تكييف الجين 2

**amrrageb** · 28-02-2013 02:53 PM

يجماعة انا فى الجين تو بكون قافل التكييف ومشغل المروحة فقط ووالف البكرة بتاعة الحرار من غير ما اشغل التكييف يخرج هوا سخن لو على 32 وهوا بارد لو على 18 ها دا عادى ولا اية انا مش فاهم

**tamerosman** · 28-02-2013 08:39 PM

المشاركة الأصلية كتبت بواسطة amrrageb

يجماعة انا فى الجين تو بكون قافل التكييف ومشغل المروحة فقط ووالف البكرة بتاعة الحرار من غير ما اشغل التكييف يخرج هوا سخن لو على 32 وهوا بارد لو على 18 ها دا عادى ولا اية انا مش فاهم

عادي زي اي عربيه بس في الجين ٢ بتلاقي درجات حرارة علي البكرة بدل ازرق و احمر ...يعني علي ٣٢ كانك لفيت البكرة ناحية الاحمر في عربية تانيه

**أبومعاذ** · 01-03-2013 03:59 PM

انا عندي نفس الموضوع و زيك برضو مش فاهم ازاي يبقى التكييف مقفول الثيرموستات شغالة

**أبومعاذ** · 01-03-2013 09:07 PM

المشاركة الأصلية كتبت بواسطة d . A .\ ayman

لما بتجيب البكرة على السخن وتشغل المروحة ... بتجيب هواء سخن لأن الهواء بيعدي على مياه الردياتير الساخنة قبل ما يدخل على المقصورة

يعني في حالة السخن مش بتحتاج تشغل الكومبريسور ... يكفي بس الهواء يعدي على حرارة الموتور الساخن

لكن لما بتجيبه على الوضع البارد برضه مش بيشغل الكومبريسور إلا لما تدوس على الزرار التكييف ... لكن غير كدة بيجيب هواء من الهواء الخارجي العادي

احنا بقى عندنا البكرة بتاعة درجة الحرارة بتتحكم في الحرارة حتى و زرار التكييف مش شغال :)

**gadieb** · 03-03-2013 12:49 PM

التكييف السخن بيشتغل بمجرد تشغيل المروحه طالما جايب الحراره على 32 او 30
ولو جايب درجه الحراره اقل من كده 16-18 مثلا فبيجيب هواء من خارج السياره دون تشغيل الهيتر ولا كمبريسور التكييف
طبعا على شان تشغل الكمبريسور تدوس على الزرار الى فى النصف وطبعا هتحس انه شغال ولا لا فى سحب العربيه وصوتها واحيانا الار بى ام حسب حاله عربيتك
ارجوا ان اكون قد افادتك

**amrrageb** · 03-03-2013 02:11 PM

تمام كدة بس انا حاسس ان التكييف مش قد كدة مش عارف اقيمة ازاى

**gadieb** · 03-03-2013 02:18 PM

تقييم التكييف بيكون فى الصيف عادتاً بتشغله فى الجو الحر وبتشوف هايفصل بعد قد ايه
فى بدايه التشغيل (لو الجو حر ) ممكن يفصل بعد 10-15 دقيقه وبعد كده المفروض كل 5-10 دقيقه حد اقصى
طبعا بالاضافه لاحساسك ببروده الهوا الى خارج من الفتحات
لو الواقع عكس الى بقولك عليه انصحك بمركز خدمه متخصص فى التكييفات لان الحوار ده كبير وفيه اسباب كتير -شحن وفلتر وكباس الخ الخ

**amrrageb** · 03-03-2013 11:25 PM

المشاركة الأصلية كتبت بواسطة gadieb

تقييم التكييف بيكون فى الصيف عادتاً بتشغله فى الجو الحر وبتشوف هايفصل بعد قد ايه
فى بدايه التشغيل (لو الجو حر ) ممكن يفصل بعد 10-15 دقيقه وبعد كده المفروض كل 5-10 دقيقه حد اقصى
طبعا بالاضافه لاحساسك ببروده الهوا الى خارج من الفتحات
لو الواقع عكس الى بقولك عليه انصحك بمركز خدمه متخصص فى التكييفات لان الحوار ده كبير وفيه اسباب كتير -شحن وفلتر وكباس الخ الخ

مشكوووووووووووووور هجرب تانى وهبلغكو