المشاركة الأصلية كتبت بواسطة SYD
بص يا باشا
للاسف السيستم بورش ملاكها في القسم قليلين جدا واصلا مش بيدخلوا
لكن انا هجاوبك في حدود معلوماتي
طقم الدبرياج فيه انواع كتير - احسنهم الريمسا الاسباني والفاليو
هتلاقي الطقم حاجة من اتنين - اما غالي نار لقلة السيارة او رخيص موت لو تشابه مع بتاع الاونو
عموما لو غالي هيتراوح بين 500-700
ولو رخيص هيلعب في رينج 300-400
اما عن البوجيهات
هتجيب بوجيه ngk بكود BPR6ES
دة بوجيه 1 شمعة سن 21 تخين وهتظبط الجاب علي 0.9 بالفيلر
اما عن الاكسسوارات - الله اعلم بكام - بس عموما العربية دي بتتشابه جدا مع الاونو
يعني ممكن تلاقي اكسسوارات الاونو تمشي معاها زي الفيبر
الفوانيس هتنزلها نزلة لوسط البلد تعرف منها الدنيا ماشية ازاي وخصوصا ان التوكيل هناك في شارع رمسيس
بص يا صديقي - دة مش جواب نهائي
تابع معايا وكل لما اعرف حاجة هكتبهالك هنا
تحياتي