تجربة تغيير سماعات أبواب شيرى qq
السلام عليكم ورحمة الله وبركاته
حبيت أنقل للإخوة الأعضاء تجربتى مع تغيير سماعات الأبواب ف عربيتي الـ qq اللى بعد فترة بسيطة من تركيب الكاسيت لقيتها "بتزن" جامد وطبعا ده معناه إنها أتقطعت من قوة الكاسيت عليها .. المهم الموضوع كله بالكامل أنه عملته بنفسي ف جراج بيتنا ومش محتاج أى فنيات أو مهارات خاصة :049:
ف البداية فكيت حشو أو بلاستيك الباب ببساطة وفكيت "الكلبس" اللى داخل ع زرار التحكم ف إزاز الباب وبكده قدرت أفصل حشو الباب خالص عشان أشتغل براحتي ... المهم إن هو ده شكل سماعات الفابريقة اللى فيها و واضح طبعا إن خامتها متواضعة جداااااا وضعيفة وبتبقى راكبة على "علاية" بلاستيك بحيث تعمل عزل بينها وبين صاج الباب ..
http://www.relines.ru/img/catalog/ch...mage_2_dft.jpghttp://www.relines.ru/img/catalog/ch...mage_1_dft.jpg
المهم بعد ما فكيت طلعت فعلا السماعات مقطوعة من الجنب وشكرااا على كده .. طبعا أنا حبيت اعمل التقرير ده عشان أنقل للناس الغلطة اللى وقعت فيها .. وهى إنى فكرت ف الإستغناء عن العلايات البلاستيك وتركيب سماعات مقاس 13 بدل مقاس 10 اللى كانت راكبة اساسا .. لإن مقاس العلاية 13 ... وبالفعل نزلت جبت جوز سماعات أدريان 260 وات والـ أر ام اس بتاعها 20 وات وكانت بـ 65 جنيه ورجعت أركبهم ولكن للأسف الفتحة اللى ف الصاج كانت ضيقة ومكانتش السماعة نازلة ف الباب براحتها + إن عمق الباب ورا السماعة قليل وكان الإزاز بتاع الباب لما أفتحه وينزل كانت السماعة بتعاكسه وأستحملت الوضع ده شوية ... لكن المشكلة الأكبر إن السماعات بقت "تلمس" مع الباب وتكهربني كل شوية وكانت بتخلي السماعات اللى ع الرف تفصل من التلميس :hugging:
قولت بلاش خساير أكتر من كده وبعدها بـ 3 أسابيع جبت برضو أدريان بس مقاس 10 وكانت بـ 60 جنيه وركبتهم مع العلايات البلاستيك عشان يبقى فى عزل وميحصلش تلميس أو قفلة .. والحمدلله الحكاية أتظبطت ومبقاش فى اى مشاكل :tumb:
بالنسبة لفرق قوة الصوت بين المقاسين مش هتحس بيه لإن سماعات الأبواب مهمتها إنها تحقق مهمة "إحاطة" الصوت بين من الأربع إتجاهات حواليك ف العربية ... يعني لا يعتمد بقوة عليها ف البيز .. مجرد صوت نقى و واضح مهما تعلى صوت الكاسيت