سعر طقم بلى الكاتينه للنوبيرا الجى ام 490 جنيه

**road_devil** · 29-05-2013 12:39 PM

المشاركة الأصلية كتبت بواسطة blazer

اصلا انا مشفتش اى حاجه مكتوب عليها made in usa للدايو

وغير كدا فعلا البلى فى العربيات بيبقى كتير منه اوى بايظ

سؤال كمان
المفترض البلى بتاع الكاتينة يتغير كل 40 الف مع السير ولا يتغير كل 80 الف ؟

على فكرة ده نفس التعليق الي قولتهوله وقتها راح قايلي الشداد الاصلي بيبقى made in usa! طبعا أنا مكنتش مقتنع بس مجاش قي دماغي أن ديه عواقب الأمور وعلى فكرة ساعتها العربية كانت عاملة 43000 الف كيلو تقريبا والميكانيكي بتاعي نصحني وقالي ديه بلية الفابريكة خليها شوية مش لازم تعمل سرفيس الكاتينة دلوقتي لأن الأصلية بتستحمل شوية وأنا قولتله لأ نغيرها أحسن :)
بالنسبة لحكاية 40 ولا 80 ألف, أكيد بمنظر قطع الغيار المضروبة الي في السوق ديه أنك تسيب البلية 80 ألف كيلو فده انتحااااااااار للعربية :) أنا بقولك البلية فرطت مني بعد 15 ألف وأخونا Al gazar2 فرطت منه على 30 ألف. نصيحة: متسترخصش ومتستخسرش علشان الوقفة جنب العربية في الشارع وهي عطلانة مش حلوة :)

**truss** · 29-05-2013 02:13 PM

البلى الاصلى على ما افتكر بيكون made in canda
البلى مفيش ليه فى الكتالوج ميعاد للتغيير بس بنغيره خوفاً من اضراره و اعتقد لو البلية اصلية ممكن تقعد 80000 كم

**elnakshabandy** · 29-05-2013 04:49 PM

المشاركة الأصلية كتبت بواسطة lanos2004

يبقه عيب فى الى ركب سير الكاتينه -خلاه مرخى كان لازم يرجلش من طلمبه الميه
شوف لو السير مرخى فى دوسه بنزين اونقله ممكن السير يفوت وتحصل مشكله الصبابات

ازاى يرجلش من طرمبه المياه هى اللى بيتحرك الشداد ولا طرمبه المياه
قصدى يعنى اللى فيه خلوص

**road_devil** · 29-05-2013 05:53 PM

المشاركة الأصلية كتبت بواسطة elnakshabandy

ازاى يرجلش من طرمبه المياه هى اللى بيتحرك الشداد ولا طرمبه المياه
قصدى يعنى اللى فيه خلوص

طرمبة المياه هي الي الميكانيكي بيتحكم بيها في شدة السير. ترس الطرمبة الي بيلف عليه السير مش بيبقى فى منتصف الطرمبة وبيبقى مطرف شوية وعن طريق لف (ربط) الطرمبة, الميكانيكي بيتحكم قي شدة السير. أنا هحطلك صورتها علشان تتخيلها: