الموضوع: ايه افضل شاشة بلازما 32 او 42 بوصه حاليا فى السوق ؟؟

المشاركة الأصلية كتبت بواسطة tamerosman

Samsung ...lg ..sony الخ .....الخ كله تقفيل مصرى و ضمان سنة

Panasonic الوحيدة تقفيل ماليزى و ضمان خمس سنين .....

بالنسبة للبﻻزما panasonic نمرة واحد فى العالم ( بتكلم عن البﻻزما بس)

معلش مع احترامى لسعادتك السامسونج لا يجمع فى مصر لسة المصنع بتاعه هيشتغل فى بنى سويف على اخر السنة انما ال جى هى المجمعة فى مصر وانا شاريها تايلاندى 51 بوصة من كارفور ب 4000 جنيه من شهر ونص بس full hd صورة خرافية وانا كان عندى فكرة قديمة عن البلازما انها تكنولوجيا قديمة وبتسخن وعمر افتراضى قصير ولذلك انا اشتريت ال سى دى من سنتين لكن كل الكلام ده اتغير تماما مع تغيير تكنولوجيا التصنيع اصبحت درجة التباين اعلى من 1 الى 5 مليون وعمر افتراضى 120 الف ساعة وخفيفة جدا ومافيش اى حرارة بتطلع منها على الاطلاق ودرجة وضوح رهيبة اعلى من led وعلى فكرة انا كنت ناوى اشترى اصلا led لكن لما شفت البلازما لقيتها احسن بكتير والاجمل بقى سرعة الاستجابة فى سامسونج اعلى لانها تردد 800 هيرتز وده اعلى حاجة سعادتك وال جى 600 هيرتز
ثانيا سامسونج معروف انها الشاشة رقم واحد فى العالم ومكتوب عليها اصلا كدة موش دعاية ده راى الخبراء نظرا للتكنولوجيا المتقدمة عن باقى الانواع الاخرى لدرجة انه شركة سونى الان هتشترى منهم بعض الاجزاء علشان تحطها فى شاشتها
بصراحة الفرق بينها وبين ال سى دى زى المرسيدس وال 128 فيات
تقبل تحياتى

Samsung Is World’s No.1 TV Brand (LCD, Plasma, 3D & Overall): Report

بدون الدخول فى اى تفاصيل او اى اراء لان كل واحد حاجته هى الافضل ...
سامسونج هو اكبر صانع/مطور شاشات فى العالم ........
و كمعلومه سونى كل شاشاتها سامسونج !! مثل كل منتجات ابل من ايفون/اباد شاشات سامسونج ...
تحياتى ...

المشاركة الأصلية كتبت بواسطة AlGazar2

بص يا باشا لو مش هتشغل البلازما على كمبيوتر و القنوات معليهاش تترات كتير يبقى البلازما هاتبقى حلوه

شوفت فى اسبينيس من فتره عرض على الشاشات و كان فى حاجات ب 2500 32 بوصه ال جى او سونى

عموما يا باشا السونى lcd انضف من ال جى بلازما و جايب واحده 42 بوصه بس كانت ب 5000 شوفتها فى كارفور و الريسبوند و الكونستراكشن بتاعها كان عالى و امكانياتها حلوه و صورتها فى الافلام اكتر من ممتازه و خصوصا فى الافلام الى الاضاءه بتاعتها غامقه و اماكن التصوير سوداء عشان الصناعه بتاعتها نضيفه و ده بيفرق من شاشه للتانيه و الصوره حتى مع الافلام العاديه مش ال hd بتبقى كويسه حتى لو العرض من اللاب او من فلاشه - بس عيبها مبتشغلش كل الصيغ avi بس تقريبا و ال rmvb لا
بس عرض و صوت جميله جدا

بصراحه ارشحلك حاجة سونى

باشا انا مرشحش السونى خالص دلوقتى بصراحة
انا لسة جايب واحدة سونى led 32 وعايز اقولك ان صورتها زبالة جنب ال جى lcd نفس المقاس
سونى راحت عليها تماما فى التليفزيونات واسعارها وحشة جدا جدا مقارنة بسام وال جى

بالنسبة لصاحب الموضوع
انا عندى ال جى بلازما 50 بوصة
وانصحك ببلازما يبقى ال جى مش سامسونج حتى
واسعاها معقولة جدا
بس لازم تعرف ان البلازما لية محافظة علشان الشاشة ميحصلش فيها حرق بسبب اللوجوهات والتترات السفلية والمحافظة بتبقى انك اول 100 ساعة استخدام للتليفزيون متشغلش علية اى قناة فيها لوجو ثابت (مفيش غير ال mbc max اللى لوجوها متحرك ومفيهاش تتر سفلى )
وبعد ال 100 ساعة مفيش مشكلة بس قبل ما تقفل التليفزيون تحطة على مود ال color wash ساعة او اتنين (ممكن تعمل زى تظبط ال sleep time على ساعة او اتنين ) وتشغل الكلور واش وتدخل تنام وهوة حيقفل لوحدة
لكن البلازما كشاشة اعلى كتير جدااااااااااااااااااااا من ال اى دى وال سى دى
تحياتى

المشاركة الأصلية كتبت بواسطة Batman372

بدون الدخول فى اى تفاصيل او اى اراء لان كل واحد حاجته هى الافضل ...
سامسونج هو اكبر صانع/مطور شاشات فى العالم ........
و كمعلومه سونى كل شاشاتها سامسونج !! مثل كل منتجات ابل من ايفون/اباد شاشات سامسونج ...
تحياتى ...

الكلام دة مش مظبوط
ابل شاشاتها ال جى ips