بولو 96 مكنه 1400 بضفيرتها بكنترولها ولا بلوكه بالفتيس 1400

انا معايا عربيه بولو96 العربيه بقالها معايا شهرين كنت واخداها وهيا بتاءكل ميه كل يوم لازم احطالها ميه عملتلها وش السلندر والميكانيكى اللى انا عملت عنده معملشى بالمره طقم شنبر قبل الموضوع ده مافيش حاجه كنت بشتكى منها بس بعد مع عملته خرطوم الفايزبيجيب دخنه علطول فبقيت بغير زيت على الالف وخلاص انا عارف ان الموتور انتهى بس المشكله ان المكنه اللى عندى 1300 رشاش واحد روحت دورت عليها فى بورسعيد مالهيتاش لاقيت 1400 وانا مش عايز اعدل حاجه خايف اعدل وبعدين من الواضح ان الضفيره عندى فيها حاجه عشان هيا متبهدله فاكيد اللى انا شاريها منه عدلها انا بصراحه مش عارف اعمل ايه تنصحونى باايه اشترى مكنه 1400 بضفيرتها بكنترولها وديه برده يعتبر تعديل ولا اشترى بلوكه بالفتيس 1400 برده واحطها على البوابه القديمه الرشاش الواحد فى ميكانيكى قالى كده اعمل ايه

السلام عليكم

مبدئا واضح ان اليومين دول تاريخ انتهاء عمل المكن ال 1300 كله فى مصر انا معايا واحده 96 فيها نفس المكنه بتعتك بالظبط ونفس مشكلة الزيت بالظبط
احسن حل تسقيط مكنه 1400 بالفتيس بتعها والضفيره باكنترول ولو تعرف تاخد السدر معاها من عند الراجل شروه واحده يبقى زى الفل ولعلمك المكنه ال 1400 الهورس باور بتعها قريب من ال 1300 والفرامل والعفشه يمشوا معاه بس انا كلامى عن ال 1400 الكامه الواحده اما لو هتجيب 1400 ال2 كامه هات نص كامل وفضيه عندك

وياريت يا باشا تقولى الاسعار المكنه بالفتيس بالضفيره بكام فى بورسعيد

اولا شكرا ليك للاهتمام والرد الاسعار فى بورسعيد متنوعه يعنى المكنه بالفتيس 2700 عند معظم الناس ولكن فى دمياط عندنا المكنه بالفتيس 1400 من 1800 وانت طالع تسالنى ازاى اقوللك معرفش فعلا بورسعيد اصبحت اغلى من بقيه الجمهوريه فى الشغل ده لاءنهم اصبحوا بيشتغلوا جمله بس ثانيا لو المكنه اللى انت بتكلم عليها واحد كامه يبقى نركب الالف احسن لاءن اداءها هايبقى زباله والالف حتى معدشى بتنزل يعنى احسن نضرب العربيه بالنار اونريمها فى الزباله

ليه يا مان كده دا انا محتار اجيب مكنه 1400 واحد كامه ولا اعمل عمره للمكنه بتعتى وانت بتفكر فى ال 1000 انسى يا عم ال 1000 ده وبعدين الناس كلها بتعلى ل 1600 واحد كامه او 2 كامه مع تعديل العفشه والفرامل ومع احترامى ليك المكنه ال 1400 الانجكشن بطلع 60 حصان عند 4700 لفه وال 1300 الرشاش الواحد 55 كيلو وات يعنى اكيد هتحس بيفرق حتى لو بسيط المكنه ال 1400 قطع غيرها كتير وموجوده الحمد لله يعنى كفاية راحة البال

طبعا 1400 احسن بس عندى لازم اغير ضفيره الكهرباء والكنترول وبيقولوا كمان الحساسات يعنى كثير جدا كده عامه انا استقريت على 1400 بس عايزة بورسعيد تخف شويه ربنا يستر

بورسعيد اغلى من القاهره علشان تبقى عارف المكنه ال 1400 دى بالفتيس بالكنترول بالضفيره بتعمل 3500 اخرها اغلى من كده مش تشترى وانزل اسال فى كل حتى واتفرج وشوف علشان تاخد خبره فى الموضوع قبل ما تسقط علشان مش تاخد اول حاجه تقبلك