دايو نوبيرا موديل 2006 كامله مانيوال فابريكه بره وجوه وماشية 120 الف رخصة 10 شهور وصاحبها طالب 56 الف ايه رئيكم اه نسيت اقولكم فيها جزء بسيط من الدوران بتاع الرفرف مرشوش
ارجوا انكم تفيدونى
عرض للطباعة
دايو نوبيرا موديل 2006 كامله مانيوال فابريكه بره وجوه وماشية 120 الف رخصة 10 شهور وصاحبها طالب 56 الف ايه رئيكم اه نسيت اقولكم فيها جزء بسيط من الدوران بتاع الرفرف مرشوش
ارجوا انكم تفيدونى
طبعا كتير اوى .... و كم كتير ...
اسعار السوق فى حدود 45 الف +/- 5 الاف حسب الحاله العامه ...
شكراً للرد م / صفوت ولو حضرتك الحاله ممتازه يبقى العربيه كده تساوى 50 ولا اقل
ما هى الفكره منين حاله ممتازه و عامله 120 الف كم ؟؟؟
حضرتك اتكلم فى 45 الف ... ثم اكشف عليها كويس جدا لان بالتأكيد حتلاقى فيها حاجات داخله على التغيير ... يعن مثلا لو 4 فرد كاوتش جداد ب 1600 ... ممكن طنابير / سيور / مساعدين / عافشه .... ايه اخبار التكييف ؟؟ .... و هكذا ...
تحياتى ...
م/ صفوت هى العربيه بتاعت واحد صاحبى وانا عارف حالتها وهو كل 4 شهور تقريبا بيعملها صيانه بس المشكله انه كثير السفر عشان كده العربيه عامله 120 الف فانت راى حضرتك ايه ممكن اخلصها معاه على كام
شكراً لاهتمامك
برده فى حدود 45 الف :) لكن اهم حاجه الكشف ...
لان الحاله الجيده + كم عالى = حاله متوسطه + كم معقول
و لا حظ ان الكم ده شىء مهم و اساسى خصوصا انها فقط من 6 سنوات ... يعنى ممكن جدا بعد 10/20 الف كم تلاقى نفسك محتاج على اقله 10 الاف جم (ده لو مش اكتر) للمحافظه عليها ...
تحياتى ...
بعد التحيه ...
لو تراجع المداخلات حتلاقى انى قايل 45 +/- 5 الاف ... يعنى ممكن توصل 50 شرط الحاله ..... لكن من الصعب تكون ممتازه و هى عامله 120 الف !!!
و نصحت بالكشف الجيد جدا قبل الشراء ... لو كله تماما يبقى يتوكل على الله ... و لو طلع فيه حاجات داخله على التغيير يتم عمل حسابها وقت التفاهم فى السعر ...
و كحالات انا عربيتى صنى 2007 و عامله 57 الف + سى 2009 و عامله 21 الف ... و عربيات كتير فى السوق عامله كده ...
و بالبحث فى قسم البيع/الشراء حتلاقى انه كان معروض نوبيرا مو 2007 عامله 38 الف كم و صاحبها طالب 60 الف !!! و لم يسلم من تعليقات الاعضاء لان المعقول لها 55 الف جم ... يبقى مو 2005 و 120 كم بكام ؟؟؟؟؟
و فى النهايه كله عرض و طلب و الحكم الحاله و السوق ....
تحياتى ...
برجاء مراجعه المواضيع التاليه للوصول للتسعير الواقعى :
-2004/ 69 الف كم - مطلوب 53 ...
http://www.nilemotors.net/Nile/337383-2005.html
- 2008/ 50 الف كم - مطلوب 54 ...
http://www.nilemotors.net/Nile/300220-2008.html
- 2004 - مطلوب 45 ...
http://www.nilemotors.net/Nile/267103-2004.html
شكرا لك على مداخلتك ... لكن حضرتك كان من الافضل افاده صاحب الموضوع و ان تقول رأيك و تسعيرك خصوصا انك من توقيعك معك 2 نوبيرا ...
كما ارجو مراجه جيدا اسعار السوق و حالته و حتلاقى ان عربيات كتيره عامله 60/70 الف كم و اصحابها واقعيون و بيطلبوا اول كلام 53/54 الف جم .... يعنى يخلصوا وقت الجد على 50 مستريح جدا ... تفتكر الى عامله 120 الف كم يبقى انا ظالمها ب 45 الف جم ؟؟؟
تحياتى ...
انت راجل محترم
بس يا باشا
مش اي حد كاتب حاجة في اعلان و من غير صور يبقي عربية نضيفة ( اسئلني انا )
ممكن تكون العربية عملة 40 الف كيلو و مغيرة نصف او العداد ملعوب فيه زي معظم العربيات
انا غيرت عربيات كتير و تعبت اوي في الموضوع دة لدرجة اني الناس بتحسبني تاجر :Copy of rfds:
و انا كنت فلة والله و ادحك عليا كتير في موضوع العربيات دة
كنت اروح اسمع اسعار غريبة فالما القي واحدة سعرها لقطة اخدها و البس انا بعد كدة عفشة و موتور و حتة بارومة او حتة حرشة من جوه و ماكنتش باينة
لكن لو العربية بحالة نضيفة ( و خصوصا انها مع صحبو ) يبقي تمام 50
و بالنسبة للكيلوات والله والله انا صحبي جايب عربية لانسر بومة سوبر اكشين ( 2008 )
عملة 180 الف كيلو بس العربية ما شاء الله مافهاش غلطة و رشة جنبين
( متزعلش مني لو ديئتك ولا حاجة كلنا اخوت و كلنا بنحاول نساعد الراجل صاحب الموضوع )
اعتقد السعر المناسب يبقى فى اوائل الخمسينات
العربية موديل عالى و فابريكة برة و جوة... 120 الف مش قضية لو معمولين على طريق سفر
45 سعر عربية فى اوائل سنة 2000 و تكون رشة برة
MMamdouh
شكرا لك ...
- حضرتك دى وجهه نظرى فى التسعير و ممكن تكون قاسيه بعض الشىء و لكنها واقعيه جدا بحكم شراء/بيع العديد من السيارات ...
- لو فرضنا ان تسعيرك هو الصح ... على كده لو مو احدث و كم اقل بقليل و شركه فعلا بره/جوه يبقى تعدى ال 60 الف ... فى حين ان الحد الاقصى لهذا الموديل هو حدود 56 الف ..
- انا معاك ان مفيش اى مشكله و لا يعيب اى عربيه ان شاء الله عامله 300 الف كم !!! لكن كل حاله لها سعر ... حتى الحديد الخرده له قيمه و سعر ...
اخيرا البيع/الشراء ده عرض و طلب و حاله سوق و بالتوفيق للجميع ...
تقبل تحياتى ...
الى صاحب الموضوع el_maghraby : فى الوسيط الاعلانيه اسكندريه بتاريخ اليوم :
نوبيرا 2006 - فقط 19 الف كم !! - مرفوعه بالجراج من شرائها - حاله الزيرو بالكتالوج و استبن لم يستعمل - رخصه 3 سنوات - مطلوب 58 الف - 09178202 010
- فى اعتقادى تخلص ب 55 كاش عند الجديه فى الشراء ... لكن تأكد تماما من كلامه و اكشف عليها كويس جدا ... وفى حاله انها فعلا فابريقه فرأى انها افضل 100 مره good deal من الى عامله 120 الف حتى لو تخلص فرضا ب 45 الف ... بالتوفيق ...
تحياتى ...