ايه افضل شاشة بلازما 32 او 42 بوصه حاليا فى السوق ؟؟

**Rsarabia** · 28-02-2013 06:31 PM

بلاش بلازما بتعجز مع الوقت
و نصيحة متشتريش LCD
هات Samsung LED بلاش LG
Series 5 مثلا 32 بوصة مش هتبقى غالية خالص

صاحبى لسه شارى ال Samsung series 6 40UAD6600
40 بوصة بحوالى 7 الاف
ثرى دى و ليد و built in wireless و براوزر

لو كل دا مش لازم هات الجيل الخامس هتبقى تحفة بردو و هتبقى ارخص بكتييير

**Batman372** · 28-02-2013 06:51 PM

المشاركة الأصلية كتبت بواسطة mido_soliman

الكلام دة مش مظبوط
ابل شاشاتها ال جى ips

حضرتك راجع معلوماتك جيدا ...

- IPS تكنولوجى من ال جى ... يقابلها و يتفوق عليها PLS من سامسونج خصوصا فى شاشات الرتينا RETINA DISPLAY ...

- ابل تتعاون فى الشاشات مع سامسونج/ال جى / شارب ... لكن اغلب شاشاتها سامسونج و مؤخرا نظرا للمشاكل و القضايا الى بينهم تتعاون اكثر مع ال جى lg و كذلك شارب SHARP... لكن الماك بوك بروMACBOOK PRO الرتينا retina الجديده 2012 كل شاشات lg وجد بها عيوب/مشاكل IMAGE RETENTION & GHOSTING ... و لكن شاشات سامسونج ليس بها هذا العيب .... كذلك شاشات ال جى/شارب فشلت فى اختبارات ابل للجوده فى للسوق الامريكى ...
The Retina display featured in the new iPad will come from Samsung, rather than competitors Sharp or LG, reports Bloomberg. According to IHS iSuppli’s Vinita Jakhanwal, the other manufacturers couldn’t meet Apple’s quality control demands.

المصادر :
Samsung Supplies Apple With Touch Screen for New IPad - Bloomberg

Apple hands iPad screen contract to rival Samsung • The Register

The iPads Retina Display is Made by Samsung

تحياتى ...

**hossam_elwani** · 28-02-2013 07:10 PM

المشاركة الأصلية كتبت بواسطة lonedoctor

معلش مع احترامى لسعادتك السامسونج لا يجمع فى مصر لسة المصنع بتاعه هيشتغل فى بنى سويف على اخر السنة انما ال جى هى المجمعة فى مصر وانا شاريها تايلاندى 51 بوصة من كارفور ب 4000 جنيه من شهر ونص بس full hd صورة خرافية وانا كان عندى فكرة قديمة عن البلازما انها تكنولوجيا قديمة وبتسخن وعمر افتراضى قصير ولذلك انا اشتريت ال سى دى من سنتين لكن كل الكلام ده اتغير تماما مع تغيير تكنولوجيا التصنيع اصبحت درجة التباين اعلى من 1 الى 5 مليون وعمر افتراضى 120 الف ساعة وخفيفة جدا ومافيش اى حرارة بتطلع منها على الاطلاق ودرجة وضوح رهيبة اعلى من led وعلى فكرة انا كنت ناوى اشترى اصلا led لكن لما شفت البلازما لقيتها احسن بكتير والاجمل بقى سرعة الاستجابة فى سامسونج اعلى لانها تردد 800 هيرتز وده اعلى حاجة سعادتك وال جى 600 هيرتز
ثانيا سامسونج معروف انها الشاشة رقم واحد فى العالم ومكتوب عليها اصلا كدة موش دعاية ده راى الخبراء نظرا للتكنولوجيا المتقدمة عن باقى الانواع الاخرى لدرجة انه شركة سونى الان هتشترى منهم بعض الاجزاء علشان تحطها فى شاشتها
بصراحة الفرق بينها وبين ال سى دى زى المرسيدس وال 128 فيات
تقبل تحياتى

احسنت هو ده خلاصة الكلام بعد تجارب على مدار 3 سنوات من انتشار الشاشات دى فى مصر الدنيا اتغيرت فعلا المقاييس اختلفت

**hossam_elwani** · 28-02-2013 07:12 PM

المشاركة الأصلية كتبت بواسطة tamerosman

samsung ...lg ..sony الخ .....الخ كله تقفيل مصرى و ضمان سنة

panasonic الوحيدة تقفيل ماليزى و ضمان خمس سنين .....

بالنسبة للبﻻزما panasonic نمرة واحد فى العالم ( بتكلم عن البﻻزما بس)

طيب اى موديل بالتحديد بترشحه فى ظل مبلغ 2500 جنيه

**hossam_elwani** · 28-02-2013 07:18 PM

المشاركة الأصلية كتبت بواسطة Rsarabia

بلاش بلازما بتعجز مع الوقت
و نصيحة متشتريش LCD
هات Samsung LED بلاش LG
Series 5 مثلا 32 بوصة مش هتبقى غالية خالص

صاحبى لسه شارى ال Samsung series 6 40UAD6600
40 بوصة بحوالى 7 الاف
ثرى دى و ليد و built in wireless و براوزر

لو كل دا مش لازم هات الجيل الخامس هتبقى تحفة بردو و هتبقى ارخص بكتييير

موضوع انها تعجز كان زمان التكنولجى فى تصنيع البلازما اتغيرت عن الاول

وحقولك حاجه اغلب القهاوى بتجيب البلازما مش عشان حاجه الا عشان سعرها ارخص كتير فى المقاسات الكبيره ودايما اشوفها بعد مرور الوقت بنفس الجوده فى الالون والنقاء وانت عارف بقه القهاوى بتشغل التلفزيونات كام ساعه فى اليوم..... ياراجل ده انا الشاشه الى عندى LCD هيا الى عجزت

**hossam_elwani** · 28-02-2013 07:28 PM

المشاركة الأصلية كتبت بواسطة mido_soliman

باشا انا مرشحش السونى خالص دلوقتى بصراحة
انا لسة جايب واحدة سونى led 32 وعايز اقولك ان صورتها زبالة جنب ال جى lcd نفس المقاس
سونى راحت عليها تماما فى التليفزيونات واسعارها وحشة جدا جدا مقارنة بسام وال جى

بالنسبة لصاحب الموضوع
انا عندى ال جى بلازما 50 بوصة
وانصحك ببلازما يبقى ال جى مش سامسونج حتى
واسعاها معقولة جدا
بس لازم تعرف ان البلازما لية محافظة علشان الشاشة ميحصلش فيها حرق بسبب اللوجوهات والتترات السفلية والمحافظة بتبقى انك اول 100 ساعة استخدام للتليفزيون متشغلش علية اى قناة فيها لوجو ثابت (مفيش غير ال mbc max اللى لوجوها متحرك ومفيهاش تتر سفلى )
وبعد ال 100 ساعة مفيش مشكلة بس قبل ما تقفل التليفزيون تحطة على مود ال color wash ساعة او اتنين (ممكن تعمل زى تظبط ال sleep time على ساعة او اتنين ) وتشغل الكلور واش وتدخل تنام وهوة حيقفل لوحدة
لكن البلازما كشاشة اعلى كتير جدااااااااااااااااااااا من ال اى دى وال سى دى
تحياتى

عشان كده اغلب القنوات عملت اللوجو متحرك ؟؟

**tamerosman** · 28-02-2013 07:43 PM

المشاركة الأصلية كتبت بواسطة hossam_elwani

طيب اى موديل بالتحديد بترشحه فى ظل مبلغ 2500 جنيه

panasonic th42m30x
بلازما ٤٢ بوصة
made in thailand ..sd card + 2 usb

بيتركب لها wifi adaptor و تخش علي الفيس بوك ...فيس بوك بس مش بزوزر

ايام ماجيت اشتريها كان كل samsung ..lg ..sony تقفيل مصري و لما تبق في ضهر الشاسة تلاقي شكل التقفيل بتاعهم مش حلو

كانت من حوالي سنة و اكتز من كارفور بحوالي ٣٤٠٠ و كانت اغلي من السامسونج بحاجة بسيطة ايامها
الباناسونك الوحيد الي ضمانة ٥ سنين موسسة بغداد

**mikho83** · 28-02-2013 08:07 PM

يا جماعة مش عايزين نبعد عن الموضوع الأصلي بتاع الراجل، هو عايز حاجة في رينج 2500 جنيه. وانا كمااااان زيه. ايه بقى؟

**lonedoctor** · 28-02-2013 08:46 PM

ما هى البلازما حلاوتها انها تكون كبيرة بصراحة حاجة جامدة جدا و لا احبذ ان تقل عن 42 بوصة فالافضل انتظر لما تكمل ثمنها وبلاش تتسرع

**aw2100** · 28-02-2013 09:29 PM

محدش سئل نفسة لية الشاشات البلازما سعرها نزل قوى كده؟؟؟
علشان الشاشات دى ستوكات فى المصانع بتخلص منها علشان مافيش ليها اى قطع غيار عندهم علشان كده بيخفضوا اسعارها وطبعا الزبون بيفرح بالتخفيضات ويلبس اسود بعد كده فى اى عطل مفاجئ نتيجة سوء استخدام او عيب تصنيع وخللى بالك ان الضمان بتاعها مزيف بمعنى انا ليا 2 صحابى عطلت الشاشات دى عندهم بعد سنة الضمان واحدة سامسونج والتانية lg وطبعا مالقوش قطع غيار فى التوكيل واتقللهم كدة واترمت الشاشتين انصحك بشراء شاشات led اى نوع بس ابعد عن البلازما ملهاش لازمة!!!!