㋡ هيا التكاتيك ( بتفقس أم تبيييض ). ياريس مرسي !!!

**horas3000** · 01-03-2013 09:55 AM

للاسف يا باشا
انت بتنفخ في قربة مقطوعة
المشكله مش في التكاتك و لا اللي بيستوردها و لا اللي بيسوقها
المشكله في سلوك الناس
انا ممكن اعمل موضوع زي موضوعك ده عن النقل و الميكروباصات و الاتوبيسات و التكاسي و حتي الملاكي
فالمشكله مش في الالات دي
المشكله و للاسف فينا احنا البني ادمين

**Elawany13** · 01-03-2013 09:57 AM

المشاركة الأصلية كتبت بواسطة y a r i s

ربنا يخليك يا باشا

مفيش كلام يتقال بعد كده بصراحة. انا معاك قلباً وقالباً :)

يانهر ازرق يا بوحميد ... حتى المحافظات بتشتكي منهم. ده احنا هنا في القاهرة دي سي. ... عاوزين نزحلقهم على المحافظات ... يقوم بتوع المحافظات كمان مش عاوزينهم طيب هنوديهم فين دول ...الاقصر ولا اسوان !! ههههه. ، عارف يا بوحميد انا بفكر بحل جميل للمشكلة دي اننا نجمع سواقين التكاتيك ونطلعهم بعثة او اعارة لليبيا او السعودية او حتى السودان نقولهم رووحوا في هناك في الدول دي رزق كتير وبانزين ببلاش. روحو احرقوه براحتكم. .... ده يا راجل ياطيب ازمة البانزين مشفنهاش غير على وشهم النحس خربوها ولاد التيت وقعدوا على تلها بس الي مجنني ان لسه باب الاستيراد مفتووووح. للتكاتيك تقلش مصر ناقصة والي فيها مش مكفيها

طيب فيما بعد يعني بعد عشر سنين قدام من كترهم هيبقوا قوة لا تستهان بها في الشارع المصري ولا حكومة هتقدر تكلمهم ولا راجل مرور ولا حتى. صاحب عربية ملاكي ... لان محدش هيركب توك توك. مثلاً وهيكون انسان متعلم او انسان راقي وابن ناس اكيد هيبقى من الحثالة ومن طبقات الي يتجوز ابويا أقولوا يا خلتي هههه وتحياتي

ياحاج محمد
انزل اصغر قرية ... هتلاقى الهباب التوكتوك ده موقف ومعطل الشوارع كلها
سواء شوارع داخلية أو رئيسية أو حتى طرق سريعة

تبقى واقف فى طابور طويل وعريض بالعربية علشان البنزين
تلاقى سعادة الباشا سائق التوكتوك ملهوش دعوة بالطابور يتخطاه كله ويلف عند الطرمبة
تيجى تكلم عامل البنزينة يقولك يابيه هوه التانك بتاعه صغير
مبياخدش وقت ولا بنزين كتير
حاجه تجنن وتقرف

حسبنا الله ونعم الوكيل

**Elawany13** · 01-03-2013 10:02 AM

احنا محتاجين الأخ الروسى ده ... المعلم
http://www.nilemotors.net/Nile/338816-a.html
يجيى يتعامل مع المخالفين وبالذات التاكتيك
و يظبطلنا المرور فى مصر

**Sehsss** · 01-03-2013 11:17 AM

ماهو العيب في اللي كل حديث يجيب سيرتهم كأنه كان نفسه في يوم يبقى سواق توك توك

**Imhotep** · 03-03-2013 09:17 AM

اظرف حاجة انه تقريبا مفيش خطاب ليه الا لما يذكر السادة سواقين التكاتك..... يكونش عنده اسطول تكاتك مشغله لحسابه :) هم كمان ما شاء الله بقوا يبجحوا قوى و تيجى تكلمهم يقولك احنا تبع الريس..... الريس حنتيرة :)

**Y a r i s** · 03-03-2013 10:31 AM

المشكلة مفيش سبب وجيه
او حتى سياق الكلام طرح نفسوا علشان يجيب سيريتهم.... يقولك السادة المواطنين والسادة قائدين التوك توك. ايش دخل المواطن بسواق التوك توك المخالف وهو سواقين التوك توك دول مش مواطنين ( بس مواطنين زبالة ) ، ولا ايه الحكاية ولا هنعملهم جمهورية جديدة ليهم على جنب

يعني معقولة الريس لغيات دلوقتي مش عارف يتكلم ... هو يعني عاوز يداعب مشاعر الطبقة الي تحت الصفر ... طيب عاوز يداعبهم يداعبهم انشالله حتى يزغزغهم. بس ميجيش يداعب مشاعرهم على حساب حرقت دم ملالالاين الناس المحترمة

انا رغم ذلك بحب الريس ... وبحترموا وحاسس انوا عاوز يعمل حاجة في البلد
بس هيعمل ازاي حاجة والبلد بقت عربخانة بالشكل ده ووجود التاكتيك دي بيساعد. ان سواق العربية. الملاكي يتحول من قائد محترم لقائد عربجي علشان يعرف يتعامل ويتكيف مع العربجي سواق التوك توك فتتحول البلد من دولة محترم لبلد عربخاااااانة ... لذلك لازم وحتماً وضروري انك تصلح الغلط الي ارتكبتوا ياريس وتحطلهم حد وتقنن اوضاعهم مش تووووشيد بيهم وتديهم وضع ومكانة في الدوووووووولة

**Y a r i s** · 03-03-2013 10:39 AM

وشرطة وبوليس ايه الي الناس هتحترمها دي او تعملها. حساب وبنشوفها بام عنينا وهيا بتكيش وتخاف وتستخبى في هدومها اول مايشوفوا توك توك ... وعاوزينا احنا نحترم رجل الشرطة او حتى نعمل لهم حساب ... وابسط كلمة. لو وقفني راجل مرور هقولوا يا خويا رووح اتشطر الاول على سواقين التكاتيك الي خربين البلد وبعدين تعالة اتشطر عليا !!!!