نوى اغيره يمكن العربية توقف والفرامل تتحسن شواية لحد لم حد يلاقى تعديل لفرامل النوبيره
عرض للطباعة
نوى اغيره يمكن العربية توقف والفرامل تتحسن شواية لحد لم حد يلاقى تعديل لفرامل النوبيره
احسن نوع هو الميتيللى الايطالى... 300 جنية بدون بلوف و خزنة
موجود عند ابو الحسن و انا مركبة عندى
http://www.metellispa.it/siti/metell...pa_freno_e.htm
MMamdouh
طيب البلوف اجبها منين اصلى عوز اغير كل حاجه علشان اريح دماغى ويفضل جديد لانى مبحبش الاستعمال فى الحاجات الخطيره ذى الفرامل وشكرا واذا كان لك راى فى تعديل الفرامل لتقويتها اكون شاكر
خد البلوف من الماستر القديم
لا يوجد تعديل لفرامل النوبيرا حتى الان
MMamdouh
انا لسة جايب ماستر من شهرين تقريبا جبته جديد ب 450 جنيه والحمد لله زى الفل
من عند المنير بتاع قطع الغيار اللى فى فيصل وقالى انه هينزله طقم اصلاح قريب (بلوف)
واضح من العنوان انها نوبيرا انا كنت لسة شارى العربية وكان فى ترشيح بسيط زيت ع الموتور
فقولت اروح لميكانيكى الله يسامحه قولتله انا لسة شارى العربية وعاوز اعرف ترشيح الزيت ده منين
قالى من جوان وش البوجيهات قولتله ماشى هجيبهولك وقولتله بوصلى كده على زيت الباكم والباور والحاجات دى
المهم لقيته بعت جاب زيت باكم وزوده فى علبة الماستر الله يسامحه
وبوظلى الماستر والدبرياج ولا فى فرامل ولا دبرياج كمان وبعد معاناه 4 ايام قولت
اشترى دماغى واجيب ماستر جديد بعد ما مسحت بكرامه اهله الارض وفضحته
جبت بلوف الدبرياج (طقم اصلاح) ب 15 جنيه او ب 10 مش متذكر بالظبط
وجبت ماستر ب 450 جنيه وقالى ملهوش طقم اصلاح بس هينزلوله قريب
وعلبتين زيت باكم موبيل العلبة السودة
محل المنير بتاع قطع الغيار اول لما قولتله ان المساتر والدبرياج باظو
قالى اكيد حطيت زيت باكم من الرخيص
قالى ده بيبقة فيه احماض وبياكل الكاوتش
وكتبلى على علبة الماستر زيت باكم العلبة السودة ب 11 جنيه من البنزينة
شكرا على الردود المشكلة انى احيانا افرمل على سرعة وطية لا تتعدى 40 كيلو واضغط على الفرامل للاخر القى السيارة بتهدى ومبتقفش رغم انى ضاغط على الدوسة بتاعة الفرامل على الاخر لدرجه انى خبط السياره الموجوده امامى بس الحمد لله السرعة الوطية معملتش حاجة فى العربية التانية واعتذرت للراجل وعلى السرعات العالية لو دوست مره واحده على الفرامل تهدى للحظات وبعدين توقف وبعد تكرار التجربة تبتدى تفرمل من اول مره ولم اسبها شوية بالكتير يوم واحد ترجع ريمة لعدتها القديمة
تم تصحيح لفظ الجلالة... برجاء مراعاه ذلك مستقبلا
مشرف القسم
يبقة اكيد الماستر عندك بيهرب وده خطر جدا جدا جدا ولازم تعمله ومتسكتش على حاجة زى كده حتى لو هتجيبه استيراد ب 200 جنيه
وبعدين جرب خد هوا الاول من الاربع عجلات وشوف الفرامل هتعمل ايه وممكن يكون تيل متاكل بردو روح لميكانيكى
وشوف هيقولك ايه
وياريت متسكتش عليها
جربت كل ده سحبت هوا وغيرت طنابير وتيل
لو التاكل فى جسم الماستر نفسة يبقى طقم الاصلاح مش حيعمر
MMamdouh
انا نزلت امبارح شارع دمشق وملقتش المستر الى بتقولة علية لاقيت ال gm الكورى كامل بالخزان و البلوف بس سعره غلى شوية ب550 جنية وهو ناقص شوية انا لاقيتة عند اتنين بس فى الشارع كلة وبنفس السعر فهل المستر ده كويس وهل هو الاصلى فعلا
الاصلى كويس بس غالى
الميتيللى موجود عند ابو الحسن و ارخص لانة من غير خازنة و بلوف و الصراحة شكلة انضف من الاصلى بكتير
MMamdouh
فى اختلاف فى المقاس الانوس 19 والنوبيرا 22
استاذ ممدوح الفرامل عندى بقت سيئه جداً والبدال هرب منى مرتين فى الاسبوع الماضى يعنى فجئه الاقى البدال نازل لحد الارض والفرامل ضعيفه جداً والغريبه انه بيرجع بعدها طبيعى بس برضه الفرامل مبتبقاش كويسه فأيه رايك اغير الماستر ولا اعمل ايه وعلى فكره انا سئلت الميكانيى على الماستر الايطالى الماتلى الى انتا ركبته وقولتلو انه بيبقى من غير بلوف وهنشيل البلوف من الماستر القديم وركبها فى الجديد استغرب جداً وقالى اول مره اسمع الكلام ده وقالى ان حتى لو ينفع ممكن تكون البلوف القديه هى الى بايظه ويبقى نفس النتيجه فمش عارف اعمل ايه ياريت قولى وشكراً
اللى شرحتة دة عيب ماستر واضح جدا
البلوف ملهاش دعوة بالقصة اللى شرحتها... لو البلوف فيها مشكلة اما حتخلى عجل ورا تقفش مع الفرملة العادية و فى الحالة دى تبقى البلوف مبتقفلش او حتخلى ورا فيش اى فرامل و فى الحالة دى البلوف تبقى معلقة فى وضع القفل و متوصلش ضغط الفرامل
هبوط بدال الفرامل عيب ماستر... هات الماستر الايطالى و انقل الخازنة و البلوف من الماستر القديم
MMamdouh
طب عمليه نقل البلوف والخزنه فيها اى صعوبه او فكره ولا الموضوع سهل ؟
انا كنت عايز افهم ايه العيب الى بيبقى جوه الماستر الى بيخلى الفرامل ضعيفه وبتهرب وخاصة ان مفيش اى تسريب للزيت والزيت عند العلامه من ساعة ما اشتريت العربيه من 6 شهور ؟
الطنابير لو بايظه او متكله ايه اعرضها فى الفرمله ؟
نقل البلوف و الخازنة سهل جدا و انا عملتة قبل كدة فى تعديل فرامل اللانوس
الماستر من جوة بيبقى متاكلز... اما الكاوتش بتاع البستم او جسم الماستر او الاتنين و بالتالى فى مرة من المرات اللى بتوس فيها فرامل الزيت بيهرب بين الكاوتش و الجسم الداخلى للماستر و بالتالى ميديش اى ضغط للفرامل
لو الطنابير بايضة حيبان فيها ريجة بالنظر او باللمس و مع الفرملة على سرعة عالية حتسمع صوت اكن فيه حد بيخبط على الطنابير بخشبة - مش صوت معدنى يعنى - و حتلاحظ تاكل سريع لتيل الفرامل و ضعف فى الفرامل بشكل عام
MMamdouh
مين قال كدة؟؟
الماستر بيجى بالكاوتش و البساتم بتاعتة
MMamdouh
البلوف بتتحكم فى مقدار الضغط اللى رايح للفرامل الخلفية عشان العجل الخلفى ميقفش و العربية تلف منك.. البلوف راكبة على جسم الماستر من برة و ملهاش علاقة بالبستم الداخلى
انا مش عارف انت بتسال عن اى موضوع بالضبط؟؟؟
لو بتسال عن مشكلة الماستر لما كانت عندى: كان عندى نفس شكوتك بالضبط و اشتريت ماستر كامل بالخزنة و البلوف و كان تايوانى ب 275 و المشكلة اتحلت و عبدة هو اللى غيرلى الماستر
لو بتسال على تعديل الفرامل اللى اشتريت فيه الماستر الايطالى: انا جبت الماستر و ركبت عليه الخازنة و البلوف بتوع الماستر القديم و انا عملت الموضوع بنفسى
MMamdouh
الماستر التايوانى اللى جبتة كان للانوس مش نوبيرا و هو مش بكفائة الاصلى ولا الايطالى بس ساعتها مكنش قدامى غيرة
مساتر النوبيرا و اللانوس تركب على بعض... الفرق فى القطر الداخلى
your next question will cost you money
MMamdouh
هو هو
MMamdouh
yes
MMamdouh
استاذ ممدوح انا سئلت على الماستر الماتلى الايطالى عند او الحسن بيقولى مفيش غير الى بيركب للفليشيا فهل هوه برده الى بيركب على النوبيرا انا سئلته قالى بتاع النوبيرا بيختلف فمش عارف اعمل ايه طب اسئل عليه عند بتوع قطع الغيار الايطالى مثلاً ولو سئلت اقولهوم ايه بالظبط يعنى موديل الماستر ايه الى بيركب للنوبيرا ولا ممكن الاقيه عند برده بتوع الكورى
لا طبعا متجيبش بتاع الفليشيا دة خالص
اسال فى دمشق او التوفيقية... اسال على ماستر النوبيرا الايطالى
MMamdouh