ازاي يا باشا ؟ الصوره دي والعربية عامله ٤٥٠كم بس!!
http://img96.imageshack.us/img96/7146/dsc0572l.jpg
عرض للطباعة
ازاي يا باشا ؟ الصوره دي والعربية عامله ٤٥٠كم بس!!
http://img96.imageshack.us/img96/7146/dsc0572l.jpg
المتوسط كمبيوتر العربية بيحسبه على حسب السرعة اللي انت ماشي بيها، وعلى حسب طريقة السواقة، يعني لو مثلا ماشي على سرعة ٩٠ لمدة حتلاقي الكمبيوتر بيكتبلك متوسط استهلاك من ٥ الى ٦ لتر/١٠٠ ك، والكلام دا من قبل الصيانة.
حاول تطلع بالعربيه بره الزحمه و شوق الاستهلاك كام و اذا حسيت انه لسه عالى روح التوكيل علطول
اللي انا فاهمه ان المتوسط ده بيزيد و بيقل على حسب واقف و لا ماشي و سرعتك و طريقك زحمة و لا لا بس بيزيد او بيقل على فترات و كلما كانت العربية دايرة وواقفة بيزيد اسرع.
يعني مثلا لو العربية دايرة و واقفة في مكانها ما بتتحركش بيبقى كاتب في معدل استهلاك البنزين الوقتي مش المتوسط 30 كم طيب يبقى كلما زادت مدة الوقوف هيزيد المتوسط برده لان المتوسط بيعمل متوسط استهلاكك للبنزين من ساعة ما جبت العربية الا لو صفرته , و كلما ازدادت مدة وقوف السيارة يزداد معها متوسط الاستهلاك الموجود على شاشة العربية.
انما لو حضرتك عايز تحسب متوسط استهلاك البنزين في مشوار زي بتاع المنيا اسيوط فالمفروض تصفر عداد المتوسط اول ما تبدا تتحرك و تشوف على نهاية الرحلة هيبقى كم.
و انا في الاول كان عندي معدل المتوسط 10 و بعدين لقيت كلما اقلل فترة وقوفي و امشي على سرعة و دوسة على البنزين خفيفة يكون معدل الاستهلاك معها قليل بلاقي المتوسط بيقل بس بيقل بحاجات بسيطة على فترات.
لكن على العموم العربية انا شايفها اقتصادية يعني بتعمل معايا 230 كم في 20 لتر تقريبا مع العلم اني بقرص عليها شوية و اني ساكن في المنيا الجديدة و بطلع كل يوم الكوبريي العالي اوي بتاعها و ده بيستهلك بردة متهيالي.. مع العلم اني عامل 3200 كم.
انا مش عارفه انا عندي مشكله ولا ايه؟ انا استهلاك العربيه عالي جدا مقارنه بالي بتقولوه انا احسن متوسط وصلتله كان 10.5 لتر كل 100 كيلو و ده بعد مبدات امشي علي شوارع مفتوحه شويه، انا حاسه ان استهلاك العربيه في الزحمه سئ جدا او مش زي مكنت متوقعه
هو احسن حاجة عشان حضرتك تحسبي معدل الاستهلاك بالظبط انك تفولي العربية و بعدين تمشي بيها ل100 كيلو مثلا و بعدين تفولي تاني و تشوفي استهلاكها بالظبط او تفولي و عند التفويلة اللي بعدها تحسبي العربية مشيت قد ايه و خدت كم لتر.