انا سالت النهارده عند ابو الحسن على سعر طقم البلى للكاتينه الثابته و المتحركه لقيته بيقول !!!! 490 جنيه:120146b ايه الحكايه هو السعر كده ولا ايه الموضوع
و هل ضرورى يتغير مع السيور ولا اطنش و هل فى بديل كويس
عرض للطباعة
انا سالت النهارده عند ابو الحسن على سعر طقم البلى للكاتينه الثابته و المتحركه لقيته بيقول !!!! 490 جنيه:120146b ايه الحكايه هو السعر كده ولا ايه الموضوع
و هل ضرورى يتغير مع السيور ولا اطنش و هل فى بديل كويس
انا جايبهم قبل رمضان الى فات ب 330 تقريبا من المنير و البليه الكندى مش الكورى
روح المنير اسأل عليهم او انزل عند اولاد البنا فى التوفيقيه او عزيز سليمان
لكن 490 كتير جدا جدا على البليتين مش بتوع ميجان هما ولا عربيه جديده
دول GM ولا جيتس؟
MMamdouh
طيب هو فى بديل كويس يا أ/ ممدوح
اشترى الشداد Gates و البلية SKF
اصلا الشداد الGM بيبقى gates و انتاج كندى برضة و اعتقد البلية الGM بتبقى SKF برضة
MMamdouh
اسال فى المنير فى شارع فيصل على سعرهم الاول
انا لسه شاريهم من عند البنا فى التوفيقيه ب 280 جنيه لو عايز اصورهملك ممكن انا لسه ما ركبتهومش
Sent from my GT-N7100 using Forum Runner
الاصلى فيه منه مضروب هات الكورى الى فى علبه خضرا وعليه علامه الايزو 150 جنيه البليه والشداد وغيرهم مع كل غيار سير وخلاص انا بعمل كدة
على كده اللى انا جبتهم ب 280 جنيه دول مضروبين و الناس قعدت تقول البنا عندو الاصلى و لو ما عندوش هيقول مافيش
Sent from my GT-N7100 using Forum Runner
لسه سائل حالاعند واحج اسمه مكه الى فى شارع السودان قالى ب 325 جى ام و البليه المتحركه الى مكتوب عليها كندا
مش عارف بس البليه مكتوب عليها انها كورى و تقريبا gm مش متاكد بس هيه موجوده فى الجراج مع طقم الصبابات الى باظ ابقى اشوفها و اتاكد - بس متاكد من الى عملى الشغل لانه جاب حاجات كويسه و الدليل ان العربيه مستحملانى بقالها 3 سنين اهى حرق و شد و نرفزه و كل حاجة يعنى - بس البليه معرفش حظى كان وحش فيها ليه و حظ العربيه دى معايا انا و الحاج وحش ليه فى الكاتينه
هوة فعلا فيه بليه كاتينه فى السوق -سيئه جدا وممكن تكسر فى اى وقت
بس فيه بليه كورى برضه كويسه وتمنها 75 جنيه--الرديئه تمنها 55 او 60---واصلا شكلها واضح انها ضعيفه فعلا جدا
لا الى كانت راكبه كانت صناعتها محترمه و شكلها حتى بعد ما اتكسرت صناعه كويسه مش تحت بير السلم
بس بصراحه 100 ولا 200 زياده احسن من 2000 جنيه تكلفه بتاعه صبابات النوبيرا بالخرط بالحبشتكنات دى
مع العلم انى صرفت 2700 جنيه فى حوار قطع سير الكاتينه و بعد كده استغبيت نفسى جدا لان كان ممكن اسقط مكنه باقل من المبلغ ده
الجى ام ب 280 فى اى مجل وفى التوكيل باكتر من 400 ! مش عارف ليه يعنى
الفترة الاخيرة دى الاسعار ولعت
بلية كاتينة اللانوس الاصلية من فترة قريبة جداً كانت بـ 180 جنيه , دلوقت بقدرة قادر بقت ب 285 جنيه
امال الناس بتركب كوري ليه!!!ماهي قطع الغيار عالية بردوا!!وبنفس سعر الاوروبي والياباني
مزاج ايه ياباشا!!ماتركب حاجة اوروبي محترمة..زي الفيكترا وﻻا الالفاروميو!!ولا فورد مونديو..قطع غيار عربياتنا الالفا زى اللانوس تقريبااا!!مع فرق الركوبة والثبات..لو قعدت في عربية الفا..مش هاتركب اللانوس تاني اصلا !
انا لقيتهم عند المنير ب 275 جنيه بس حاسس انهم مضروبين سالت ابو الحسن عن الجيتس لاقتهم عنده ب 375 جنيه
أنا عارف أن الموضوع قديم والنقاش متوقف فيه بقاله أكتر من شهر بس أنا لسه شايفه وحبيت أحذر الناس من حاجة مهمة: بلاااااااش المنير يا جماعة في حكاية طقم البلي ده . أنا من حوالي سنة ونص أو أكتر شوية جبت من عنده البليتين الثابتة والمتحركة وبايعهملي على أنهم أصليين!. والثابتة فرطت بعد 15000 كيلو تقريبا والسير مقطعش بس العربية جابت صبابات وقتها واتكلفت تصليح تقريبا نفس التكلفة الي ذكرها أخونا elGazar 2 ومن ساعتها بطلت أجيب من المنير الحاجات المؤثرة زي كده. أخري بجيب من عنده قربة مياه أو بوجيهات أو مساحات. غير كده شكرا. وديه صور الحاجات المضروبة الي كنت جايبها من عنده:
http://imageshack.us/a/img842/8383/13112010450.th.jpg
http://imageshack.us/a/img703/1051/13112010451.th.jpg
http://imageshack.us/a/img21/3760/13112010452k.th.jpg
http://imageshack.us/a/img594/323/13112010453.th.jpg
http://imageshack.us/a/img853/9790/13112010454.th.jpg
http://imageshack.us/a/img24/2797/13112010455.th.jpg
http://imageshack.us/a/img713/9624/13112010456.th.jpg
على فكرة أنا كنت مغير طقم الكاتينة ده عند محمد عبده الي هو مفترض انه بيفهم علشان محدش يقولي جايز روحت لميكانيكي نص كم وشدلك على السير شوية فده قصر عمر البلية. أنا بعد الموضوع ده لما حصل كنت نقلت العربية بونش عند ميكانيكي معرفة وقالي اشتري الحاجات المهمة الي زي كده من التوكيل أحسن. وروحت للتوكيل (الكويت والبلاد العربية في التحرير) علشان أشتري الحاجة الي محتاجها العربية رفضوا يبيعو الحاجة ليا وقالولي لازم تجيبلنا العربية نركب الحاجات ديه عندنا!! قولتله أزاي والعربية واقفة عطلانة وجايبة بلية وطقم صبابات! قالي ملناش دعوة وحاجة أخر قلة أدب!! ثم أنا مكنتش عاوز أعمل الحاجات ديه في التوكيل باسعار مصناعيتهم الفلكية. المهم خرجت وأنا نفسي أشتمهم وعديت على الناحية التانية ودخلت شارع المرور وجبت الحاجات ديه من عند ابو الحسن بس هو فعلا اسعاره غالية لأني لقيت الحاجات ديه سعرها نفس سعر التوكيل! وديه صور طقم البلي الي جبته من عند ابو الحسن:
http://imageshack.us/a/img17/3589/22102011747.th.jpg
http://imageshack.us/a/img836/8666/22102011746.th.jpg
http://imageshack.us/a/img849/9648/22102011745.th.jpg
http://imageshack.us/a/img189/5220/22102011744.th.jpg
http://imageshack.us/a/img12/7617/22102011740.th.jpg
http://imageshack.us/a/img7/1219/22102011739.th.jpg
http://imageshack.us/a/img10/3043/22102011738.th.jpg
http://imageshack.us/a/img96/729/22102011737.th.jpg
http://imageshack.us/a/img822/2729/22102011736.th.jpg
أنا حبيت بس اشاركم بتجربتي علشان محدش يلبس في الحيطة زي ما حصل معايا علشان لقيت فيه ناس بينصحوا بشراء طقم الكاتينة من عند المنير. ونصيحة لوجه الله لو تعرف تجيب طقم البلي من التوكيل هاته ومتستخسرش لأن الزيادة الي هتدفعها عن بره مش هتساوي نص تمن الونش الي هينقلك عربيتك لو حصل فيها حاجة واسال مجرب. وربنا يكفيكم شر قطع الغيار المضروبة :36_7_4[1]:
اصلا انا مشفتش اى حاجه مكتوب عليها made in usa للدايو
وغير كدا فعلا البلى فى العربيات بيبقى كتير منه اوى بايظ
سؤال كمان
المفترض البلى بتاع الكاتينة يتغير كل 40 الف مع السير ولا يتغير كل 80 الف ؟
على فكرة ده نفس التعليق الي قولتهوله وقتها راح قايلي الشداد الاصلي بيبقى made in usa! طبعا أنا مكنتش مقتنع بس مجاش قي دماغي أن ديه عواقب الأمور وعلى فكرة ساعتها العربية كانت عاملة 43000 الف كيلو تقريبا والميكانيكي بتاعي نصحني وقالي ديه بلية الفابريكة خليها شوية مش لازم تعمل سرفيس الكاتينة دلوقتي لأن الأصلية بتستحمل شوية وأنا قولتله لأ نغيرها أحسن :)
بالنسبة لحكاية 40 ولا 80 ألف, أكيد بمنظر قطع الغيار المضروبة الي في السوق ديه أنك تسيب البلية 80 ألف كيلو فده انتحااااااااار للعربية :) أنا بقولك البلية فرطت مني بعد 15 ألف وأخونا Al gazar2 فرطت منه على 30 ألف. نصيحة: متسترخصش ومتستخسرش علشان الوقفة جنب العربية في الشارع وهي عطلانة مش حلوة :)
البلى الاصلى على ما افتكر بيكون made in canda
البلى مفيش ليه فى الكتالوج ميعاد للتغيير بس بنغيره خوفاً من اضراره و اعتقد لو البلية اصلية ممكن تقعد 80000 كم
طرمبة المياه هي الي الميكانيكي بيتحكم بيها في شدة السير. ترس الطرمبة الي بيلف عليه السير مش بيبقى فى منتصف الطرمبة وبيبقى مطرف شوية وعن طريق لف (ربط) الطرمبة, الميكانيكي بيتحكم قي شدة السير. أنا هحطلك صورتها علشان تتخيلها:
http://img.hisupplier.com/var/userIm..._6_AVEO__s.jpg