فيات بونتو الدبرياج تدوس عليه يلزق ميطلعش تاني

يا جماعه انا لسه شاري العربية من يومين و بعدها لقيت كام حاجه غريبة كده
اولا الدبرياج تدوس عليه يلزق ميطلعش تاني سالت قالولي ممكن يكون الماستر بايظ و عاوز يتغير فده اجيبه منين و بكام مثلا ؟
تاني حاجه عندي نص العربية اشارتها مش شغاله و رحت لكهربائي فك الدنيا لحد ما قلي انت عندك مشكله في البودره الي ورا علبه الفيوزات الي تحت التابلوه فهل ده حقيقي ؟ و خصوصا اني عندي مشكله في السنتر العربية تيجي تقفلها تفتح لوحدها تاني و بتعمل حجات غربية و لو هو ده ف بردو منين و بكام ؟ xd
ثالث حاجه في حد قلي ان عندي حساس الشكمان بايظ معرفش عرف منين بس هو قلي ابقى غيره xd ده بردو يعملو كام و منين

و شكرا يا رجاله مقدما للي هيرد ان شاء الله xd

بص يا سيدي
الدبرياج بيدخل لجوه ومايطلعش ده اكيد كاستر الدبرياج وحصلت معايا من سنتين في البونتو
وهو كان ناقص وقعدت مستنيه من عند الكيلاني لغايه ما جيبته
كان ب 350 ج من سنتين ماعرفش بكام دلوقتي
لو مش موجود بتركب سوسته ورا الدبرياج عشان تزقه لقدام لما يلزق جوه
بس ده حل مؤقت وماينفعش تخليه على طول لانه ممكن يبوظ لكم الديسك والاسطوانه
وبالمره طالما هاتغير ماستر الدبرياج يبقى اكشف على الديسك والاسيطوانه

الباقي ماقدرش افتيلك فيه

اشهر محل قطع غيار فيات هو الكيلاني في شارع شمبليون في وسط البلد