الموضوع: ㋡ هيا التكاتيك ( بتفقس أم تبيييض ). ياريس مرسي !!!

في ظل ازمة اقتصادية خانقه تحيط البلاد
في ظل الدولار اصبح كالكوكاين. معدوم ويباع في السر ... في ظل ازمات البانزين مصر يومياً تستورد ملالايين التاكتيك !!!! اااااااااايه الي بيحصل. لبلدنا ايه الي بيحصل لها التاكتيك بقت اكتررررررر من العربيات ... ياجماعة احنا عماليين يوم بعد يوم. نرجع خمسين سنة لورى ...

عماليين نقول ازمة البانزين والسولار طيب التكاتيك الي عاملة زي الخنافس دي الي عماله تجوب الشوارع ليل ونهاااااااااار وحرق حرق حرق في بانزين البلد .... طيب صاحب العربية جايبها ودافع عليها جمارك قد كدددددده وضرايب قااااد كده ياترى بتوع التكاتيك بيدفعوا ايه للبلد ولا بيفيدوا بايه البلد. ... ولاهما علشان عيال صيع مش لاقيه شغل يقوموا يحرقوا مقتدرات البلد من ثروة نفطية بالشكل ده .... مشفناش من وراها خير. من اول مادخلت البلد لحد النهردة الا قلت ادب وسفالة وتعطيل لحركة المرور. وازعاج وتلوث صوتي ليل نهار .... بيركنوا في نص الشارع ويعطلوا المرور اكتر ماهو عطلان

حوادث نهب تشكيلات عصابية. بالتكاتيك بتلف حولين العربيات وبمجرد مايلاقي شنطة ولا لاب توب يكسر القزاز وياخود الشنطة ويجري في الخباثة .... يخطفوا شنط بناتنا ويجروا حوادث تحرش بالعبيييييط وبالهبل سنكحة ليل نهار في الشوارع من سواقين التكاتيك العيال بتوع دبلوم صنايع ودبلوم مش عارف ايه وثنوية عام واعدادي سابو مدارسهم وبقوا يشتغلوا على التكاتيك يعني جيل جديد من الغجر والهمج طالع

وفوق كل ده لسه التوك توك بيتباع في مصر وعاااااااااااادي ولا كأن التوك توك ده من اساسيات الاسرة المصرية ... وكان مصر هيوقف حالها اذا منعوا التكاتيك ولا منعوها تمشي جوا المدن واقتصر الامر على المحافظات والارياف

حكومة فاشلة متاخذلة

الواحد مش عارف يقول ايه. ... زهقت من كتر ما بقول حسبي الله ونعم الوكيل ( استغفر الله العظيم ) حسبنت عليهم لحد ماتبنالي قصر في الحسبانية في الجنة .... يعني معقولة حكومة طويلة عريضة مفيهاش راجل يقدر يقول للغلط لأ ... حكومة طويلة عررررررريضة مش قادرة تسيطر على شوية رعاااااااااع شوووية همج .... حكومة طويلة عريضة مفهاش راجل يقدر يمنع استيراد التكاتيك او يوقف استيرادهاااااااااا. او استيراد قطع غيارها ...

وفي النهاية جي وزير البترول بجلالة قدروا يقلنا. ان التكاتيك هتستفيد بالدعم ولا يطبق عليها قرار رفع الدعم يا حبيبي. لما موظف غلبان معاه عربية فيرنااااااا. بالقسط وبيلبس بدلة وجرفته وعندوا عيال بيصرف عليها وبيت فتحوا وبياخود ١٢٠٠ جنية او ١٥٠٠ جنية وبايس ايدوا وش وظهر. وهترفع عنوا دعم البانزين وتديلو خمسه لتر في اليوم رغم انو دافعلك جمارك وضرايب قااااااااد كدة !!!

وعيل ابن ستين تيييييييييت ... لافاتح بيت ولا نيلة. وبيكسب ١٠٠ او ١٥٠ بالميت في اليوم ... يعني يوم مايقول انا مشتغلتش بيطلعلو ٣٠٠٠ جنية في الشهر وده تقولوا هديك بانزين ببلاش. بنزين ارخص من تمن قزازة المية الصحة بانزين اررررخص من الترااااااب. هو ده العدددددددل. ... حكومة مفهاش راجل يقول للتكاتيك لأ والف لأ ... ده حتى المرور بشوفهم واقفين بشنبات وبطبنجات وخايفين. يكلموا سواق توك توك ... وعمليلي لجان وماسكينلي الالي. ويوقفوا عربيات ويجي توك توك يعدي يقولوا عدي بالسلامة السلامة ياحبيب قلبي ...

قرااااااااااااد انتشر في المجتمع ومفيش حد قادر يوقف انتشاروا في المجتمع. ... يا اخي مقلناش حاجة عيال شمامة وعاوزة تسترزق تروح تسترزق بعيد عننا. يمشوا في حواري. يمشوا في الاقاليم المحفظات والارياف محتاجة. تكاتيك اما انوا الاقي على المحور في تكاتيك بقت تمشي دلوووقتي وعاااااادي ولا كان في حاجة ، حتى على طريق مصر اسكندرية الصحراوي بقيت اشوووفهم وممكن تلاقي توك توك بيخطف الطريق قدامك كده بسرعة وانتا ماشي على ١٢٠ وعااااااادي. ولا في اي حاجة. ... يعني لحد ايمتى التسيب الي في البلد دددددده لحد ايمتى دي بقت عيشششششششة تقصر العمر بجدددد



زمان كنا بنتكلم عن توك توك ... توكتوكين. مش ملاين التكاتيك ... الشوارع بقت بجد صعبه قووووي بسببهم ... حتى العيشة العيشة ذات نفسها في البيوت بقت. تقررررررف وتقصر العمر طول ما انتا نايم ولا قاعد في بيتكم سامع صوت كلاكسات تكاتيك. سامع زماميرهم سامع اغانيهم الوسخة سامع صوت طبليتهم. سامع صوت شكمانتهم