انسب مكان لشراء عفشة اوبترا كاملة امامى و خلفى + فتيس مانيوال
رجالة المنتدى اجدع ناس؛ عملت حادثة و الحمد لله طلعت سليم و العربية اتكسرت تماما من تحت..
مطلوب:
فتيس مانيوال
قنطرة
عفشة كاملة امامى و خلفى
باب يمين بالمراية
رفرف يمين
اكصدام امامى
4 جنوط
الميكانيكى بتاعى (محمد هاشم بتاع الدايو) عايز يجيب الحاجات من ابو هاشم فى الهرم، و بيقولى ارخص من الحرفيين، هل الكلام ده صح؟
و يا ريت ترشحولى محلات استيراد تانية و تحكولى عن خبرتكم فى جودة قطع الغيار و اسعارها..
و هل الافضل انى اخلى الميكانيكى يدور العربية و يمشيها و اكمل شغل السمكرة و الدوكو عند سمكرى اعرفه ولا اوديها لمركز يخلصها من اولها لاخرها ميكانيكا و سمكرة و دوكو؟
انا للاسف خبرتى صفر فى موضوع الحوادث، و اى مساعدة او نصيحة هتبقى محل تقدير.. مع الشكر