مش لاقي حل للرعشة اللي في العربية على السلانسية .

السلام عليكم يا رجالة ....

العربية عندي فيها رعشة على السلانسية .....
الفلاتر زي الفل ...
البوجيهات جديدة ....
سلوك البوجيهات برضه جديدة ....
كشفت على قواعد الموتور لقيتها كويسة ....

الرعشة دي بتيجي لما اكون واقف بالعربية بحس انها بتتهز خفيف والهزة في الدركسيون وفي الباب وساعات بحس انها كأنها حتبطل مع ان مؤشر ال rpm ثابت في مكانه .... وعلى فكرة ساعات بتختفى الرعشة اول ما اقف بالعربية ومفيش 30 ثانية وتيجي الرعشة دي .

نظفت حساس اليدل و غيرت حساس الtps برضه المشكلة ما تحلتش .
انا شاكك مش عارف ليه في الموبينة ... تفتكروا ممكن تكون السبب ؟

لو مشكلتك دي زي مشكلتي اعرف انها ديسك واستوانة
لو بتطلع بي الدبرياج من غير متدوس بنزين وبترعش
لو تحس ان العربية سعات بتسحب وسعات السحب بيضعف حاجة بسيطة
أعرف علي طول انها ديسك واستوانة

لسه مغير الاسطوانة و الدسك الاسبوع اللي فات

بتدوس بنزين خفيف والرعشه بتروح ولما بترفع رجلك من علي البنزين العربيه بترعش يبقى دي كراسي الموتور او كرسي الفتيس

لو عندك رشاش من الرشاشات بايظ العربيه هترعش
لان كميه البنزين الى داخله كل سليندر مش زى الى جنبها

كان عندى نفس العيب
وطلع ان قواعد الماتور او الفتيس بايظة او شليمه بس ناشفه
اتأكد ان اﻻربع قواعد سليمه والقاعدتين اللى ادام للورا تكون طرية

Sent from my Samsung Galaxy SII using Forum Runner

اقتباس:

---

المشاركة الأصلية كتبت بواسطة dr.solom

كان عندى نفس العيب
وطلع ان قواعد الماتور او الفتيس بايظة او شليمه بس ناشفه
اتأكد ان اﻻربع قواعد سليمه والقاعدتين اللى ادام للورا تكون طرية

sent from my samsung galaxy sii using forum runner

---

الانوس ثلاث قواعد فقط

مع احترامي للجميع ... انا مختلف مع كل الاراء اللي اتقالت 180 درجه ماعدا لانوس 2004

العربيه بتشرق .. دا حوار بنزين او جلد صباب .. الموضوع اسمه العربيه بترتل عالسلانسيه

شوف لون شمعه الاربع بوجيهات

اتأكد من كفاءه الاسطوانات الاربعه بفك سلك البوجيهات واحد واحد عالسلانسيه مع ملاحظه الفارق

اتأكد من بوجيهات

اتأكد من رشاشاتك الاربعه

اقتباس:

---

المشاركة الأصلية كتبت بواسطة ashourashour

مع احترامي للجميع ... انا مختلف مع كل الاراء اللي اتقالت 180 درجه ماعدا لانوس 2004

العربيه بتشرق .. دا حوار بنزين او جلد صباب .. الموضوع اسمه العربيه بترتل عالسلانسيه

شوف لون شمعه الاربع بوجيهات

اتأكد من كفاءه الاسطوانات الاربعه بفك سلك البوجيهات واحد واحد عالسلانسيه مع ملاحظه الفارق

اتأكد من بوجيهات

اتأكد من رشاشاتك الاربعه

---

انا فعلا حاسس ان حاجة في كهربة العربية عشان كده شاكك في الموبينة

اتأكد من الموبينه الاول لو شاكك فيها .

انا كان عندي نفس الموضوع و العربيه عامله 25000 كم . موديل 2011

و استاذ / طارق عمللي سكان باللاب توب .

و طلع حساس الاكسجين بيدي قراءات مش مظبوطه . علي الرغم من عدم اضااءه لمبه check engine .

و رحت التوكيل و وريتهم القراءات بالجهاز بتاعهم ( سكانر gm ) .

و نتيجه الاسكانر كانت ان فيه erorr علي البوابه .. ده كلام المهندس .

و عمل restart .... و القراءات بقت مظبوطه من 158 : 850 .

و الرعشه علي السلانسيه قلت كتير . الكلام ده من حوالي 6 شهور .

بس اللي فهمته ان فيه نسبه من رعشه السلانسيه .. بتبقي نسبه مقبوله .

اليومين دول فيه رعشه خفيفه متقطعه .

لسه حتابع أ/ طارق في الموضوع ده . لأن احيانا بيبقي الواحد حاسس بحاجات في العربيه و لما تسأل حد بيفهم في اللانوس يقولك .. طبيعي جدا .

اقتباس:

---

المشاركة الأصلية كتبت بواسطة lanos2004

لو عندك رشاش من الرشاشات بايظ العربيه هترعش
لان كميه البنزين الى داخله كل سليندر مش زى الى جنبها

---

انا بضم صوتى لصوتك لان انا جربت كل حاجة فى موضوع الرعشة دى انا مغير دسك واسطوانة وقواعد ماتور وسلوك njk وبوجيهات بلتنيوم وجربت بوبينة ثانية ونظفت البوابة والايدل ومغير tps ومركب تقوية ارضى ومافيش فايدة ومش كل الانوس كدة لانى ركبت عربية زميلى ومفهاش الرعشة دى ونفس سنة الصنع بتاعى كمان

اخر محاولة عملتها اني جربت طرمبة بنزين تانية ... والمفاجأة ان المشكلة اتحلت و الرعشة اختفت نهائياً ...
معني كده ان الطرمبة بتاعتي ضعيفة ؟؟
بس العربية كويسة في السحب ...
ايه رأيكوا ؟

اقتباس:

---

المشاركة الأصلية كتبت بواسطة elakawy

اخر محاولة عملتها اني جربت طرمبة بنزين تانية ... والمفاجأة ان المشكلة اتحلت و الرعشة اختفت نهائياً ...
معني كده ان الطرمبة بتاعتي ضعيفة ؟؟
بس العربية كويسة في السحب ...
ايه رأيكوا ؟

---

ازاى تبقى فى السحب والجرى كويسة وفى السلانسية تقطع ؟
عموما بردة انا قست ضغط الطرمبة وكان عندى 2.5 بار وقالى المهندس انها كويسة