنايعية حاتكلفك فلوس و تهد وتبني فيها
و قطع غيارها متوسطة مش رخيصة زي الفيات و مش غالية زي البي ام
و حاجات و حاجات برضة
و فية ناس عندها استيراد عربيات متقطعه برضة
و عامة لو العربية دي نضيفة قوي
فابريقة على أبوها زي مابيقولوا
و مش ملعوب فيها, موتور و فتيس 100%
و سعرها مناسب في حدود التلاتينات
و انت تقدر تصرف قطع غيارها, يعني ميزانيتك تسمح بمصاريف وتقدر تكلف العربية كويس
توكل على الله و انا تحت امرك لو عاوز حد بيبيع قطع غيار هوندا (متخصص و فاهم ) أدلك و ميكانيكية كويسة أدلكم
و قطع استيراد برضة ربنا يوفق و أدلك
انا ركبت هوندات لمدة حوالي 17 سنة
و عارف مسالكها كويس
ربنا يوفق
ياريت يابو الاداهيم لحسن اعصابى تعبت من كلام الناس وعايز اتكلم مع حد يعرف عنها.اقتباس:
توكل على الله و انا تحت امرك لو عاوز حد بيبيع قطع غيار هوندا (متخصص و فاهم ) أدلك و ميكانيكية كويسة أدلكم
و قطع استيراد برضة ربنا يوفق و أدلك
شوف يا ريس العربية دي جميلة جدا بس رأيي ده أنا كونته باعتبار اني استعملتها خارج مصر بس مش عارف عنها اي شئ بمصر .
سيارة شيك جدا و قوية و ثباتها عالي و تقدر تعدل فيها زي ما تحب .
بالنسبة لعيوبها قليلة باستثناء اذا كان العدادات ديجتال لأنها بتبوظ بسرعة و أحيانا بتخرف في القراءات بتاعتها و خاصة عداد الحرارة
ثاني عيوبها الفوانيس الامامية باعتبارها ( قلاب ) عرضة لتلف ماكئنها .
بس دي أشهر عيوبها أما هيه ممتازة تابلوه فخم تجميع سرعة عالي ثبات عالي و تقدر تلعب فيها زي ما تحب بس نصيحة شوف قطع الغيار في مصر عاملة ايه و على فكرة لها قطع متوفرة في بورسعيد
و ربنا يوفقك
شكرا يا وليد على على اهتمامك بالموضوع وردك عليا . وفعلا ناس كتير قالت على العيبين دول وان شاء الله انا ناوى اجيبها عدادات عادية.
انا اشتريت الهوندا الاكورد في نوفمبر سنة 1998 وبعتها في اكتوبر اللي فات يعني قعدت معايا تقريبا 9 سنيناقتباس:
المشاركة الأصلية كتبت بواسطة waled369
لا العدادات الديجيتال باظت و لا احتاجت اي نوع من الاصلاح بإستثناء ان سلك عداد السرعه شعر و غيرتة ب 25 جنية من سنين
و عداد الحرارة ولا يوم هيس و لا خرف ولا اي شيء
دة حتى عمر العدادات الديجيتال دي ما هنجت مثلا و احتاجت اني اشيل كابل البطارية و اعمل ريستارت
و واحد صاحبي انا جبت لة واحدة من حوالي 3 سنين و لسة معاه و برضة ماقابلوش فيها اي عطل او اي مشكلة
العربيات دي معمرة جدا جدا في كل شيء فيها ومابتوقفش
موتور فتيس عفشة وكل شيء و كل اللي محتاجاة منك حاجتين تغيير الزيوت باستمرار في مواعيدها و تحافظ عليها ماتسخنش و الباقي انك تشتري قطع الغيار الاصلية و يركبها حد بيفهم هوندا كل فين و فين ماتحتاج تغير فيها حاجة باظت بعد عمر طويل
و الفوانيس الكهرباء بتتباع ب 150 جنية للفانوس استعمال الخارج بماكينتة الكهرباء عند بتوع الاستيراد
ممكن تكون حالة فردية عندك مش حالة عامه في كل العربيات مثلاً يكون انت كان عندك صدأ ورواسب وساخة كتير في دورة التبريد و الرواسب عملت سدد او اترسبت على ساعه الحرارة و بالتالي مابقيتش القراءات بتاعه العداد صحيحة
اقتباس:
المشاركة الأصلية كتبت بواسطة hasansa3odi
اراهنك ان ولا واحد من اللي قاللك عالعيبين دول كان عندة العربية اصلا
هو شعبنا كدة يحب الفتاوي
زي زمان كان اي حد يشتري عربية انجكشن او فيها اسبراتير الكتروني الناس و الميكانيكية تقعد تقولة دة وحش و مش مضمون والعربية تقف و تعطل بيك في اي وقت
مرة كان معايا فولكس شيروكو بموتور جولف GTI 1800 وبعتها لواحد اعرفة
و بعد كام شهر قابلت اخوة بيها في الشارع بالصدفة
لقيتة قرفان من العربية و بيقوللي دي عربية مقلب و تقرف و بنت ستين تيييييت
و بتطلع دخان اسود من االشكمان و بتتفتف و بتاكل بنزين ومحدش عارف يظبطها و كل اسبوع تقريبا بتكسر شاكوش اسبراتير
مع ان العربية دي كانت نضيفة جدا و موتورها ماشاء الله علية
المهم من هنا لهنا باتكلم معاه لقيت الباشا الميكانيكي اقنعه ان الاسبراتير الكهرباء دة فاشل و ماينفعش في بلدنا ولو ضرب منة و هوة مسافر العربية تقف و يقطرها و مش حاتتصلح في التوكيل
و اقنعه انة يعمللة فيها تعديل و قام الميكانيكي العبقري بقص الاسبراتيرعند الخراط و وركبلة اسبراتير فيات 128 على الأكس و المشرشر بتاعها و بقت بابلاتين و كوندنسر و طبعا نتيجه القص و اللزق في اكس الاسبراتير بقى فية "رفة" في الأكس و بتسبب كسر شواكيش الاسبراتير
انا سمعت كدة صعبت عليا العربية اللي كنت محافظ عليها و مهتم بيها, و لقيت زيت الموتور اللي فيها اسود و محروق تماما و الباشا مش بيغير اصلا زيت, و صوت الموتور بقى فعلا يقرف, كأنك مربي خلية نحل في كارتيرة الزيت
قلت لة انت مكانش مفروض تركب جولف انت كان كبيرك 128 عادة علشان الميكانيكي يقص و يلزق فيها براحتة علشان ماتصرفش عليها تمن قطعه غيار, العربيات دي ماتعملتش علشان اللي زية يركبوها
و سبتة و مشيت
عربيه جميله فعلا زي ما ادهم باشا قال
توكل علي الله و هاتها لو تعرف تصينها
اية اكتر حاجة مهمة تبص عليها وانت بتشترى العربية دى؟ :blink4:
قاعدة عامة:
في العربيات الهوندا و الياباني عامة لو العربية مش نضيفة 100% موتور و عفشة و فتيس (بالذات لو اوتوماتيك) و طبعا الدواخل و الاساسيات ماتشتريهاش
لأن شدها يكلفك اكتر من تمنها نضيفة
الا لو بقى شاريها عاملة حادثة و معيوبة و تشدلها نص استيراد
[quote=Adham;411707]اراهنك ان ولا واحد من اللي قاللك عالعيبين دول كان عندة العربية اصلا
هو شعبنا كدة يحب الفتاوي
شوف يا أدهم باشا حضرتك لو لاحظت كلامي هتلاقيني قلت أنا استعملتها بره مصر يعني مش في جو مصر و أنا على سبيل التحديد بالكويت يعني جو ناااااااار بيدوب الحديد م السخونة و معظم الديجتال بيبوظ في درجات الحرارة العالية جدا زي هنا .
ثانيا أنا استعملت 3 عربيات من نفس الطراز 2 موديل 89 و واحدة موديل 86 و هوه نفس شكل الموديل 88 و اللي كان عندي 2 هاتشباك و 1 سيدان و ثلاثتهم عدادات ديجتال يعني أنا باتكلم عن تجربة مش بافتي و لا حاجة .
بس أنا معاك ان فعلا فيه افتاءات كتير و ناس ممكن سمعت و تعمم حكم السمع ده . و معاك كمان ان العربية دي فوق الممتازة لأني شخصيا باحبها جدا جدا .
هى الاوتوماتيك منها فية كيك داون ولا ...؟؟؟
لأ يا باشا مفيهاش كيك داون مع الاسبراتير انما فيه زرار باور مع الفتيس و انا باتكلم عن العربيات اللي بتنزل الخليج خاصةاقتباس:
المشاركة الأصلية كتبت بواسطة hasansa3odi