الموضوع: ::تقرير حصري:: صيانة 1000 كيلو لـ هوندا سيتي 2012 و مفاجأت آخري بالتقرير

صيانة 1000 كيلو لـ هوندا سيتي 2012 و مفاجأت آخري بالتقرير

-----------------------------------------

بداية احب اوجه الشكر الي اعضاء قسم هوندا علي موضوعاتهم المتميزة اللي اعطتني الدفعة الصحيحة في شراء عربيتي هوندا سيتي 2012 الفئة الاولي و كانت سعرها اللي قمت بشراؤه 133000 جنيه .. و الحمدلله اني يعتبر اشتريتها في الوقت المناسب ..

دلوقتي انا قمت بعمل صيانة 1000 كيلو بتوكيل هوندا بالتجمع الخامس و كان في استقبال المهندس عبدالرحمن

و صيانة الـ 1000 كما يعلم الجميع عبارة عن فحص شامل علي العربية و تربيط العفشة فقط لاغير..

أولا ً : ديه شوية صور للتوكيل من الداخل بما فيهم الكافية و ايضا ً ورشة الصيانة

اللي تم تركيبه بالتوكيل :

1- قمت بتركيب ريموت للعربية و هو بيتصل بالسنترلوك طبعا بحيث اني اركب عليه انذار في المستقبل لما يتواجد في التوكيل و الريموت ده كان تكلفته 1220 لكن كان في عرض علي الجهاز و ثمنه بالتركيب 990 جنيه بالضريبة

2- قمت بتركيب السماعتين الخلفيتين لأن طبعا الفئة الاولي بتيجي من غير السماعتين الخلفيتين و طبعا الصوت اختلف تمام في العربية بعد التركيب و ثمنهم بالتركيب 795 جنيه

3- تم تركيب ايضا ً باركنج سنسور و الحمدلله اني لاقيت في التوكيل طبات الباركنج مرشوشة بنفس لون العربية و كان سعره 720 جنيه بالتركيب

اللي كان نفسي اركبه في العربية لكن لسه التوكيل مش متاح فيه الحاجات ديه و هي ( وحدات رفع زجاج - انذار للعربية - قطعة اللباد الخلفية للشنطة لاقيتها هتعمل في حدود 800 جنيه فستحرمت اشتريها رغم عدم تواجدها )

يتبع ....

المشاركة الأصلية كتبت بواسطة sameh_fouad

تقرير ممتاز ياباشا وتسلم على الصور , وفعلا لة حق التثبيت عشان الى عايز يعرف اسعار قطع الغيار فى التوكيل

شكرا سامح و ان شاء الله هيتبع جميع الصيانات و انا يشرفنى انى اكون من الهندواية ميرسى جدا على التثبيت