استهلاك البنزين عندى عالى شوية فى العربية وعايز اشترى مسطرة رشاشات، يا ترى منين ورينج اسعارها ايه؟ مستعمل وجديد؟؟؟
عرض للطباعة
استهلاك البنزين عندى عالى شوية فى العربية وعايز اشترى مسطرة رشاشات، يا ترى منين ورينج اسعارها ايه؟ مستعمل وجديد؟؟؟
اتاكدت ازاي ان العيب من الرشاشات ياباشا ؟؟
في حجات كتير تزود الاستهلاك
عشان من فترة حصلت مشكلة فى العربية وفلتر البنزين القاعدة بتاعته اتكسرت وميكانيكى اغبر قطع فى مواسير البنزين وعمل وصلة مباشرة ولغى عمل الفلتر وفضلت على الحال ده لمدة سنتين بدون فلتر بنزين عشان مكنتش لاقى المواسير دى ولا حتى فى التوكيل واخيرا التوكيل وافق انى اعمل طلبية خاصة بيهم وجابهم من كان شهر.
طبعا طول الوقت ده اكيد كل الترسبات اللى فى التانك كانت بتروح على الرشاشات
وانا مواظب على الصيانة الدورية للعربية وتغيير فلاتر الهواء والبوجيهات ومفيش مشاكل تانية فى العربية غير موضوع الاستهلاك اللى بيوصل جوه البلد ل170 كم/صفيحة
فكيت الرشاشات من اسبوع وحطيتها على جهاز تنظيف بالموجات الصوتية بس للأسف الاستهلاك زاد بعدها مقلش.
تمام يبقي كده الرشاشات تعيش انت
بس كان ممكن تحط فلتر بنزين قبل خرطوم
التغذيه اللي داخل ع الرشاشات زي فلتر الياباني
القديم الشفاف ده ..
طيب دلوقتى بقى اجيبه جديد ولا استيراد وبكام الاتنين؟؟ ومنين اجيبه؟؟
استيراد طبعا علي تجربه من الحرفيين بس الاسعار سامحني ماعنديش فكره. تحياتي
بيتهيألي بتاعة اللانوس تركب عادي .. عموما 170كم / صفيحه جوه البلد مش وحش أوي.
رحت لهانى العايدى واتلكمت مع مليجى وقالى امشى يا بيه من هنا عربيتك مفيهاش حاجة وحرام تغير حاجة :)
الطقم من غير المسطرة كان ب150 جنيه
طب الحمد لله
الفيصل في استهلاك العربيه للبنزين هو الطريق الطوالي ,داخل البلد ملهاش مقياس او رقم محدد بيتوقف علي ظروف الطريق وطريقه القياده ودرجه حراره الجو ...