الموضوع: بخصوص سياره ريتمو مستعمله

بص يا باشا المعروف عن الريتمو انها كويسة بس مشكلتها الشاسية بيفتح بغبااااااااااااااااااااء
ف انا شايف ان ال 13 الف دول يجيبولك 127 حالتها حلوة وهتستحمل أكتر من الريتمو وال 128
وشوف بردو رأى باقى الأعضاء

ابعد عن الريتموووووووو انا معايا عربية ريتموو موديل 79 بتاعت والدى بكرهها كره العما وكرهتنى فى كل العربيات مشاكلها كتير بتحرج الواحد دايما ومش بتقف جنبه وأعطالها كتير وبتسخن وحالتها بالبلاه العربية دى بالذات مش طايق اسمع سيرتها ولا اسمها وحتى شكلها مستفز ودمه تقيل ومهما تصرف عليها شكل وش امها رخم واللى يغيظك اكتر ان التابلوه بتاعها مكتوب عليه I ♥ Ritmo
نفسى اعرف مين المستفز اللى كاتبها دى انا I Hate Ritmo
هيه ميزتها الوحيدة انها اوسع من ال 128 و ال 127 بحاجة بسيطة غير كده كلها مشاكل والشاسيه بتاعها ضعيف وبيفتح وبيتكسر بسرعة عشان موتورها اتقل من الشاسيه وعلى كده ماتورها مش قد كده رغم انه احسن من ماتور ال 128 بس لو حد مهتم بيه لانها 1300 cc وال 128 موديلات الثمانينات كلها 1100 ماعدا المعدل

بلاش ريتمو خليك في ١٢٨ -١٢٧ و موفق

المشاركة الأصلية كتبت بواسطة aboomar22

ممكن اختلف معاكم فى الراىء انا شايف ان الريتمو اوسع من ال 127 وال128 وموتور اقوى وقطع غيار رخيصة زيهم تقريبا وشكلها اجمل (وجهة نظر ) اما موضوع الاعطال كل عربية حسب حالتها لو حالتها كويسة وانت مهتم بيها هتبقى كويسة اى عربية هتهملها هابقى مشاكلها كتير وتقف منك كل شوية ولو على الشاسية برضه المشكلة دى فى ال128 --طيب سيبك من دول المبلغ ده يجبلك بيجو 305 حالة كويسة ويفيض منه كمان تظبطها بيهم عن تجربة وعشره 8 سنوات عربية واسعة وناعمة و كويسة قوى لو مهتم بيها وعلى فكرة قطع غيارة كلها موجودة جديد واستيراد واسعارة مش عالية زى ماهو مشهور يمكن اللى غالى الموتور والكبالن فقط عموما الكبالن بتتصلح وبتعمر عن الفيات كتييييييييير --ممكن كمان تشوف المازدا ال 323 الهاتش باك مش عارف سعرها كام بس مش هتكون اظن هتكون قريبة من السعر ده مش اكتر بكتير يعنى --يعنى المختصر للموضوع حالة العربية بتبقى اهم من نوعها احيانا

باشا انا معاك فى الكلام ده بس اقولك على مثل واحد قالهولى وبجد انا اقتنعت بيه بعد ماشوفت الويل
بيقولك ( الجلبية القديمة مهما ترقع فيها هتتقطع من حته تانية ) انا معاك فى اللى يهتم بالعربية تهتم بيه بس المشكلة دلوقتى انه مبقاش فى حد عنده ضمير ومبقاش فى صنايعية زي زمان وكله دلوقتى عاوز فلوس وبس يعنى مثلا اقربها من اسبوع العربية كانت بتأخر فى الدوار رحت للميكانيكى قالى روح لكهربائى خليه يظبطلك المارش عشان خشن بالرغم من انى كنت مظبطه من شهرين والعربية مش بتمشى كتير يعنى المارش تمام المهم الكهربائى فك المارش وغسلة بالبنزين ( سحب بنزين من العربية وخرملى الكوع الكاوتش اللى داخل عالتنك ومعرفتش غير لما روحت وربع التنك نزل عالأرض ) وبعتنى لواحد خراط ( حرامى ) عشان يظبط الجلب والكلوكتور وخد 45 جنيه ده الخراط والكهربائى قفل المارش وشغله وخد 40 جنيه + 6 جنيه شاربون يعنى الاجمالى 91 جنيه والعربية برضو بتأخر دوار وفى الأخر كشفت عالبطارية طلعت جايبة ربع رغم انها مكملتش 6 شهور
الحدوته طويلة ومش عاوز اطول اكتر من كدة بس بس فعلا زى ماقولت لحضرتك ( الجلبية القديمة مهما ترقع فيها هتتقطع من حته تانية )