بتعرف أزاي العربية ده ثابتة ولا لأ ... وايه درجة ثباتها ؟
يا ريت الكل يشارك
عرض للطباعة
بتعرف أزاي العربية ده ثابتة ولا لأ ... وايه درجة ثباتها ؟
يا ريت الكل يشارك
اكيد مش بالسرعه يعني في خط مستقيم
اكيد بتتحدد عن طريق الغرز والمناورة وماتحسش انها عومت منك كدا ولا كدا:120146b
ونستني بردو رأي الباقي وانا عارف هتلاقي ناس دخلت وجابت سيرة ماركات وهاتبقا مطحنه:049:
هى فى الغالب هتبقى بالسرعه وفى خط مستقيم لان لو العربيه من اول 100 وهى بتطلع وتنزل مع مطبات الهواء والدركسيون يدردر منك وكانك مش مع الناس على الارض
وكمان بتكون مع الغرز فى السرعات العاليه بتفرق
بالخبرة كدة والاحساس، يعنى في عربية بتبقى مطمن لها وواثق من اداءها وعربية بتبقى مقلق منها وبتعرف انها على قدها من اول ما تركبها
بتبان في حاجات كتير اوى يعنى مثلا ما ينفعش تبقى عربية فراملها على قدها وابقى واثق في ثباتها ، دى ما تمشيش مع دى
ما ينفعش العربية تبقى بتتنطط في مطبات الهوا على سرعة 60 وابقى واثق في ثباتها في منحنى على سرعة عالية
لو ركبت عربية وبعدين بصيت على العداد لقيته 120 وانا فاكر انه 80 ، يبقى (في الغالب) العربية دى اثبت من العربية اللى بقارن نفس احساس السرعة بيها
ده الموضوع بكل بساطة ومش هقولك بقى اختبارات slalom و rollover resistance والحاجات دى ، هى بتتعرف بالخبرة والثقة في صانع العربية انه لما ينزل عربية في الفئة الكذا هتبقى احسن من كذا واقل من كذا بالاضافة طبعا ان الاحساس بيتترجم بعد كدة على ارض الواقع في راحة بال اثناء القيادة وقدرة كبيرة على المناورة في كل الظروف واستعداد تام لأي ظرف مفاجئ على الطريق
فى رأيى الثبات دة امر نسبى
يعنى ما اقدرش اقول ان العربية دى ثابتة
لكن ممكن اجيب عربيتين و اقارنهم ببعض و اقول دى افضل فى الثبات من دى,
انا فى مرة جربت لانسر بومة 1600 و جريت بيها و عجبنى جداً ثباتها (مع العلم انا راكب لانوس و فيات قديم), لكنى لقيت ناس هنا فى المنتدى بتعيب فى ثباتها !! عشان كدة الموضوع نسبى
بالنسبة لتحديد ثبات العربية بالتجربة اعتقد موضوع معقد شوية,
يعنى ما تجريش بعربية اول مرة تركبها ع الصحراوى و شوية غرز و حركات و تحكم عليها
لأن ممكن عربية تتظلم فى تقييمك لثباتها بسبب حاجات انت مش واخد بالك منها :
حالة الكاوتش و نقشته و ضغط الهوا بيفرقوا جدا فى الثبات.
الحالة الفنية للعفشة و الفرامل ممكن يكون فيه مشاكل فى العربية و انت مش واخد بالك و يتهيألك ان ثباتها ضايع.
انا بحس بثبات العربية من الحاجات دى:
- بتميل قد ايه فى المناورات و الغرز على سرعات معينة body roll
- الدريكسيون تقيل ولا خفيف على سرعات اعلى من 120 كم/س
- تاثير الهوا على العربية فى السرعات العالية aerodynamics
- استجابة العربية لحركة الدريكسيون العنيفة ( غرز - تفادى بلاعة او حفرة) خصوصاً فى السرعات العالية
الثبات بيبقى احساس بالعربية يعنى مثلا الجرى فى خط مستقيم بعد ال150 هبقى قادر اسيطر على العربية ولا حاسس انى طاير
مطبات الهوا لو اخدتها و انا بجرى العربية بعد المطب بتنزل فى خط مستقيم و تكمل زى ما هى ولا بتلعب يمين و شمال ولو بدرجة بسيطة
الملفات لو اخدتها بسرعة بتبقى حاسس ان العربية هتتزحلق منك بجنبها ولا هتروح معاك عادى
وفى الاخر كل واحد بيحس بالثبات بطريقة مختلفة عن التانى
انا طبعا زي الرجالة ماقالت بالظبط
بس احب اضيف حاجة
احساسي بالعربية هو اللي يخليني احدد ان كانت ثابتة ولا عادية .. بمعنى اني بعتمد على عفشتها في الاحساس ده .. هل هحس بكل حاجة في الطريق اللي ماشي عليه ولا محسش بحاجة لو خدت نقرة مثلا ( طبعا بتكلم عن العربية الرخيصة مش المرسيدس)
يعني كل حاجة وكل تعريجة في الطريق وكل نقرة وكل كل حاجة في الطريق لازم احس بيها عشان اتطمن ان العربية دي ثابتة .. وفي الاخر بردو مش عايزين ننخدع بالعربية وخلينا ماشيين على مهلنا احسن :)
طبعا هو فيه عوامل كتير
بس بالنسبالي ثبات العربية بيبان بدرجة تماسكها في الملفات !! خصوصا الملفات الصعبة لما تتاخد على سرعات عالية !! والاهم هتاخد الملف في حارتك ولا هتطلع منه ؟؟ ولا هتحس العربية بترفع منك !! ؟
وتاني حاجة تشفيت الحارات على السرعات العالية +150 فما فوق ياترى هتقدر تاخد غرز بعرض الطريق بالاربع والخمس حارات رايح جاي !! ؟ ولا العربية هتعملها معاك !! ؟
في منطقة معين في الدايري عند طلعة صفط اللبن في اتجاه اكتوبر
الحتة دي كل مابعدل حاجة في العفشة بطلع اجري فيها واجرب !! لانها ملفات صحيح ملفات واسعة بس بتتاخد على سرعات اقل واجب 150
مع الغرز !! ؟ غرزتين تلاتة عكس الملف مع غرزتين تلاتة في اتجاه الملف بيبان تماسك العربية
تالت حاجة لما تاخد غرزتين ورا بعض يمين في شمال بالمقاس !! ؟ هيبان بقى تاثير ال Body weight shift هيعوم العربية ولا هتمسك نفسها
الثبات بيبان في المواقف المفاجاه لكن الغرز انت بتبقي عارف هاتاخد الغرزه امتي وازاي دا مش مقاس الموقف المفاجا بس اللي بيحدد
الثبات بيبقى احساس و بيتغير لو حاجة فى العربيه مش مظبوطه
بالتجربه لعربيتين سواقه النوبيرا و اللانسر
النوبيرا و عفشتها بايظه بعد ال 130 بحسها بتتمرجح بس ببقى واثق فيها انها مش هاتعملها معايا - اللانسر و عفشتها سليمه بعد ال 80 ابقى مقلق منها جدا
النوبيرا و عفشتها سليمه هات 180 و ملفات بس هاديه و نقل من حاره لحاره عادى جدا - غرز على 120 شغاله حلو مجرتش اكتر من كده بصراحه لانها حاليا مبتجبش اكتر من السرعه دى :)
اللانسر 120 انت كده طاير فى الهوا و العربيه مستنيه منك غلطه عكس النوبيرا - اخرى فى الغرز معاها 60 حلو اوى بصراحه
على الرغم من انى لما باخد غرزه بالنوبيرا العربيه بتميل و بتعدل بس مبحسش انها مش ثابته عكس اللانسر الى فى الغرز مبتميلش بس مبحسش فيها بالثبات ولا الامان
اللى أعرفه:
طريق Straight وأسفلت Laser.. يبقى مش أقل من 150/160+ عشان تقول العربية دى ثابتة!
لكن غير كده ألش :)
تعالى فـ طريق ملفات وحارتين فقط، وأسفلت فيه عالى وواطى.. وإجرى وغرز وأقطم وشوف؟!!
هنا بقى العفشة الصح تبان! What؟
وطبعا المواقف المفاجئة والتعامل العنيف مع الدركسيون + فرامل >>> هو ده.
هتعوم ولا هتـunder ولو عملت Oversteer هتتلم ولا لأ؟!!
btw: إختبارات الثبات والـgrip والـSkid-pad الـMoose والـg-force والـLateral Acceleration ووو...etc
لازم يتعمل induction يخرج العربية at the Limit عشان يقدر يحكم! يعنى simulation لحالة الـOut-of-Control؟!! ويقيس :eek:
لكن مش بالإحساس يارجالة!!
حاجة أخيرة -واللى عايز يصدق أو مايصدقش- it's Up 2 U
فيه عربيات كل ماتزود السرعة.. الثبات بيزيــــــــــــــــــــد ؟!! ويلاحظها حتى الـrookie-driver
وبتكلم فـ سرعات من 160كم/س، من غير مانقول ماركات -معروفة :) :nemoflow:
اقتباس:
حاجة أخيرة -واللى عايز يصدق أو مايصدقش- it's up 2 u
فيه عربيات كل ماتزود السرعة.. الثبات بيزيــــــــــــــــــــد ؟!! ويلاحظها حتى الـrookie-driver
وبتكلم فـ سرعات من 160كم/س، من غير مانقول ماركات -معروفة :) :nemoflow:
مصدقها جدا
الفيرنا ثباتها بيتحسن بعد الـ 180 :d
بس المشكلة في الفرامل
تعالي عندنا في اسكندرية و انزل سوق علي الكورنيش في الفجر . حتلاقي اصعب ملفات في مصر..خصوصا الملف بتاع جليم ..بين اذا كانت عربيه محترمة و لا خفيفة
موضوع جميل و مليان معلومات
الثبات بالنسبه ليا
هو مدي تماسك العربية علي الطريق سواء مستقيم او ملفات
و تحمل الشاسيه و العفشه لظروف الطريق المختلفه من غير التاثير علي التماسك
ما هو محدش فينا هيجيب اقماع و يروح تراك و يختبر
احنا بنعتمد على التجربة و الاحساس بالثبات فى الغرز و اللعب او فى المواقف الحرجة
يعنى مثلاً ايه اللى يخلينا نقول السيفيك ثباتها عالى
او العربيات الالمانى ثباتها عالى
او اللانوس مثلاً ثباتها عالى جداً فى السرعات العالية 180+ (حد ليه شوق فى حاجة) :C_laugh[1]:
أنا معايا نيو أكسنت وأول ماشترتها عرفت أد ايه ان ثباتها قليل، وده بان معايا على الطريق السريع وعربية نقل كبيرة معدية من جنبي
تحكم على العربية فى ثباتها بكذا حاجة
1- احساسك بالعربية على السرعة العالية فى الطوالى او عند المرور جنب عربيات نقل او اتوبيسات على سرعات عاليه يعنى حاسس العربية ماسكة فى الارض وبتحس باهتزازات فوق وتحت بسيطة ومع الطريق تبقى ثابته
لكن يمين و شمال وحاسس انك زى متكون راكب مركب تبقى بتعموم وهتقل معاك فى اول ملف
واللى بيحدد ده تصميم جسم العربية وخصوصا الكبوت و البربرز اللى قدام و الاكصدام الامامى بمعنى هل تصميم جسم العربية بيخليها ترفع الهوا فوقيها ( تدى ثبات اكتر) او تنزل الهوا تحتيها (ثبات زى الزفت) وكمان وزن العربية بس ده مش شرط اساسى زى التصميم
2- احساسك بالطارة و ميلان العربية فى الملفات و الغرز
فى عربيات فى الملفات بتميل بدرجة عاليه عكس اتجاه الملف وده بيحدف حمل العربية لبرة وتحس ان العربية عايزة الملف على الواسع اكتر ولو جيت تقطم لجوا هتعوم معاك وتمشى بالعرض
وده راجع لتصميم العفشة و الدعامات اللى بتتعمل فيها وعرض الاطارات وضغط الهوا فيهم وطبعا و اللى اهم من ده حالة الطريق لو مستوى ولا فيه مطبات هوا
3- احساسك بالفرامل واستجابة السيارة مع الفرامل فى الملفات
وده بيكون راجع لحالة الكاوتش وانظمة تدعيم الفرامل زى abs متلا و انظمة كتير متخليش العربية تعموم مع الفرامل ويفضل عندك قدرة على المناورة و السيطرة على العربية فى حالة الخطر والفرامل المفاجئة
4- ظروف الطقس و اتجاه الريح
لو الهوا عكسك او جاى من احد الجوانب هتلاقى الثبات ضايع خصوصا لو الهوا من الجمب لانو هيخش تحت العربية بسهولة ويقلل من وزنها على الارض
طبعا الكلام كله زى الفل على الرغم انى مش فاهم نصه بس بالفعل احنا مش هنجرب الحاجات دى كلها على عربياتنا
و اخر حته انا مصدقها جدا جدا جدا جدا و ده بلاحظه فى النوبيرا عندى و من غير تريقه هيه مش اثبت عربيه فى الدنيا بس ثباتها بالنسبه لسعرها و الفئه بتاعتها كويس جدا جدا جدا
العربيه بتبقى فوق ال 180 لازقه على الارض و ده انا جربته فعلا و على طريق العلمين فيه كسرات خفيفه جدا و الاسفلت فيه حفر بس كانت تمام عليه
و بتبقى على سرعه 120 زى الزفت مش عارف ايه السر فى كده بس على 120 اعلى او اقل بتبقى اثبت بكتير متعرفش ايه السر فى الموضوع ده يا فورميلاتور