الموضوع: صورتين من كونتاكت .. والعجب في تسعير المصريين لعربياتهم

هقولك على حاجة
الـ 20 الف الفرق بالنسبة للـ 200 الف

زي ما تقول مثلا عربية بـ 25 واختها بـ 27 ( بنفس النسبة ، وزي ما مفيش فرق بين الـ 25 و الـ 27 والاتنين محتمل معاهم فصال ، برضه مفيش فرق بين 250 و 270 اوى )

اعتقد اللى بيجيب عربية بأكتر من 200 الف المفروض يبصلها كدة

حاجة كمان ، عربية مثلا اوكتافيا الاليجانس بتزيد عن اول فئة في الزيرو يمكن 50 الف او اكتر
وطبعا في المستعمل ماحدش بيفهم في الكلام ده فتلاقى واحد عارض عربية بـ 100 والتانى بـ 130 فتقول ايه ده ، وده للاسف اللى مخلى الفئات العالية سوقها واقع في المستعمل ..


مش معنى كدة ان مفيش استهبال ، لا فيه و فيه كتير اوى

ممكن تلاقى واحد عارض عربيته فيرنا فاضية 2007 بـ 50 الف مثلا وواحد عارض واحدة كاملة ب47 وكائن خزعبلى تالت معاه نفس العربية عارضها بـ 58 مثلا !

سوق بقى والشاطر اللى يغلب سواء في الشراء او في البيع ..

اللى يزعل واللى حرام مفيش كلام هو النصب والخم في حالة العربية وتلبيس العربية للزبون