يا جماعة حد يعرف هل القطط بتأُثر فعلا على الحمل او على البنات عموما ؟ خطيبتى عايزة قطة وانا متردد :)
عرض للطباعة
يا جماعة حد يعرف هل القطط بتأُثر فعلا على الحمل او على البنات عموما ؟ خطيبتى عايزة قطة وانا متردد :)
من المعروف أن القطط و العصافير ايضا تحمل ميكروب تكسوبلازما - و هو موجود ايضا فى البسطرمه و اللانشون .
و هذا الميكروب يسبب الأجهاض فى حوالى الشهر الخامس
و يجب على السيده - اذا كانت تقتنى حيوانا منزليا - أن تقوم بعمل التحليل اللازم كل فتره
و علاجه سهل و بسيط ببعض المضادات الحيويه
و يمكن علاجه حتى اذا تم اكتشافه أثناء فترة الحمل
طالما نضيفه من صغرها وبتاكل اكل نضيف وكامل التسويه مبتكونش حامله للتكسوبلازما المسبب لمشاكل تخص البنات او الحوامل
اعرف ناس عندهم قطط و اتجوزو و خلفو عادى جدا
لا يوجد ضرر ع خطيبتك فلا تقلق
المهم ان القطة متنطش ع طبق الاكل حتى ولو فاضي عشان رجليها وايديها من تحت بتكون حاملة للبكتريا الضارة
الكلام ده هو الخلاصة. القطط كمان ممكن تطعم ضد التكسوبلازما و هو مش حيجيله لو مبتاكلش لحوم مش متسوية كويس زي اللانشونات و الحاجات دي. اتكل على الله متخافش, بس اعمل حسابك انها ممكن تبهدل لك الفرش من الخربشة فيه.اقتباس:
المشاركة الأصلية كتبت بواسطة ahrambc
الكلمتين دول منتشرين جدا بس شفت ناس كتير كانوا مربيين نقطط من صغرهم و مش بيناموا اللي و القطه في حضنهم و الحمد لله مجوزين و مخلفين و زي الفل
معلومات مفيدة جزاكم الله خيرا
حمدالله على السلامة .. ايه الغيبة الطويلة دي :)
انا بسمع امى بتقول القطط غلط على البنات
ليه مش عارف
ربك المستعان
افتكر اني قلتلك بلاااااااش
هو ده النايل موتورز :)
مكتبش موضوع ابدا الا اما الاقى 10 بيقولوا اه و 10 بيقولوا لا !!
يعنى اشترى ولا هتورطوني :) انا فرحى الشهر الجى
شكلى هاخد طريق ابعد عن الشر و غنيله :(
ككلام علمياقتباس:
المشاركة الأصلية كتبت بواسطة tarek gen 2
القطط والحيوانات الاليفه هي المصدر الرئيسي للعدوه بالتوكسوبلازما
وده عباره عن بروتوزوا احادي الخليه وبيسبب مرض ليه خطوره علي الام والجنين
وبيوجد في لعاب الحيوان و برازه
والتعامل مع الحيوان ينقل المرض
وخطورة المرض
علي الام بياثر علي الشبكيه والعصب البصري والغدد الليمفاويه والجهاز العصبي
اما بالنسبه للجنين فاصابة الام بهأ المرض في الثلاث شهور الاولي من الحمل قد يؤدي لوفاة الجنين او حدوث تشوهات جنينيه مثل استسقاء الدماغ والتخلف العقلي …
لما نبقي عارفين الكلام ده يبقي ليه نجيب قطط ?
مش الوقايه خيرٌ من العلاج ?
!! بعد رد حضرتك الشافى الكافى ده انا قررت انى مشتريش اى قططاقتباس:
المشاركة الأصلية كتبت بواسطة speed_magnum
بل و كمان لو شفت قطة فى الشارع هفرمها بالعربية ! :)
لو علي التوكسوبلازما ..ديه سهل التحكم فيها ..
لأنها بالنسبه كبيره هتبقي متطعمه ..وبالنسبه اكبر معظمنا عنده مناعه منها ..
وحتي لو مش مطعمه وهي معندهاش مناعه ..الحرص اثناءالتعامل مع الفضلات والغسيل اليد عند التعامل مع الطعام هتبقي في امان 100 %
انا عندي قطه بتاعت مراتي بتاعتها ومن هي عندها 13 سنه ..شيرازي عجوزه عندها يجي 11 سنه ..
الصالون عندي اتقطع بسبب الخربشه فيه ..
فيه حمام محجوز من الحمامين اللي في الشقه محجوز ليها لأنه فيه طبق الرمل بتاعها ..كل الستاير مرفوعه ..لأن اي حاجه مدلدله هتقطعها ..
السفر بيها صعب جدا ..وطبعا مبقدرش اعملها حاجه ..بس حاطط امل علي بنتي الصغيره لما تكبر تنتقملي منها..
بلاش احسنلك ..مسئوليه ووجع دماغ
هو طبعا بتعمل اجهاض غير أن القطة دي حيوان مقزز جدا و غدارة وزبالة ههههههههههههه
انا اعرف ناس مبتخلفش بسبب انها كانت بتربي قطط من وهي طفلة
ياباشا مفيش حاجه اسمها كده .الكلام ده مش مظبوط مليون في المائة.اقتباس:
المشاركة الأصلية كتبت بواسطة mohamedhamed
تاثير القطط بيبقي علي الام الحامل فقط لا غير ..
ولازم القطط تبقي مصابه اصلا بالتوكسوبلازما
والعدوي بتتنقل من براز القطط لطعام الام الحامل ..يعني شوية نضافه هتتجنب اي انتقال للمرض..
..ده لو الام اصلا معندهاش مناعه ..
ومصر معظمها عندها مناعه ..بسبب الينشون واللحوم النيئه وعدم غسيل الايدي قبل الأكل..
هاتلها قطه علشان تدبحهالها فى شهر العسل ههههههههههههههه
لو حضرتك دورت شوية على النت في نسب حمل القطط لميكروب التكسوبلازما هاتلاقيها من أقل الحيوانات انتشارا على مستوى الحيوانات الأليفة والبهائم والدواجن
نسبة انتشار الميكروب مثلا في الأرانب بتعدي الثمانين في المائة تقريبا
وفي الأبقار والجواميس والخرفان وما إلى ذلك بتوصل الى 70 %
وفي العصافير زيها زي القطط بتوصل 20 - 30 %
وفي الكلاب
وفي البني آدمين نفسهم فيهم نسبة كبيرة
القطط زيها زي أي كائن عايش على الكوكب ومعرضة لمشاكله وأمراضه
والمرض ده الوقاية منه بتكون بالنظافة الجيدة والأكل جيد الطهي ... لأن الحرارة تقتل هذا الميكروب ... وعدم التعامل مع براز القطط أثناء تنظيفه على نحو مباشر من التلامس يفضل تكون لابس جوانتي من بتاع الدكاترة مثلا أو حتى بعد عملية التنظيف تغسل إيدك بصابونة مضادة للبكتيريا وخلاص
90 % من قطط المنازل النظيفة لا تحمل المرض .. لأن أساس المرض الأكل النيء والمتعفن اللى بيكون في الشوارع وصناديق القمامة التي تتغذى عليها قطط الشارع وليس قطط المنازل
90 % من أمهات البيوت المصريات في الأرياف مثلا دايما بيحذروا بناتهم من اقتناء القطط بسبب إن "القطط مش حلوة للبنات" دون معرفة السبب ... لأنهن في الوقت نفسه يطلبون من بناتهم التجول في الحقل خلف البهائم التي يملكونها لجمع برازهم في أكياس لبيعه أو استخدامه كسماد ... رغم أن نسبة وجود الميكروب في البهائم أكبر من القطط للضعف تقريبا
القط له تطعيمات من الممكن أن يحصل عليها في مستشفيات الكلب الحكومية أو في أي عيادة طبيب بيطري خاصة ولكن اسعاره بتكون أضعاف المستشفيات .. زيه زي البيبي اللي بيطعم وهو صغير
معظم المصريين ما بيدوش القط أي تطعيمات وعايشين .. وأديك شايف بقينا 90 مليون في 30 سنة بس ...
... وعلى فكرة اللى ماعندوش قط في بيته هاتلاقيه بيتعامل مع أي قط من قطط الشوارع حتى لو كان على نحو غير مباشر ... يعني ممكن يكون قط مريض بالمرض كان نايم على غطاء عربيتك بالليل والصبح نزل مشي جيت انت وانت ما تعرفش شيلت الغطاء وحصل تلامس مباشر بينك وبين مكان القط اللى ممكن جدا يبقى ملوث بالمرض
كل الكلام اللى فوق خلاصة عمليات بحث كتير قبل ما أقرر أجيب عندي قطة لأن عندي بنات وكان مهم أعرف تفاصيل عن الموضوع ... الأرقام اللى ذكرتها تقريبية لأني مش فاكر بالضبط لكنها أعتقد مقاربة كتير للحقيقة
القطط ورد فيها أحاديث كثيرة عن الرسول صلى عليه وسلم التي تدعو الى حسن معاملتها والاحسان اليها ... وقد تركها الرسول صلى الله عليه وسلم تلد على كم قميصه ...
وكان المصررين القدماء يقدسون القط ويعتبرونه أحد آلهتهم ... وكان أحدهم إذا شب في بيته أو صومعة غلاله حريق سارع وسارعوا جميعا لإنقاذ القطط قبل أن يهرع لإنقاذ أهل بيته من شدة حبهم لها
القرار في النهاية لك ... لأنها مسئولية كبيرة كمسئولية تربية الإنسان ... وقد تكون أعظم لأن القط لن يتكلم ليوضح لك ما يطلبه .. وإذا لم تنفذ له ما يطلبه من شرب أو مأكل فقد تأثم ... حيث دخلت امرأة النار في قطة حبستها لا هي أطعمتها ولا هي تركتها تأكل من خشاش الأرض
انا بس كنت بقول اللي شوفته
بس عامة كلامك علمي شوية ممكن يكون كدة فعلا وسمعت ان علاجها سهل
شكراً
يا جماعة فى تحليل للحمل وده خاص بالسيدات فقط اسموا تحليل القطط ولسه مرات واحد صاحبى عملاه علشان تاخر الحمل بس الحمد لله مطلعش فى مشكلة لان الدكتور عرف انها كانت بتربى قطط وهى صغيرة
القطط فى حال تربيتها من الصغر ممكن فعلا تاثر على الموضوع ده
وياريت لو فى دكتور امراض نساء يقولنا رايوا
وبصراحة يعنى بدل ما حد يروح يهتم بقطة ممكن يتكفل بالمصاريف دى فى اى دار ايتام ويتكفل بطفل ويفضل فى الدار على الاقل مش هتبقى محتاج تعمل حساب القطة هانم فى اى مشوار تروحو ده غير الاجر و الثواب المحتسب عند الله من العمل ده