الموضوع: حد يساعدنى اشترى جرو جيرمن شيبرد

المشاركة الأصلية كتبت بواسطة amr axel

متجيبش من محلات شوف هواة و معارف
و طبعا تجيبه عمره لا يقل عن شهر و لا يزيد عن 3 شهور
و اول ما يتم 45 يوم بتطعمه تطعيم ثماني و بعدين جرعات منشطة الدكتور هيحددهالك
و ع سن 6 شهور ان شاء الله تطعيم سعار و تطلعله الرخصة و التطعيمات تكون في مستشفي الشعب او القوات المسلحة
لحد سن 6 شهور 3 وجبات من 6 شهور فيما فوق وجبتين
و اي استفسارات عن التربية تحت امرك يا باشا

لحراسة الاماكن دوبر مان ثم جيرمن ثم روت
دوبرمان انا شايف انه الافضل من حيت الحراسات لقوة عضلاته و رشاقته و سرعته فلو حراسة مكان هيقدر يسد فيه اكتر من الجيرمن و طبعا في الحراسة الشخصية
بس خلي بالك الدوبر بالذات فيهم بيحتاج انه يجري كل يوم و الا وجوده زي عدمه

الجيرمن طبعا غني عن التعريف لكن المستويات بقت في الارض و ميسواش لكن هو كلب كويس و اخف في الشراسة من الدوبر الدوبر فيه حتة عيند بالاضافة ان الجيرمن بيكون لطيف حتي مع الغرباء الا لو شرسته عكس الدوبر مع صاحبه ارنب و مع الغريب اسد و الجيرمن مبقاش يخوف زي الأول خلاص كله اخد عليه و فهم انه كلب بيحب الناس فمش هياكل مع اي حرامي اوي عكس الدوبر غبي بمعني الكلمة
الروت هتكلم في اعلاهم سعرا و احتمال متلاقيش مستويات كويسة نهائي عكس الاتنين الاولانيين
البيتبول مرجحش ابدا لأنه من الاخر غشيم اوي و اتمنعت تربيته في دول بسبب حوادثه خاصة مع الاطفال
طبعا فيه انواع تانية لكن انا قولتلك الاكثر انتشارا و الأفضل و خاصة ان كان عندي الدوبر و الجيرمن

و لو حد يا رجالة قدامه جراوي دوبر او جيرمن كويسة و اسعار مناسبة معاكم ان شاء الله

اختلاف الراى لايفسد للود قضية
انا متفق مع حضرتك فى كذا نقطة
بس موضوع ان الجيرمن ييجى فى المرتبة التانية بعد الدوبر كحراسة اسف حضرتك دة صعب شوية
الجيرمن شيبرد الاول فى الحراسة والدليل على كدة ان نباحة قوى وكتير انما الدوبر وعن تجربة ممكن تفتكر ان الكلب اخرس نباحة قليل جدا وانا بتكلم عن تجربة والدليل على كدة ان اغلبية كلاب الشرطة جيرمن وانا بقول اغلب مش كل وفى دول تانية بردة بتستخدم الراعى البلجيكى المالينو بصراحة كلب ممتاز حارس من الدرجة الاولى بيجمع بين الشراسة والرشاقة
وموضوع بردة انة مبقاش يخوف زى الاول دة بيعتمد على تدريبة والجيرمن على فكرة مش موضوع انة بيحب الناس انا لما قلت عائلى قصدى انة بياخد على جو الاسرة وانة يشوف وجوة كتير ولكن بايد حضرتك تخلية مياخدش على حد غير حضرتك
وعلى فكرة كقوة فى الاول البيتبول يلية الروت يلية الجيرمن يلية الهاسكى وتقريبا الدوبر الخامس او السادس ودة كقوة الفك
ونصيحة طالما اللى هيربى دى تبقى اول مرة يبقى علية وعلى الجيرمن لانة مش محتاج خبرة وسهل تدريبة و بعدين الجيرمن بيجمع بين كل الصفات سواء الحراسة او التسلية او الكلب العائلى انا شايف انة كلب ممتاز
الدوبر عامة كلب حراسة شخصية انا مع حضرتك انة غبى وكل حاجة ولكن للحراسة معايير اهما قوة النباح ودة من وجهة نظرة وانا هنا بتكلم عن حراسة المكان
وفى الاول والاخر تدريب حضرتك للكلب هو المقياس انا قبل كدة شوفت كلب لولو كان مجرى شارع
والله اعلى واعلم فيما قلت

يا جماعه مش فارقه مين اقوى المهم انه مايبقاش جبان وقت ما يحتاجه صاحبه ودى برضه بترجع لطريقة تربية الكلب نفسه والجيرمن شيبرد بيجيبوه فى اى متش كورة فى وقت الشغب وبيستخدموه فى البحث لذكاءة فى التتبع وقوة حاسة الشم عنده

المشاركة الأصلية كتبت بواسطة amr axel

يا باشا مفيش اختلاف في الكلام و لا اختلاف ان الجيرمن عائلي و تتوافر فيه كل الصفات اعتقد كل ده انا وضحته فوق لكن واضح ان حضرتك منحاز للجيرمن شوية فمخدتش بالك من كلامي :)
انا كلامي كان واضح اني بقول شايف ان الدوبر افضل في الحراسة للاماكن الكبيرة اكتر من الجيرمن عشان جسمه راجع كلامي مرة تانية هتاخد بالك من قصدي
و ده اقتباس للكلام تاني



يعني نفكر فيهااجيب كلب تقيل في الحركة و ليه صوت و لا كلب سريع يقدر يسد و انت ممكن تدربه ع النباح ؟؟ شخصيا أفضل التاني
و تصنيفي مش مين اقوي فك و مين اذكي طب مع الجيرمن اذكي كلب و بعده الجيرمن و الفرق بينهم ضئيل و ممكن تلاقي كلب بلدي اذكي من الاتنين نظرا لتهجينه
التصنيف بناءا ع الحال دلوقتي هنا من حيث تقليبات و اسعار و خاصة لشخص مبتدأ هل تعتقد ان شخص مبتدأ يقدر يربي الهاكسي او البيتبول بسهولة ؟؟ اكيد لأ عشان كده قولتله افضل الاتنين جيرمن و دوبر
الجيرمن بيتم تفضيله لأنه اسهل في التدريب مفيهوش حتة العيند بتاعت الدوبر لكن حاجة قصاد حاجة مع العلم الدوبر اللي كان عندي ميري واخده عمره فوق السنة و لك ان تتخيل :e_braces[1]:
و اكيد التدريب له دور كبيير لكن برده الكلب نفسه يفرق
و بمناسبة الكلب اللولو العبد لله مربي الكلاب البلدي في الشارع حراسة في الباركينج عشان العربيات و عند مدخل البيت و لك ان تتخيل لو حد غريب قرب :e_braces[1]: و العربية كانت هتتسرق لولا ستر ربنا و الكلبة اللي كنت حاططها في الباركينج و اللي عملته

حصل خير حضرتك وفعلا الدوبر مان عنيد شوية وانا بعشق الجيرمن شيبرد اوى بس مش معنى انى بحبة انى اقلل من قيمة الباقى الدوبر مان كلب رشيق جدا وهادىء جدا وذكى انا للاسف جبتة وقعد معايا شوية بس كان عمرة شهور انا اسمع انة لو هو معاك وفى حد انت قبلتة لاول مرة بيبقى حاطت مسافة معينة بينك وبين الشخص اللى بتقابلة تقريبا بتبقى متر حسب حسباتة هو ولو تخطى الغريب دة المسافة دى بيتعامل هو وانا شايف ان الكلب البلدى لو خد حقة فى التربية والاهتمام هيحل محل اى كلب
انا فى مرة سمعت ان كلب بلدى ادفع فية 800 جنية فبسال لية لاقيتهم بيقولوا عشان شخصيتة قوية

المشاركة الأصلية كتبت بواسطة micromoud

يا جماعه مش فارقه مين اقوى المهم انه مايبقاش جبان وقت ما يحتاجه صاحبه ودى برضه بترجع لطريقة تربية الكلب نفسه والجيرمن شيبرد بيجيبوه فى اى متش كورة فى وقت الشغب وبيستخدموه فى البحث لذكاءة فى التتبع وقوة حاسة الشم عنده

فعلا حضرتك شخصية الكلب بترجع لطريقة تربيتة يعنى صاحبة هو المتحكم فى شخصيتة
وللاسف فى حاجات بسمعها الناس بتستخدمها عشان تخلى الكلب شرس ملهاش علاقة ابدا بالتربية
فى ناس تقولك شربوا دم وناس تقولك اقطع حتى من ديلة وخلية ياكولها وناس تانية بتسيب كلابها وقت كبير فى الضلمة ميدخلوش شمس ابدا والمصيبة تدخل واحد يضربة بالعصاية انا معاك ان الكلب بيبقى شرس بس شراستة نابعة من خوفة مش اكتر انا شخصيا كان معايا جرو كان عمرة 3شهور ونص تقريبا فصاحبى عايز يشوفة خليتة يطلع السطوح يشوفة وانا طلعت بعدية لاقيتة ماسك عصايا ونازل فى الجرو ضرب لما طلعت لاقيت الكلب طلع يجرى واستخبى ورايا وبقى واقف بين رجلى فبسالة انت عملت كدة لية قالى عشان يبقى شرس قلتلة كدة هيبقى شرس قالى اة كدة لو حد رفع علية عصاية هيفتكر اللى حصل فية وهيبقى شرس حقيقى فى جهل كبير جدا وعدم وعى فى تربية الحيوانات ومن ساعتها وانا قطعت علاقتى بالانسان دة ومنظر الكلب وهو بيجرى عليا وبيستنجد بيا خلانى ابكى عنيا دمعت فعلا ولما بفتكر المنظر دة بزعل جدا
ولذلك عشان الكلب يبقى شرس لازم يكون واثق فى نفسة
والله اعلى واعلم فيما قلت

بخصوص الكلب البلدى .... مهما هتربيه هيهوهو على اى حد غريب وهيخوف الناس انا معاكم بس وقت الجد هتلاقيه قلب قطه امام اى كلب شرس هنا الموضوع بيرجع للجينات ....