السلام عليكم
انا اشتريت اوبترا من شهرين تقريبا مانيوال كاملة وانا اساسا عندى لانسر 2006 اتوماتيك كاملة
المشكلة فى ظروف استدعتنى انى اجيب الاوبترا مانيوا فكنت عايز اى طريقة احولها اتوماتيك اى حد عارف معلومة عن الحكاية دى بس ميقوليش ابدلها او ابيعها ان عايز مثلا اغير الشاشة والطوانة والكلام ده ويريت لو ينفع تقلولى السعر
انا دلوقتى على وشك شراء اوبترا و طلبتها مانيوال . لعدة اسباب اولا فرق السعر بخلاف ان مش فارق معايا اوى انى اسوق مانيوال من اوتوماتيك لانى متعود على المانيوال وفى عربيات اصعب و اخشن من الاوبترا بكتير . ثانيا استهلاك البنزين اقل
ثالثا تجميع السرعة افضل . رابعا فى حال حدوث عطل لا قدر الله فالتعامل معه فى المانيوال سيكون افضل بكتير عن الاوتوماتيك . و... ولكن مع الاربع اسباب اللى انا قلتهم فكل الناس تقريبا بتفضل الاوتوماتيك فارجو نصيحتك بصفتك تعرف جيدا الفرق بين الاتنين و شكرا
يا جماعة في حل يرضي الطرفين
ممكن الزميل اللي عاوز اوتوماتك يبيع عربيته للأخ اللي لسة حاجز .... يبقى المشتري استفاد بفرق السعر ... والبائع يشتري اوتوماتك بدل عمل تعديل في السيارة وهي لسة زيرو ......طبعا بعد المعاينة والاتفاق على السعر ...
.........................
لو الموضوع تم انا احتفظ بحقي في العمولة ههههههههههههههههههه:p .. وممكن اكتفي بسندوتش مخ
.....
تحويل العربية الي اوتوماتك صعب جدا ونتائجة مش أكيدة ومكلف .....فيه زملاء كتبو عن تجارب في هذا الموضوع و التجارب كانت مش مشجعة ......
يا استاذ احمد احنا عنينا ليك سندوتش مخ سندوتش مشكل اللى نفسك فيه ده كفاية انك بتنورنا و مبتبخلش علينا باى معلومات ..
ولكن انا بحب المانيوال زيك و انا على وشك استلم و طلبتها مانيوال ولكن لما لقيت الاخ عاوز يغير و ديه طبعا مغامرة كبيرة جدا و حرام يتلعب فى العربية و هى جديدة
كده .. فكلامه قلقنى و خلانى احاول افهم الدافع القوى اللى مخليه عاوز يعمل كده
ربما انا اكون غلطان فى اختيارى مانيوال ..
و على كل حال انا لما هستلم هعزمك على السندوتش المخ علشان تباركلى العربية بنصايحك الحلوة ..
مبروك مقدما ياباشا .....عقبال ما نباركلك علي الكومبريسوراقتباس:
المشاركة الأصلية كتبت بواسطة elhoussenm