الموضوع: استفسار عن الفرق بين ابواب اللانوس1 و شيفروليه لانوس

المشاركة الأصلية كتبت بواسطة chester16583

السلام عليكم و رحمه الله و بركاته
شباب انا حصل لى حادثه...سواق مقطوره عمل معايا الواجب....المهم قالولى لازم اجيب باب خلفى شمال استيراد....انا عربيتى شيفروليه لانوس 2012 و الابواب الاستيراد اللى لاقيها لانوس1.....التجار بيقولوا لى انه نفس الباب و الفرق فى الجريده اللى فى الباب....هل الكلام ده صحيح...اشترى باب لانوس1 و أركبه؟؟؟؟ و لا فيه فرق؟؟
افيدونى اثابكم الله

وعليكم السلام ورحمة الله وبركاتة
قدر الله وما شاء فعل وربنا يعوض عليك

بص انا ابن خالتى معاه شيفورلية لانوس 2010 عملنا حادثه انا وهو فى الباب اليمين وانا اللى كنت قاعد :d

المهم الباب ماكنش نافع بصاغ
نزلنا صلاح الدين فى اسكندريه وجبنا باب يمين لانوس 1 برضه وركبناه عادى
الفرض الوحيد ان لانوس 1 مش كهرباء يعنى لو فرش الباب سليم هتشيله من الباب القديم وتركبه على الباب الجديد انما لو الفرش القديم اتدغدغ ومش نافع يبقى انتا كده هتلغى الزرار بتاع الكهرباء للازاز ده اولآ تانى حاجه المسوجر بتاع الباب مختلف تالت حاجه هتجيب بلغ سنتر جديد

وعلى اى حال وانتا بتشترى الباب قول للراجل هأخد على سبيل التجربه لو ما نفعش هرجعه تانى للأحتياط بس

شكرا يا باشا هو الفرش الحمد لله سليم و كل حاجه جوه سليمه بس الباب من بره اتعجن.....ممكن اعرف اشتريته من فين فى صلاح الدين و حوالى بكام علشان انا من اسكندريه

المشاركة الأصلية كتبت بواسطة chester16583

شكرا يا باشا هو الفرش الحمد لله سليم و كل حاجه جوه سليمه بس الباب من بره اتعجن.....ممكن اعرف اشتريته من فين فى صلاح الدين و حوالى بكام علشان انا من اسكندريه

اهلآ يا جميل :)

من بعد الاشاره اسئل على بتوع الاستعمال هناك بس والله مش فاكر من عند مين بالظبط

الباب كنا جايبينه ب 300 جنيه

هتلاقى بتوع الاستعمال كتير ولو استنيت لبكرا اسئلك ابن خالتى يجيبلك اسم ورقم الراجل اللى اخد منه الباب ان شاء الله بس برضه لو عايز تدعبث وتسئل عليه عامل كام برضه يمكن تلاقيه ارخص شويه بس خلى بالك كنا واخدين الباب كامل بكل حاجه بالازاز كمان واللى هيركبهولك تأخد منه الحاجه القديمه يمكن تنفعك فى اى وقت

المشاركة الأصلية كتبت بواسطة aldesha989

اهلآ يا جميل :)

من بعد الاشاره اسئل على بتوع الاستعمال هناك بس والله مش فاكر من عند مين بالظبط

الباب كنا جايبينه ب 300 جنيه

هتلاقى بتوع الاستعمال كتير ولو استنيت لبكرا اسئلك ابن خالتى يجيبلك اسم ورقم الراجل اللى اخد منه الباب ان شاء الله بس برضه لو عايز تدعبث وتسئل عليه عامل كام برضه يمكن تلاقيه ارخص شويه بس خلى بالك كنا واخدين الباب كامل بكل حاجه بالازاز كمان واللى هيركبهولك تأخد منه الحاجه القديمه يمكن تنفعك فى اى وقت

تمام يا باشا هنزل بكره أسئل و أشوف الكلام و الف الف شكر

انا سئلتلك ابن خالتى دلوقتى قالى انه اشتراه من عند واحد فى الدمبسكو اسمه عماد نوفل
بس هو بيقولى انه اشترى باب لانوس 1 بس تقريبآ الفرق فى الباب الدفيره والكهرباء بس