عندي قرايبي عايزين يتعلموا السواقة فقلت أكتوبر فيها مساحات واسعة وزحمتها أخف من القاهرة بمراحل فهآخدهم هناك وأعلمهم على رواقة بداية من بكرة إن شاء الله. أنهي أنسب أماكن في أكتوبر لكدة؟
عرض للطباعة
عندي قرايبي عايزين يتعلموا السواقة فقلت أكتوبر فيها مساحات واسعة وزحمتها أخف من القاهرة بمراحل فهآخدهم هناك وأعلمهم على رواقة بداية من بكرة إن شاء الله. أنهي أنسب أماكن في أكتوبر لكدة؟
انا من راى فى مكان هيعجبك روح الشيخ زايد عند مدخل زايد 2 الاماكن دى فاضيه و جميله
و لما تحتاج تاكل او تجيب حاجه روح هايبر وان يعنى من الاخر الفرشه جنب الورشه
انا كنت بروح هناك و كنت بعلم صحابى هناك
ربك المستعان
فعلا ياباشا زايد فيها أماكن كتير فاضية وجميلة وممكن تتعلم براحتك..لكن اكتوبر بردو هتبقى فيها عربيات او ناس غالبا لانها أزحم من الشيخ زايد..عموما انا ساكن في زايد بردو ياباشا لو هتيجي ممكن اوديك أماكن حلوة ومش بعيدة عن هايبر جوا المدينة يعني :original:
ألف شكر يا باشا أنا فعلا خدت بنصيحتك ورحت هناك على 4 تقريبا. فيه مكان فاضي جمب الجامع الكبير اللي عند مدخل زايد 2 عملنا الركنات هناك وشوية لف يمين وشمال ولما زهقنا كانت المغرب بتدن صلينا وبعدين روحنا على هايبر كلنا واتفرجنا شوية وبعديها طلعنا على الحصري في أكتوبر عشان نتعود عالزحمة وأخيرا رجعنا من على المحور والدنيا تمام جدا :)
ربنا يخليك يا زعيم. أنا لسه شايف مشاركتك دلوقتي بس للأسف بعد ما رجعنا. تتعوض قريب إن شاء الله ويشرفني أتعرف عليك والله :)
ساحة اختبارات المرور بعد الضهر للركنة
انا كنت جايب كراتين سجاير بتبقى عالية علشان مخبطش العربية فى حاجة
وممكن تجيب زجاجة بلاستيك وتملاه رمل مثلاً وتحط مواسير بلاستيك من بتاعة الكهربا او ايد مساحة
الفكرة انك تبعد عن المبانى والعربيات علشان لا قدر الله عربيتك مش تتخبط