الموضوع: انا جبت مولد كهرباء صينى 6 كيلو نوعه gupta 6200 electric

المشاركة الأصلية كتبت بواسطة ابوحبيبة2010

[overline]
انا عارف اخى هو مكتوب عليه 6 كيلو /

لكن الصافى 3 كيلو 1470 سعر كويس جدا
انا شوفت الخرج بتاع المولد واختبرته وهو فعلا 3كيلو صافى

انا واخد الجهاز بضمان سنه اخى بمشاءة الله عزوجل

طب الاسعار اللى حضرتك بتقول علية ده من امتى
[/overline]

هذا الاسبوع ......المشكله فى الملف الداخلى كثير بيتم تصنيعه من الالمنيوم وليس من النحاس

شوف يا صديقى عن تجربتى علشان انا عندى مولدين واحد صينى ماركة لان توب 5 كيلو صافى بقالة تلات سنين والمولد التانى هوندا برافيا 7 كيلو صافى بقالة تلات شهور
المولد ان شاء الله هيشتغل كويس وشغل علية المراوح والنور والتليفزيون بس نصيحة بلاش حكاية التكييف دى ...علشان مش هيستحمل ولو عاوز تشغل التكييف لازم تجيب مولد محترم زى الهوندا
ولازم المولد يتحط فى مكان فى تهوية وبعيد عن البشر علشان العادم السام الى بيطلع منه ممكن يعمل اختناق ويسبب الوفاة لا قدر الله
ممكن تشغل مروحة على المولد بس مش ناحية العادم وهتبقى طريقة كويسة لتبريد المولد لانه بيسخن مع طول فترة الاستعمال
بالنسبة للامان فبردة نصيحة حط المولد فى مكان بعيد عن البشر لان اخويا كان عندة مولد صينى ماركة كوبال 6 كيلو صافى والماتور انفجر واكرر الماتور وليس المولد كلة..... والانفجار كان من مكان الزيت والسبب غير معروف حتى الان وان كان السبب الاغلب زيادة الحمل لانه تبين ان زوجة اخى كانت مشغلة الغسالة الفول اتوماتيك على الماتور
من الاخر يا صديقى عايز تبقى مريح دماغك شفل الانوار والتليفزيون والمراوح زى ما انت عايز ...وبلاش الغسالة والتلاجة والسخان والتكييف لانه الاجهزة دى بتجتاج قدرة عالية فى التشغيل بالاضافة الى ان تيار المولد ليس ثابت وممكن يحرق مواتير الاجهزة دى

افضل نوع صينى تشترية وبناء على تجارب الاخرين وليس تجربتى لوحدى هو المولد الصينى ماركة لان توب
بس المشكلة ان ماركات المولدات الصينى نفسها بقت بتتضرب وبتتقلد هى كمان
ووالله كان نفسى انصحك بمكان تشترى منه مولد صينى كويس بس مفيش حد فى بالى كويس
ريح بالك واشتى مولد هوندا ..... وفى كمان مولد كهرباء اسمه برافا ودة بيكون بماتور هوندا ودينامو ايطالى وخارج الكهرباء بتاعته نمساوى ......... ومحلات تريدكو الصياد هى وكيل هوندا وبرافا فى مصر والمصنع بتاعهم فى العاشر من رمضان ......... لان فى مولدات هوندا ومولدات برافا تجميع مصرى وفى منها تجميع صينى وفى الهوندا اليابانى بس بتكون غالية اوى وخصوصا الى بكاتم صوت ..... الى اسعارها معقولة هى البرافا

ودة موقع برافا ونفس المولدات الى فية موجودة فى مصر brava

ودة موقع مولدات هوندا وبردة الى فى الموقع هو الى موجود فى مصر
Honda Generators: Portable Generator Power for Home, Work, and Play

كماذكر الاخ احمد للاسف اغلب الانواع بتضرب وبينزل منها صينى تجارى يعنى تقليد للماركه ذاتها .......من خلا تجربتى ....ماركة ماركيز ممتازه بمعنى الكلمه بس الاصلى .......مشغلين واحد فى محل كبير 5كيلو كويس جدا .........واشتريت واحد 5 كيلو تايجر احمد داود لمسجد ......حدث ولاحرج بسم الله ماشاء الله طول رمضان انوار المسجد كامله وحوالى 30 مروحه وتلاجتين واضاءات اضافيه وزى الفل ......ودا اللى اشتريته عندى ل 3 شقق مشغلهم تمام مراوح واضاءه وتليفزيونات وكمبيوترات وتلاجات .......يس الصافى 5 كيلو مكتوب عليه 6500 .....لو شقه واحده 2700 كيلو يشغلها كويس تلاجه ومراوح وكله ماعدا التكييف والسخان والدفايه والمكوه .......والمولد فيه امان عند زيادة الحمل بيفصل اتوماتيك ......المهم يكون فى مكان جيد التهويه بالذات فى الصيف