الموضوع: تقرير عن ثاني ايام تطبيق قانون المرور الجديد

أما عن مدينة 6 أكتوبر فلا جديد، اللهم إلا قلة الميكروباصات لكن اللي موجود قايم بالواجب زي الأول واكثر وعربيات النص نقل بتاعة الفيوم كأنها ماشية في كوكب ثاني ولا تعرف حاجة عن القانون الجديد يعني سير عكس الاتجاه، سرعة مجنونة والتوك توك ولا الهوا عادي جدا.

6 أكتوبر مدينة خارج القانون ماشفتش عسكري واحد، ده حتى العسكري اللي كان بيقف عند جهاز المدينة مش موجود.

أما على المحور طبعا شعبنا ناصح وذكي كل الناس عارفة مكان الرادار ييجو قبله ويبفقوا في منتهى الأدب وبعد كده إجري ياجدع.

مرحبا بكم مرة أخرى _ _ _ مراسلكم من المنوفية يحييكم و يحب أن يخبركم إن المرور هنا ابتدى يشد جامد و الطرق أصبحت أقل كثافة و ده طبعا لأن السواقين المخالفين بتوع الميكروباصات خايفين يمشوا _ _ _ بصراحة أحسن لأن دول كانو و العياذ بالله حاجة بشعة _ _ _ ممكن يعملو معاك أي حاجة و يبقى هو الغلطان و ينزل يتخانق عادي جدا و كأنه صاحب حق _ _ _ أما دلوقتي ارتاحنا منهم شوية_
ربنا يخليلنا قانون المرور الجديد