ايه مميزات التيدا المكسيكي 2013

**karemshen** · 01-03-2013 11:52 AM

الى خبراء النيسان
ايه هي مميزات التيدا المكسيكي السيدان 2013
اللي تستاهل فرق سعر عن النيسان صني 2013 اللي زيها
مع العلم ان نيسان صني اوتوماتيك 117 الف
والتيدا المكسيكي اوتوماتيك ايضا اول فئة 120 الف
والاتنين دول يعتبروا زي بعض جدا
فايه هي نقاط القوة اللي تخلي الواحد يدفع ال 13 الف جنيه دول وهو عارف دافعهم ليه ويستاهلوا ثمنهم او لا
مع العلم انى بحسب قراءتي في المنتدى هنا عرفت ان التيدا بعد سرعة ال 140 ثباتها مش حلو وده بعكس الصني ثباتها قالوا افضل بكتير في السرعة دي وبعدها
وياترى سمك الصاج وقوة الاكصدام في الاتنين قد ايه ؟؟؟؟؟
ولو مفيش فرق بينهم يستاهل ياريت توضحولي بس بسرعه عشان المفروض الموضوع ده يتحسم بسرعه
وفي نفس الوقت الفتيس المانيول بتاع الصني الشكل الجديد عامل ايه حلو ولا تعبان ده في حالة ان الواحد هيكتفي بالصني ......

**karemshen** · 01-03-2013 12:10 PM

وموضوع ان فيه موديل جديد احتمال ينزل اخر السنة ده يفرق في ايه ؟؟؟!!!

**Land_Cruiser** · 01-03-2013 11:41 PM

المشاركة الأصلية كتبت بواسطة karemshen

وموضوع ان فيه موديل جديد احتمال ينزل اخر السنة ده يفرق في ايه ؟؟؟!!!

توضيح بسيط : مش موديل جديد لكن ده جيل جديد مختلف تماما عن اللى قبله فى السعر و المواصفات و الموضوع ده بيذكر لانه بيفرق مع بعض الناس انها تشترى عربيه زيرو و بعد كام شهر يلاقوا شكل جديد نزل منها فبيتضايقوا لانهم كانوا ممكن يفضلوا الشكل الجديد لو كانوا يعرفوا ان هيبقى فيه شكل جديد فعلشان كده بيتم توضيح الحكايه دى بحيث ان اللى يشترى تبقى كل الأمور واضحه قدامه و القرار فى الاخر اكيد للمشترى يعنى اهميه النقطه دى ترجعلك انت

**hany63** · 01-03-2013 01:41 PM

لا الحقيقه مافيش مميزات تذكر غير بس دي ١٥٠٠ و دي ١٦٠٠ و جرايه
دي تقفيل مصري و مكونات هندي و دي تقفيل مكسيكي و مكونات ياباني
باقي الفروق اسيبها للساده ملاكها

**Sehsss** · 01-03-2013 01:46 PM

المشاركة الأصلية كتبت بواسطة hany63

لا الحقيقه مافيش مميزات تذكر غير بس دي ١٥٠٠ و دي ١٦٠٠ و جرايه
دي تقفيل مصري و مكونات هندي و دي تقفيل مكسيكي و مكونات ياباني
باقي الفروق اسيبها للساده ملاكها

هي مين دي اللي تقفيل مصري و1500 !!!!!!!!!!!

**Sehsss** · 01-03-2013 01:56 PM

المشاركة الأصلية كتبت بواسطة hany63

امال الصني الشكل الجديد بتتعمل فين ياباشا و سعتها ايه؟

أنا فاكرك بتتكلم عن التيدا علشان كده استغربت، فاكرك بتتكلم بين الشكل القديم والجديد للتيدا

**karemshen** · 01-03-2013 01:55 PM

المشاركة الأصلية كتبت بواسطة sehsss

هي مين دي اللي تقفيل مصري و1500 !!!!!!!!!!!

هو بيتكلم على النيسان صني هي فعلا تقفيل مصري المصانع في 6 اكتوبر

**karemshen** · 01-03-2013 02:27 PM

استهدوا بالله يا جماعه ونرجع لموضوعنا ....... انهى افضل
التيدا الجديدة السيدان 2013
ام النيسان صني الجديدة 2013
ولا ارجع لاختياري السابق اوبل كورسا 2013 ودي الوحيدة الهاتش باك وسعرها عشان لو ناس مش عارفاه حاليا 118 الف بعد الزيادات الاخيره

اهم النقاط عندي :
1- الثبات
2- الاعتمادية ( يعني قوة العربية والماتور)
3- قوة الصاج وتحمل التصادمات وملقيش العربية مدغدغه وعايزه 50 الف تصليح ولا حاجه
4- قوة الفرامل
5- تبقى ماشي بالعربية مطمن
6- اسعار قطع الغيار والتوكيل وممكن لو في الطبيعي يعني محصلشي حادثة لقدر الله تحتاج مصاريف قد ايه خلال او 100 الف كيلو
7- الوسع من جوه
وسعر اعادة البيع محدش يبصله لانى عايز عربية تقعد معايا 10 سنين على الاقل لو ربنا اراد