سعر لتر البنزين بعد رفع الدعم عاجل

**kokowasfy** · 28-02-2013 11:11 PM

السلام عليكم استغفر الله العظيم
مساء الخير على اعضاء منتدانا الكرام
احب افتح اليوم موضوع هام و خطير و ضرورى جدا
و هو ارتفاع سعر البنزين تعرفوا لتر البنزين هيوصل كام اقلكم هوصل كام
بنزين 92 هيبقى التر من 4 الى 5 جنية استغفر الله العظيم يعنى الواحد يركن عربيته
ويتشعلق فى المواصلات ارخص و اكرمله من زل البنزين يعنى دا بيدل ان الحكومة حكومة فاشلة طيب تعرفوا سعر المواصلات هيغلا جدا و اكيد انتو تعرفو مكروبصات بلادنا و الاستغلال و الجشع و كمان اتفرجو الايام الجاية على التهريب البنزين و بيعة لسوق السودة
استغفر اللة العظيم اسف على الاطالة بجد موضوع يحرق القلب و يوجع المرارة

**mazagngi2010** · 28-02-2013 11:37 PM

انت كويس دلوقتى؟

**aliabdo** · 28-02-2013 11:57 PM

الى اعرفه غير كده انه الغير خاضع للدعم حياخد دعم جزئ يعنى ال 92 الغير مدعم او الى بعد ما خلص الكوبون حيبقى ب 2 و نص\
طبعا كلنا عمالين نسمع و مفيش اى معلومات اكيده لسه

**EngAhmedSayed** · 01-03-2013 12:03 AM

مش عارف يعنى الحكومه هتعملك ايه
هتقطع نفسها مش لازم يدى بنزين و السولار لغزه
و له انتا مش عارف انى اعضاء حماس كا درجه اخوانيه اعلى من رئيسك و بيمشو كلمتهم عليه
و غير كده انتا هتطمع ده انتا هتـــــــــــــــــاخد 5 للتر بنزين مش عارف ايه الطمع ده
بطلو طمع و تفترو على الحكومه ربنا ما يحرمنا من عمو مرسى و عمو هشام قنديل

مش بين بدات اهيس شكلى عقلى بداء يشك

مش عارف الحكومه ليه بتعمل كده
المفروض يمنع البنزين و السولار المهرب لغزه
المفروض يا رئيسنا تمشى ورا كلام شعبك و مصلحة شعبك
الحكومه هتخلينا نمشى على رجلينا و مش عارف البنزين ده هحرقه فى اى اشارة او شارع
ربنا ياخد عمو مرسى و عمو هشام قنديل
و الله الواحد مش عارف يكتب و له يفكر

انا هستاذن علشان هنزل ابيع عربيتى و اشترى جمل
هو ده الحل جمل و له تقولى بنزين هو ممكن يكون برسيم 80 بس شغال
و له جركن زيت و غير كده مبيسخنش و له وش سليندر و الكلام الفاضى ده و هيكون فى توفير فى البرسيم
يبقى الحل الوحيد
هو نجيب
ناقه او جمل او سفينة الصحراء او سفينة الشوارع

الرجاء لو مفهمتيش حاجه متبقاش ترسيلنى لانى و الله العظيم ما فاهم حاجه و مش عاوز افهم

**hossam_elwani** · 01-03-2013 12:13 AM

انت جايب الكلام ده منين ايه مصدرك .. ارجو عدم نشر معلومات غير موثقه او مؤكده للبعد على الاثاره

**shaddadfalcon1** · 01-03-2013 12:28 AM

هي الناس مبقتش ترتاح ولا يجيلها نوم غير لما تضربلها اشاعتين قبل ماتنام ولا ايه

**mhf_77** · 01-03-2013 12:29 AM

ارجو من صاحب الموضوع وضع لينك الخبر او على الاقل يذكر مصدره لان الخبر بالصوره المكتوبه يعتبر ناقص
لان الخبر الكامل هو
بعد استنفاذ الكوبونات المدعمه والمقدره ب (150) لتر شهريا (1800) لتر سنويا (بنزين مدعم بسعره القديم) بالنسبه لمالكى السيارات
سوف يتم بيع البنزين لمن تجاوز الكميه بالسعر الغير مدعم
ومع انى مش مع القانون خالص من اساسه ولا بطيق الاخوان ولا مرسى ولا قنديل ام هاشم الا ان نقل الخبر لازم يكون كامل
احنا مش ناقصين حرقة دم كل شويه
وشكرا

**dedo_ryo** · 01-03-2013 12:54 AM

يا جدعان 5 لتر دي كتييييييييييييييييييييييي ييييير علينا بصوا
الواحد انشاء الله هيحتاح لتر واااااااااااااحد علشان يولع في نفسه
ويخلص من البلد اللي ملهاش رابط ولا كبير دي كل وزير في كل يوم بتصريح شكل
فاكرين لما النجم الشنكيف طلع و قال الدعم ل 1400 فقط لان ال 1600 رفاهيه
انا اليوم ده كان نفسي ارفه علي دماغه الصراحه و بعدين طلعها تاني ل 1600 و شكله هينزلها تاني
و بعدين يطلعها ............ لحد ما الكبير و استجابه لمطالب الشعب هيخليها 1600 و يبقي هو حبيب الشعب
ده احنا كنا بنتسرق ايام مبارك و مكنش في الكلام العقيم ده و الله شكل السرقه مفيده للاقتصاد
اهو من ساعه ما بطلنا سرقه و الاقتصاد في النازززززززززززززززززل
ربنا يبارك في اخواننا الغزاويه اللي هيقلعونا هدومنا بجد
غاز و متصدر .. بنزين و متهرب .. دواء و متبرع
شكلهم ماسكين بلد تانيه