الرجاء الدخول وابداء الراي فى حيرة اخوكم - ضرورى الرد فى اقرب وقت

انا معروض على اسبرانزا516 موديل 2007 وعاملة تقريبا 65000 ك ومحتار بينها وبين اللانوس
فيه ناس كتير مقلقانى من الاسبرانزا ومن المواقع لقيت ناس بتقول ان قطع غيارها مش معمرة وفيه اللى بيقول ان قطع غيارها اغلى من الياباني
فياريت تنصحونى اعمل اية؟
وهل فعلا قطع الغيار الان اغلى من الياباني لان فعلا سالت على سير الكاتينة الاصلي للانسر لقيته ب120ج وصديق لي قال ان سير الكاتينة للاسبرانزا عامل 180ج
فما هي اخر اسعار قطع الغيار للاسبرانزا سواء فى التزكيل او خارجه؟
وهل فعلا قطع الغيار غير معمرة؟
وما هو فارق السعر فى قطع الغيار مقارنة بالانوس؟
وماهي نصائحكم بما يرضي الله؟
مع العلم انى امتلك سيارة فيات 128 وهذه اول سيارة لي والسايرة المعروضة على ب 42000 موديل 2007
الرجاء المشاركة بالنصيحه ولكم جزيل الشكر

اخى العزيز كان الله فى عونك
انصحك اولا بانك تصلى صلاة استخارة
انا معايا لانسر بومة سير الكاتينة الاصلى لوحده بس عامل 250 جنية ودا سعرة برة التوكيل وداخل التوكيل اكيد ابو 120 جنية دا مش اصلى

خليك فى اللانوس افضل

بص اكيد قطع غيارها مش ارخص من اللانوس بس بردو مش هتكون غاليه اوى لان انتشارها كا تكس هيخليها رخيصة و متوفرة
ونصيحتى ليك حاول تبعد عن المستعمل خالص ولو ينفع حط تقديمه وقسط الباقى اريحلك

شوف بما يرضي الله
امتلك العربيه من 2008
114000كيلو استهلاك
الانوس كانت امامي وانا باختار عربيه زيرو
ال516 عربيه محترمه جميع الكماليات بجد مش هزار
تصميم فخم
عربيه راسيه وتقيله
واسعه جدا
تكييف اكثر من رائع في اشد الايام حراره
قطع الغيار رخيصه جدا
الكاتينه مش غاليه
الغالي فيها هو اليلي الي لازم تغيره مع الكاتينه 500 جنيه
قطع غيارها ممتازه من ناحيه انها معمره
زيها زي اي عربيه
مشكلتها
عفشتها ضعفيه شويه في الطرق المكسره بتسمع شويه نقر وانت ماشي
مش اي حد يشتغل فيها
خلاف الانوس
لو بتقا رن عربيه امام عربيه
الاسبرانزا تكسب
الانوس بساطه في التشغيل
بياعه
قطع غيار استيراد
لك الاختيار
اما العربيه المعروضه عليك
لو هاتاخدها بسعر كويس
اكيد انت الكسبان بس تتاكد قبل اي شيء من حاله العربيه
يعني فابريكه فابريكه مش اي كلام
65000 كيلو استهلاك مش كتير قوي
معقول
ربنا يوفقك لما فيه الخير لك

صديقى معاه اسبيرانزا ودلوقتى بيتحسر على فلوسه
نصيحتى خليك فى الانوس أو الفيرنا

بلاش اسبرنزا

اقتباس:

---

المشاركة الأصلية كتبت بواسطة salah_86

اخى العزيز كان الله فى عونك
انصحك اولا بانك تصلى صلاة استخارة
انا معايا لانسر بومة سير الكاتينة الاصلى لوحده بس عامل 250 جنية ودا سعرة برة التوكيل وداخل التوكيل اكيد ابو 120 جنية دا مش اصلى

---

اشكرك على الرد اخى العزيز
وانا فعلا بصلي علطول استخارة ولكن لم اهتدي الى الان
اما عن سعر سير الكاتينة فانا عرفته لاني كنت عند الميكانيكي بتاعي ولقيت هناك عربية لانسر واقفة وبيغيرلها سير كاتينة فسالت صاحب العربية فقالى انه اول مرة يجيبة وان سعره 120ج - وانا نفسي استغربت من السعر لاني استرخصته ولكنه اكدلى ان ده كمان اصلي ونوع نضيف

اقتباس:

---

المشاركة الأصلية كتبت بواسطة midofarh

خليك فى اللانوس افضل

---

اكيد اللانوس مفيش خلاف انها عربية بياعه وانها ارخص اسعار لقطع الغيار وان الكل بيفهم فيها ولكن لما تلاقي امكانيات زي الاسبرانزا 516 ( وسع كبير جدا - تكيف قوى - عربية واسعه - شنطه واسعه - اوبشن كامل مش ناقص غير الاتوماتيك - فيها اوبشن مش موجود غير فى مستويات البي ام دابليو والحاجات الاعلى - اتقل عربية فى السوق على الطريق - الخ الخ)
اعتقد يبقي المقارنه هنا صاعبة
ده غير ان العربية شكلا احلى من اللانوس
ولكن انا خايف اجيبها الاقي نفسي لابس فى مصاريف مش قدها
او ان يبقي مصاريفها كتيرة او متكررة

اقتباس:

---

المشاركة الأصلية كتبت بواسطة hmatchy

بص اكيد قطع غيارها مش ارخص من اللانوس بس بردو مش هتكون غاليه اوى لان انتشارها كا تكس هيخليها رخيصة و متوفرة
ونصيحتى ليك حاول تبعد عن المستعمل خالص ولو ينفع حط تقديمه وقسط الباقى اريحلك

---

اولا اشكرك على الرد
وهذا هوه اللى انا بسال عليه فرق الاسعار ميخلينيش اخاف من الاسبرانزا ولا لأ؟
ده غير عمر قطع الغيار اد اية ؟ لان ممكن فعلا ميكنش الفرق كبير ولكن معدل التغير اعلى فيبقي عملت اية؟
اما عن شرائي للجديد - فانا والله يا اخى تعرقت بحثا عن موضوع التقسيط ولكن اخر شئ اهتديت اليه وبعد سؤال موسع جدا جدا جدا ان كل انظمة التقسيط التى تتعامل بها الشركات فيها حرمانية شرعيه حتى الاسلامي منها - فخفت من التقسيط
وحاولت ان ادور على معارض بتقسط تقسيط مباشر بدون وسيط ولكن اللى رضي منها كان بفايده 25% يعني هيبقي حرام عليا اقسط
وعلشان كدة لجأت للمستعمل

اقتباس:

---

المشاركة الأصلية كتبت بواسطة hugan

شوف بما يرضي الله
امتلك العربيه من 2008
114000كيلو استهلاك
الانوس كانت امامي وانا باختار عربيه زيرو
ال516 عربيه محترمه جميع الكماليات بجد مش هزار
تصميم فخم
عربيه راسيه وتقيله
واسعه جدا
تكييف اكثر من رائع في اشد الايام حراره
قطع الغيار رخيصه جدا
الكاتينه مش غاليه
الغالي فيها هو اليلي الي لازم تغيره مع الكاتينه 500 جنيه
قطع غيارها ممتازه من ناحيه انها معمره
زيها زي اي عربيه
مشكلتها
عفشتها ضعفيه شويه في الطرق المكسره بتسمع شويه نقر وانت ماشي
مش اي حد يشتغل فيها
خلاف الانوس
لو بتقا رن عربيه امام عربيه
الاسبرانزا تكسب
الانوس بساطه في التشغيل
بياعه
قطع غيار استيراد
لك الاختيار
اما العربيه المعروضه عليك
لو هاتاخدها بسعر كويس
اكيد انت الكسبان بس تتاكد قبل اي شيء من حاله العربيه
يعني فابريكه فابريكه مش اي كلام
65000 كيلو استهلاك مش كتير قوي
معقول
ربنا يوفقك لما فيه الخير لك

---

اشكرك شكرا جزيلا على الرد

اقتباس:

---

المشاركة الأصلية كتبت بواسطة holomox

صديقى معاه اسبيرانزا ودلوقتى بيتحسر على فلوسه
نصيحتى خليك فى الانوس أو الفيرنا

---

اشكرك على الرد
ولكن هل ممكن توضحلنا اية سبب ندمة وبالتفصيل اذا سمحت - اكون شاكر ليك جدا جدا

اقتباس:

---

المشاركة الأصلية كتبت بواسطة ahmedcar

بلاش اسبرنزا

---

اشكرك على الرد
ولو انى احتاج تفصيل اكثر

اقتباس:

---

المشاركة الأصلية كتبت بواسطة idea4man

اشكرك على الرد اخى العزيز
وانا فعلا بصلي علطول استخارة ولكن لم اهتدي الى الان
اما عن سعر سير الكاتينة فانا عرفته لاني كنت عند الميكانيكي بتاعي ولقيت هناك عربية لانسر واقفة وبيغيرلها سير كاتينة فسالت صاحب العربية فقالى انه اول مرة يجيبة وان سعره 120ج - وانا نفسي استغربت من السعر لاني استرخصته ولكنه اكدلى ان ده كمان اصلي ونوع نضيف

---

لا شكر على واجب ياباشا
وان شاء الله ربنا يهديك للإختيار الصحيح
وياريت كان سعر الكاتينة رخيص قوى كدا

ربنا يهديك للخير ان شاء الله

بلاش السبرانزا مستعمل .....