شكرا جزيلا على الكتالوج المتميز.
عرض للطباعة
شكرا جزيلا على الكتالوج المتميز.
تفضل
Download Adobe Reader 11.0.02 - FileHippo.com
تحياتي
تسلم ياباشا على المجهود الرائع بس ياريت كمان كنت تجيبلنا الأسعار خصوصا بعد ما سمعنا انها غليت معلش بنتاقل عليك
طيب ايه رايك فى اضافة oil additive أو السيراتيك للمحركات الجديدة
تسلم ايدك
وعليك يا باشا !!!
هو بصراحة ممتاز مع ناس كثير , ولاحظت ان معظم اللي اشتكوا من إنه بينقص أصحاب المواتير العصبية ..... , وتقريباً كل بتوع الدايو !!!
الألمان حاجة كده ليها طعم في الصناعة وكمان في الثقة ...
تقدر تثق في اي حاجة بيعملوها ...
هما اتربوا على كده , وميعرفوش يعملوا غير كده ...
عمرك شوفت عربية ألماني مثلاً لغوا وسائل الأمان عشان يوفروا في ثمن العربية ويرخصوها !!! , أو الصاج بقى ةرق أة لغوا ال immobilizer أو أو أو .....
ده بيبقى منهج وفكر !!!
الفالفولين ممتاز وأهم حاجه حتلاحظها معاه تحسن استهلاك البنزين !!!
عشان هو 5w30 وده ال recommended بتاع هيونداي على الاقل للالنترا وده موضح بالكاتالوج .
الكاسترول ممتاز برضه , من الأخر موش حتبقى ندمان لو حطيت واحد منهم ...
واستخدامك ليه عامل مهم لعمر الزيت معاك وجودته !!!
من خبرة الواحد البسيطة أسوأ استخدام هو داخل البلد والزحام الشديد !!!
الشيل الألترا أخر مرة نزلته من عربيتي لأنه بقى زي الميه ........ بجد أخره زيت قليه , فين أيام ما كان بيتصنع في ماليزيا مكانش ليه منافس !!!
وأخيراً تقبل فائق الشكر والتقدير
تحياتي
بالنسبة لإضافات الزيت لا أحبذ إستخدامها على الإطلاق مع المحركات الجديدة !!!
انا لي أصدقاء معاهم مواتير عامله 250 و275 ألف كم ولسه جديدة ولا بتاكل 1 سم زيت حتى !!! { مشاء الله لا قوة الا بالله } .
والكوارث اللي سمعناها من استخدام بعض الاضاقات , وتحديداً الجهل بطرق استخدامها وما يسببه هذا الجهل من مشاكل .
وتعالى نحسبها سوى .....
الاضافت دي المفروض لها وظائف , يعني مثلاً واحد عنده شمبر خفيف حيحط زيت شمبر , طيب لو موتور جديد نحطه ليه !!!
ولو حطيناه حيعمل مشكله في الموتور .... وخد على كده كل حاجه !!!
القاعدة : لا أستخدم الا ما تحتاجه سيارتي ... وبلاش الكرم اللي احيانا يودي في داهية !!!
يعني قريت مرة واحد معاه عربية جديدة وبيغير زيت ويعمل فلاش ويحط سيراتك !!!
طيب ليه ؟ جاب منين المعلومة دي ؟
هل اكتشف اختراع لم تصل ايه أي شركة سيارات ؟
لو فيه فائدة كانت نصحت بيه كل شركات السيارات أو على الأقل شركة واحدة !!!
ده هيونداي بتقولك ايه اللزوجة المسموح بيها لعربيتك وتيجي في الأخر تقولك ال recommended ايه !!! وكذلك معظم الشركات المصنعة للسيارات !!!
لو الاضافات دي لها فائدة للموتور كانوا كتبوا في الكتالوج ابقى حط سيراتك مثلاً مره كل 50 الف مثلا !!!.
انما مثلاً نصح بتنظيف دورة الوقود باستخدام منظف الانجكشن !!!
احنا بنحب عربياتنا لدرجة ان ممكن نطبق المثل " ومن الحب ما قتل " !!!
ده على الاقل وجهة نظري من خلال خبرتي البسيطة ومتابعاتي !!!
عذراً على الاطالة ....
تحياتي